You are currently viewing ለጎንደር ከተማ እስልምና ጉዳዮች ም/ቤት የበላይ ጠባቂና ተጠሪ ሆነው የቆዩት ሼህ ከማል ለጋስ የተባሉ አባት ባደረባቸው ድንገተኛ ህመም አርፈዋል። አማራ ሚዲያ ማዕከል/አሚማ   ሚያዝያ 18…

ለጎንደር ከተማ እስልምና ጉዳዮች ም/ቤት የበላይ ጠባቂና ተጠሪ ሆነው የቆዩት ሼህ ከማል ለጋስ የተባሉ አባት ባደረባቸው ድንገተኛ ህመም አርፈዋል። አማራ ሚዲያ ማዕከል/አሚማ ሚያዝያ 18…

ለጎንደር ከተማ እስልምና ጉዳዮች ም/ቤት የበላይ ጠባቂና ተጠሪ ሆነው የቆዩት ሼህ ከማል ለጋስ የተባሉ አባት ባደረባቸው ድንገተኛ ህመም አርፈዋል። አማራ ሚዲያ ማዕከል/አሚማ ሚያዝያ 18 ቀን 2014 ዓ.ም አዲስ አበባ ሸዋ ለጎንደር ከተማ እስልምና ጉዳዮች ም/ቤት የበላይ ጠባቂና ተጠሪ ሆነው የቆዩት ሼህ ከማል ለጋስ የተባሉ አባት ያደረባቸውን ድንገተኛ ህመም ተከትሎ በህክምና ሲረዱ ከቆዩ በኋላ ከዚህ አለም በሞት ተለይተዋል። ድብቅ ሊቅ፣ ሽሽግ ባላባት ናቸው። በነጻ ማሕበረሰባዊ ግልጋሎታቸው የክብር ሥም አላቸው። ለ40ዎቹ ዓመታት ባህላዊና መንፈሣዊ ህክምና፣ በሙሉ ጊዜያቸው በነጻ ሲሰጡ ነበር። የሙስሊምም ሆነ የክርስቲያን ንፁህ አባት ናቸው። በተለይም የክርስትና እምነት ተከታዮች ዘንድ “አባ ለጋሥ” ተብለው ይታወቃሉ። የ“ሰሜኑ ኃያል(የአባ-ሼህ ለጋሥ)” የበኩር ልጅ ናቸው፣ አባ-ሼህ ከማል ለጋሥ። ትውልድና ዕድገታቸው ጎንደር ከተማ ነው። ከቀደምት የሐበሻ ሊቃውንት በርካታ የዕውቀት ዘርፎችን የቀሰሙ፣ በአባታቸው በአባ ሼህ ለጋሥ የተመረቁ እና በእርሳቸው ሥፍራ ተተክተው መንፈሣዊ ህክምና በነጻ ሲሰጡ የቆዩ ናቸው። ሀይማኖትና እምነትን መሠረት አድርጎ ባላማከለ መልኩ ነበር ግልጋሎታቸው። እጃቸው እርጥብ ነው። በርካቶችን አሽረዋል፣ ብዙ ደዌ ፈውሰዋል፣ ህሙማንን አድነዋል። በአደባባይ ውጤታቸው ተብለዋል። ከመንፈሣዊና ባህላዊ ህክምና ባሻገር ሕዝብን የሚያሸማግሉ፣ የማሕበረሰብን መንፈሣዊ ጉድለት የሞሉ፣ የነበረውን የአብሮነት እሴት አብዝተው ያቃኑ፣ ሁለንተናዊ አበርክቶ ለማሳረፍ የቻሉ ናቸው። ለሀገር እና ለወገን አዘውትረው ዱዓ በማድረግ ሰፊ ሱታፌ ነበራቸው። ነዳያንን እና ምስኪኖችን በመመፅዎትና በማስታወስ ይታወቃሉ። የቀደምት የሐበሻ ሊቃውንትን መንፈሣዊ ትውፊትና እሴት በማስቀጠል በኩልም የጎላ ሚና አበርክተዋል። መንዙማ፣ መውሊድ፣ ሶደቃ ለትውልድ እንዲተላለፉ አድርገዋል። ለጎንደር ከተማ እስልምና ጉዳዮች ም/ቤት የበላይ ጠባቂና ተጠሪ ሆነው ቆይተዋል። አባ ሼህ ከማል የ82 ዓመት የዕድሜ ባለጸጋ የነበሩ ሲሆን፣ የሰባት ልጆች አባት ናቸው። ለሳምንት በቆየ ድንገተኛ ህመም፣ በቤታቸው የህክምና ክትትል ሲደረግላቸው ቆይቶ ሚያዝያ 18/2014 አርፈዋል። ሥርዓተ-ቀብራቸው በጎንደር ከተማ ተፈጽሟል። ለቤተሰቦቻቸው እንዲሁም ለወዳጅ ዘመዶቻቸው መፅናናትን እንመኛለን። ዘገባው የጎንደር ከተማ ኮሚዩኒኬሽን ነው።

Source: Link to the Post

Leave a Reply