You are currently viewing ለአማራ ህዝብ ህልውና በመታገል ላይ ያሉ የነቁ አማራዎችን ማፈን ፣ማሳደድ እና ጅምላ እስር በአስቸኳይ እንዲቆም ሲል የአማራ ወጣቶች ማህበር (አወማ) ጠየቀ። አማራ ሚዲያ ማዕከል/አሚማ…

ለአማራ ህዝብ ህልውና በመታገል ላይ ያሉ የነቁ አማራዎችን ማፈን ፣ማሳደድ እና ጅምላ እስር በአስቸኳይ እንዲቆም ሲል የአማራ ወጣቶች ማህበር (አወማ) ጠየቀ። አማራ ሚዲያ ማዕከል/አሚማ…

ለአማራ ህዝብ ህልውና በመታገል ላይ ያሉ የነቁ አማራዎችን ማፈን ፣ማሳደድ እና ጅምላ እስር በአስቸኳይ እንዲቆም ሲል የአማራ ወጣቶች ማህበር (አወማ) ጠየቀ። አማራ ሚዲያ ማዕከል/አሚማ ታህሳስ 12 ቀን 2015 ዓ/ም አዲስ አበባ ሸዋ ለአማራ ህዝብ ህልውና በመታገል ላይ ያሉ የነቁ አማራዎችን ማፈን ፣ማሳደድ እና ጅምላ እስር በአስቸኳይ እንዲቆም የጠየቀው የአማራ ወጣቶች ማህበር (አወማ) በአማራ ተማሪዎች ማህበር (አተማ) ፕሬዝዳንት በእሸቱ ጌትነት እና አብሮት በነበረው ጓደኛው በመታገስ ጸጋ ላይ ተፈጽሟል ያለውን መንግስታዊ አፈና በፅኑ አውግዟል። የአወማ ሙሉ መግለጫ የሚከተለው ነው:_ የአማራ ተማሪዎች ማህበር (አተማ) ከተመሰረተበት ጊዜ ጀምሮ በርካታ አበረታችና ጉልህ ስራዎችን ሰርቷል። ከእነዚህም መካከል:_ 1) አስራ ሰባት (17) የአማራ ተማሪዎች በደምቢዶሎ ዩኒቨርስቲ መንግስታዊ ድጋፍ ባለው ኃይል ታግተው ደብዛቸው ሲጠፋ[እስካሁንም ለተማሪ ቤተሰቦች ፥ለመላው የአማራ ህዝብ ያልተረዳ መርዶ ነው] ከአማራ ወጣቶች ማህበር ጋር በመተባበር መላው አማራ ህዝብ ቁጣው ፤ሰላማዊ ተቃውሞውን በአደባባይ እንዲገልፅ አድርጓል። በተመሳሳይ ከሰሞኑ የአማራ ተማሪዎች መታገታቸው የሚታወስ ነው ። 2) የአማራ ተማሪዎች የከፍተኛ ሁለተኛ ደረጃ መልቀቂያ ፈተና ላይ መንግስታዊ እና ስርዐታዊ የውጤት ማሳጣት ፣ማጭበርበር ሲደርስባቸው በተመሳሳይ ከአማራ ወጣቶች ማህበር ጋር በመተባበር ውጤታቸው ዳግም እንዲታይ፣ እንዲሁም በጦርነት ውስጥ የነበሩ የአማራ ተማሪዎች ከሌሎች የአገሪቱ አካባቢዎች በተመሳሳይ ሊፈተኑ አይገባም በማለት በአደባባይ ድምፃችን ያሰማን [በዚህም ጥያቄው በተወሰነ መልኩ መልስ አግኝቶ በጦርነት አካባቢ ሆነው የተፈተኑ የአማራ ተማሪዎች ድጋሚ የመፈተን ዕድል እንዲያገኙ ተደርጓል ] ፤ በተጨማሪም እነዚህ ተማሪዎች በውጭ አገር ከሚገኙ የአማራ ማህበራት ጋር በመተባበር የማጠናከሪያ ፣የማካካሻ ትምርህት እንዲያገኙ ያደረገ የአማራ ተቋም ነው። 