You are currently viewing ላለፉት ሶስት ቀናት አብሮ መኖርን የዘነጉ ጽንፈኛ ኦነጋዊያን በጭፈራ እና በተኩስ እሩምታ በስቡስሬ ወረዳ የእሁዲት ከተማን እረፍት እየነሱ ነው ሲሉ ነዋሪዎች ተናገሩ። አማራ ሚዲያ ማዕከል/አ…

ላለፉት ሶስት ቀናት አብሮ መኖርን የዘነጉ ጽንፈኛ ኦነጋዊያን በጭፈራ እና በተኩስ እሩምታ በስቡስሬ ወረዳ የእሁዲት ከተማን እረፍት እየነሱ ነው ሲሉ ነዋሪዎች ተናገሩ። አማራ ሚዲያ ማዕከል/አ…

ላለፉት ሶስት ቀናት አብሮ መኖርን የዘነጉ ጽንፈኛ ኦነጋዊያን በጭፈራ እና በተኩስ እሩምታ በስቡስሬ ወረዳ የእሁዲት ከተማን እረፍት እየነሱ ነው ሲሉ ነዋሪዎች ተናገሩ። አማራ ሚዲያ ማዕከል/አሚማ ህዳር 9 ቀን 2014 ዓ.ም አዲስ አበባ ሸዋ በምስራቅ ወለጋ ስቡስሬ ወረዳ እሁዲት ከተማ ላለፉት ሶስት ቀናት አብሮ መኖርን የዘነጉ ጽንፈኛ ኦነጋዊያን በጭፈራ እና በተኩስ እሩምታ ነዋሪዎችን እየረበሹ መሆኑ ተገልጧል። ህዳር 8 ቀን 2014 እሁዲት ከተማ የመስተዳድሩ ቢሮን አፈራርሰውት ማደራቸውን የነገሩን ምንጮች የህግ የበላይነት የሚያስከብር አካል ባለመኖሩ ነዋሪው በከፍተኛ ሁኔታ እየተጎዳ ነው ሲሉም አክለዋል። ከምሽት ጀምሮ በሚወረወረው ድንጋይ እና በሚተኮሰው የጥይት ጭሆት የተነሳ ህጻናት ለከፍተኛ የአዕምሮ ጭንቀት እየተጋለጡ ተቸግረናል ብለዋል። መንግስት ከአሸባሪው የኦነግ ሸኔ ቡድን ጋር ሆነው ከተማውን እየረበሹና አማራውን ለማስወጣት አቅደው እየተንቀሳቀሱ ያሉ አካላትን ማንነትና ማሰልጠኛ ቦታዎችን እያወቀ በዝምታ እየተመለከተ ነው በሚል ተወቅሷል። የሽብር ቡድኑና የአማራውን ንብረት ለመዝረፍ ያዘጋጃቸው የተደራጁ ዘራፊዎች በየቀኑ ህዝቡን መውጫ መግቢያ ሲነሱት በዝምታ እየተመለከተ ያለ መስተዳድር የቡድኑ ተባባሪ ለመሆኑ ከዚህ በላይ ማሳያ የለውም ብለዋል። አንዳንድ ቀበሌዎች የጦር መሳሪያቸውን ለሽብር ቡድኑ ከማስረከብ አልፈው ቢሮአቸውን ሲያፈርስባቸው አንድም ህጋዊ እርምጃ ለመውሰድ ሞራል አላገኘም ሲሉ ወቅሰዋል_ነዋሪዎቹ።

Source: Link to the Post

Leave a Reply