You are currently viewing ህገወጥነትና የኑሮ ውድነት  መባባስ ለዜጎች ህልውና ፈተና ሁኗል! ባህርዳር:- መጋቢት 02/2014 ዓ.ም                 አሻራ ሚዲያ እየተባባሰ የመጣውን ህገወጥነትና የኑሮ ውድነት…

ህገወጥነትና የኑሮ ውድነት መባባስ ለዜጎች ህልውና ፈተና ሁኗል! ባህርዳር:- መጋቢት 02/2014 ዓ.ም አሻራ ሚዲያ እየተባባሰ የመጣውን ህገወጥነትና የኑሮ ውድነት…

ህገወጥነትና የኑሮ ውድነት መባባስ ለዜጎች ህልውና ፈተና ሁኗል! ባህርዳር:- መጋቢት 02/2014 ዓ.ም አሻራ ሚዲያ እየተባባሰ የመጣውን ህገወጥነትና የኑሮ ውድነት ለመከላከል የሚያስችሉ ስራዎች ላይ ትኩረት አድርጎ እየሰራ መሆኑን የምዕራብ ጎጃም ዞን ንግድና ገበያ ልማት መምሪያ ገለጸ። መምሪያው በህገ ወጥ ንግድና ኮንትሮባንድ፣ታክስ ስወራ፣በኑሮ ውድነት ጉዳዮች ላይ ከዞንና ወረዳ የህገ-ወጥ ኮንትሮባንድና ግብይት መከላከል ግብረ ሀይል አባላት ጋር በፍኖተ ሰላም ከተማ ውይይት አድርጘል። የምዕራብ ጎጃም ዞን ንግድና ገበያ ልማት መምሪያ ኃላፊ አቶ አሰፋ ጥላሁን እንደገለጹት የህገ ወጥ ደላሎችና መበራከትና የተራዘመ የግብይት ሰንሰለት መደበኛ የንግድ ስርዓቱን በማዛባት ሰው ሰራሽ የዋጋ ንረትና የኑሮ ውድነት በመፍጠር የህብረተሰቡን ህይወት እያናጋ መሆኑን ገልጸዋል። ሰው ሰራሽ የዋጋ ንረቱ በዞኑ የመልካም አስተዳዳደርና የጸጥታ ስራ እያሳደረ ያለውን ጫና ለመግታት በተለያዩ ወረዳዎች በቅርቡ በተደረገ ድንገተኛ ፍተሻ 10 ሺህ 800 ሊትር በላይ የምግብ ዘይትና ከ5 ሺህ 500 ሊትር በላይ ናፍጣና ሌሎች መሰረታዊ ምርቶችን አከማችተው በተገኙ 2 ሺህ 812 ህገ ወጦች ላይ እርምጃ ተወሰወዷል። በቀጣይም ከባለ ድርሻ አካላት ጋር በመቀናጀት በህገ ወጦች ላይ የማያዳግም እርምጃ በመውሰድ የዜጎችን የመሸመት አቅም በማሳደግ ኑሮአቸውን ለማሻሻል እየተሰራ መሆኑን የመምሪያ ኃላፊው ተናግረዋል። የምዕራብ ጎጃም ዞን ምክትል አስተዳደሪና የግብርና መምሪያ ኃላፊ አቶ ጥላሁን አለምነህ እንደገለፁት አስተዳደሩ የአጭር ጊዜ እቅድ በማዘጋጀት የዋጋ ንረቱ በዜጎች ላያ ያሳደረውን የኑሮ አለመረጋጋት በመቆጣጠርና የሸማቾች ህብረት ስራ ማህበራትን እየገጠማቸው ያለ የፋይናንስ ችግር በመፍታት እየተባባሰ የመጣውን ህገ ወጥነትና የኑሮ ውድነት ከመሰረቱ ለመፍታት በትኩረት እየሰራ ነው፡፡ የምግብ ዘይት እጥረቱ ለመፍታት በቡሬ ኢንዱስትሪ ፓርኮች ዘይት ከሚያመርቱ ድርጅቶች ጋር በጋራ እየተሰራ ነው ብለዋል፡፡ በዞኑ ህገ ወጥነትን በመቆጣጠር ዜጎች የተረጋጋ ኑሮ እንዲመሩ ለህብረተሰቡ የንቃተ ህግ ትምህርት በመስጠትና የማያደግም የህግ እርምጃ በመውሰድ ህግ የማስፈጸም ኃላፊቱን ለመወጣት እየተሰራ መሆኑን የገለፁት ደግሞ የምዕራብ ጎጃም ዞን ፍትህ መምሪያ ተወካይ ኃላፊ አቶ ገደፋው ያለው ናቸው፡፡ የውይይቱ ተሳታፊ የግብረ ሀይል አባላት በበኩላቸው አሁን ላይ እየታየ ያለው የኢንዱስትሪ ምርቶች የአቅርቦትና ፍላጎት አለመመጣጠንና ሰው ሰራሽ የዋጋ ጭማሬ ከድህነቱ አልፎ የፀጥታ ችግር መንስኤ በመሆኑ ችግሩን በጋራ በመፍታት ህብረተሰቡ ላይ እየደረሰ ያለውን የኑሮ ጫና በመቆጣጠተር ህዝብና መንግስት እንዲተማመን የድርሻቸውን እንደሚወጡ ተናግረዋል፡ ለፈጣንና አዳዲስ መረጃዎች የአይበገሬዎቹ ልሳን:- ቴሌግራም :- https://t.me/asharamedia24 Facebook :- https://www.facebook.com/asharamedia24 youtube :- https://www.youtube.com/channel/UChir2nIy58hlLQRYyHIQeHA

Source: Link to the Post

Leave a Reply