3) የህውሓት ወራሪ ሀይል የአማራን ህዝብ አንገት ለማስደፋት ፣ለማዋረድ ባደረገው ወረራ በርካታ የአማራ ልዩ ሀይል ፣የአማራ ሚኒሻ እና ነበልባሉ የአማራ ፋኖ አኩሪ ጀብድ ፈፅመዋል። በዚህ ታሪካዊ የጀግንነትና አማራዊ ገድል ለተሰው የአማራ ፋኖ ፣የአማራ ሚሊሻ ቤተሰቦች ፤ያለ አሳዳጊ ለቀሩ እንቦቀቅላ ልጆች በውጭ አገር ከሚገኙ የአማራ ተቆርቋሪ ማህበራት ጋር በመተባበር የከበረ መስዕዋትነት ለከፈሉ የአርበኛ ሚስቶች ድጋፍ እንዲያገኙ፣ የጀግና ልጆች ደግሞ በዘላቂነት ድጋፍ አግኘተው እንዲያድጉ የሚያስችል ፕሮጀክቶችን ቀርፆ [መንግስት ተብዬው መስራት ሲገባው ፤ ኃላፊነቱ የመንግሰት ቢሆንም መንግሰት ያልሰራውን የሰራ ] የአዲሱ አማራ ትውልድ ተቋም ነው። የአማራ ተማሪዎች ማህበር በንፁህ አእምሯቸው ፣በአፍላና የልጅነት ጉልበታቸው መማር ማጥናት ሲገባቸው የአማራ ህዝብ የገጠመውን የህልውና አደጋ ፤በአማራ ተማሪዎች ላይ እየደረሰ ባለው መዋቅራዊ ፣ ስርዓታዊ እና ምሁራዊ የዘርፍጅት( intellectual genocide) ለመከላከል የሚችለውን ያደረገ እና እያደረገ ያለ ፣ በወጣት አእምሯቸው መማር ሲገባቸው የአማራን ህዝብ እወክላለሁ የሚለው ብአዴን (አማራ ብልፅግና) መስራት ያልቻለውን ሃላፊነት እየተወጣ የሚገኝ አንደኛው አዲስ የአማራ ትውልድ ተቋም ነው። ነገር ግን ይሉኝታ የሌላቸው ፣አድርባዮች ፣ዘላለም አሽከርነት የማይሰለቻቸው ጉዶች እና የአማራ ህዝብ መዥገሮች ከላይ በጥቂቱ የተጠቀሱ ህዝባዊ ስራዎች ከሚሰሩ ተቋማት አንዱ የሆነው የአማራ ተማሪዎች ማህበር ፕሬዝዳንት እሸቱ ጌትነትን ከጓደኛው መታገስ ፀጋ ጋር አፍኖ ከሰወራቸው ቀናቶች ተቆጥረዋል። የአማራ ወጣቶች ማህበርም በአማራ ተማሪዎች ማህበር ፕሬዝዳንት እሸቱ ጌትነት በደረሰው መንግስታዊ አፋና በፅኑ እያወገዝን ከሰሞኑ ለአማራ ህዝብ ህልውና በመታገል ላይ ያሉ የነቁ አማራዎችን ማፈን ፣ማሳደድ እና ጅምላ እስር በአስቸኳይ እንዲቆም ጥሪያችን እናስተላልፋለን። በማሰር የሚቆም ፣ የተጀመረ የአማራ ትግል ፈፅሞ የለም። የትግላችን መዳረሻ የአማራ ህዝብ ነፃነት ነው ። አማራ በቆራጥ ልጆቹ ተጋድሎ ታሪኩን ያድሳል!

Source: Link to the Post

Leave a Reply