You are currently viewing ለጸርሐ ፅዮን እሮጣለሁ !   መነሻቸውን ፈለገ ገነት ቅዱስ ጊዮርጊስ ካቴድራል ቤተ ክርስቲያን አድርገው እስከ መዳረሻቸው ጽርሐ ጽዮን ቅድስት ማሪያም አንድነት ገዳም ድረስ “ለጽርሐ ጽዮን እ…

ለጸርሐ ፅዮን እሮጣለሁ ! መነሻቸውን ፈለገ ገነት ቅዱስ ጊዮርጊስ ካቴድራል ቤተ ክርስቲያን አድርገው እስከ መዳረሻቸው ጽርሐ ጽዮን ቅድስት ማሪያም አንድነት ገዳም ድረስ “ለጽርሐ ጽዮን እ…

ለጸርሐ ፅዮን እሮጣለሁ ! መነሻቸውን ፈለገ ገነት ቅዱስ ጊዮርጊስ ካቴድራል ቤተ ክርስቲያን አድርገው እስከ መዳረሻቸው ጽርሐ ጽዮን ቅድስት ማሪያም አንድነት ገዳም ድረስ “ለጽርሐ ጽዮን እሮጣለሁ” በሚል መሪ ሃሳብ እሁድ ሕዳር 25 ቀን 2015 ዓ.ም ታላቅ መንፈሳዊ ሩጫ ሊደረግ ነው ! ሕዳር 23 ቀን 2015 ዓ.ም… አሻራ ሚዲያ ፣ ባህርዳር በዛሬው ዕለት ለሚዲያዎች መግለጫ የሰጡት በኢትዮጵያ ኦርቶዶክስ ተዋሕዶ ቤተ ክርስቲያን የመንበረ ፓትርያርክ ጠቅላይ ቤተ ክህነት ዋና ሥራ አስኪያጅ፣ የባሕር ዳር ሀገረ ስብከት ሊቀ ጳጳስ እና የቅዱስ ሲኖዶስ አባል በብፁዕ አቡነ አብርሃም ሲሆኑ ስለ ታላቁ መንፈሳዊ ሩጫ ዓላማ ያብራራሉ ሲሆን ከምድራዊ ፍላጎትም ከስጋዊ ስሜትም የላቀ ነው ብለዋል። የግዕዝ ቋንቋ ትምሕርት ቤትን ማስፋፋት፣ የባሕር ዳር ከተማ ቱሪዝምን መደገፍ እና የከተማዋን ሠላማዊ እንቅስቃሴ ማስተዋወቅን ዓላማው ያደረገው መንፈሳዊ ሩጫ ብፁዕነታቸውን ጨምሮ ታላላቅ የቤተ ክርስቲያኗ አባቶች፣ የመንግሥት የሥራ ኅላፊዎች እና ሕዝበ ክርስቲያኑ በነቂስ ይሳተፉበታል ተብሎ ይጠበቃል። መንፈሳዊ ሩጫውን አስመልክቶ በመንበረ ጵጵስናቸው ለጋዜጠኞች መግለጫ የሰጡት ብፁዕ አቡነ አብርሐም ሩጫችን ሰማያዊ እና መንፈሳዊ እንጂ ምድራዊ እና ስጋዊ አይደለም ብለዋል። ሰማያዊ ሩጫ ውስጥ ስንሆን መለያየት ሳይሆን አብሮነት፤ ጥላቻ ሳይሆን ፍቅር፤ መዛል ሳይሆን ብርታት ይሆንልናልና በጋራ እንሮጣለን ብለዋል። በዚህ መንፈሳዊ ሩጫ ዝማሪያችን ፍቅር፣ ስብከታችን ሰላም እና እሩጫችን አንድነትን መፍጠርን ያለመ ነው ብለዋል ብፁዕነታቸው በመግለጫቸው። ለጽርሐ ጽዮን እሮጣለሁ ሲባል ባሕር ዳር ከተማ ስላለችው ጽርሐ ጽዮን ቅድስት ማሪያም አንድነት ገዳም ማለት ብቻ አይደለም ያሉት ብፁዕነታቸው ፍቅር ለራቀው ምድር፣ ጥላቻ ለፈተነው ዓለም እና ፈተና ለበዛባት ኢትዮጵያ መሮጣችን ነው ብለዋል፡፡ ቤተ ክርስቲያኗ ከጥንት እስከ ዛሬ ለኢትዮጵያ ሰላም የምትተጋ መሆኗን በማውሳት ዛሬም ትውልዱ ለፍቅር፣ ለመተሳሰብ እና ለአንድነት መሮጥ እንዳለበት አሳስበዋል፡፡ ጦርነት፣ ግጭት፣ መለያየት እና መነቃቀፍ ይበቃል ያሉት ብፁዕ አቡነ አብርሃም “ስለፍቅር ስንል ዛሬም ለጽርሐ ጽዮን እንሮጣለን” ብለዋል፡፡ እሁድ ከጥዋቱ አንድ ስዓት ጀምሮ የሚደረገው መንፈሳዊ ሩጫ ስድስት ኪሎ ሜትሮችን ይሸፍናል ያሉተሰ ብፁዕ አቡነ አብርሃም መነሻው የባሕር ዳር ከተማ መለያ የሆነው ፈለገ ገነት ቅዱስ ጊዮርጊስ ካቴድራል ቤተ ክርስቲያን ነው ብለዋል፡፡ መዳረሻው ደግሞ የፍቅር፣ የሰላም እና የአንድነት ተምሳሌት የሆነችው ጽርሐ ጽዮን ቅድስት ማሪያም አንድነት ገዳም ማሠሪያ ይዉላል ብለዋል። ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- Youtube:- https://www.youtube.com/channel/UCPmgFzP2ZPmdGjHxXjigJaw Facebook:- https://www.facebook.com/asharamedia24 ቴሌግራም:- https://t.me/asharamedia24

Source: Link to the Post

Leave a Reply