You are currently viewing ላለፉት ሶስት ቀናት ጉትን ላይ በኦሮሚያ ልዩ ኃይል ታፍኖ የቁም ስቃይ ሲፈጸምበት የቆዬውን ወጣት አይቸው አላምሬን መከላከያ ደርሶ የታደገው መሆኑ ተገለጸ። አማራ ሚዲያ ማዕከል/አሚማ    ታ…

ላለፉት ሶስት ቀናት ጉትን ላይ በኦሮሚያ ልዩ ኃይል ታፍኖ የቁም ስቃይ ሲፈጸምበት የቆዬውን ወጣት አይቸው አላምሬን መከላከያ ደርሶ የታደገው መሆኑ ተገለጸ። አማራ ሚዲያ ማዕከል/አሚማ ታ…

ላለፉት ሶስት ቀናት ጉትን ላይ በኦሮሚያ ልዩ ኃይል ታፍኖ የቁም ስቃይ ሲፈጸምበት የቆዬውን ወጣት አይቸው አላምሬን መከላከያ ደርሶ የታደገው መሆኑ ተገለጸ። አማራ ሚዲያ ማዕከል/አሚማ ታህሳስ 24 ቀን 2015 ዓ/ም አዲስ አበባ ሸዋ ከታህሳስ 21/2015 ላለፉት ሶስት ቀናት አንገር ጉትን ላይ በኦሮሚያ ልዩ ኃይል ታፍኖ መዘጋጃ አካባቢ በሚገኘው ካምፕ እጁን የፊጥኝ ታስሮ እንዲሁም እግሮችን ከቆመ ዛፍ ጋር በማሰር ተዘቅዝቆ ሲገረፍ መሰንበቱ ተገልጧል። አማራ ሚዲያ ማዕከል (አሚማ) ያነጋገራቸው ምንጮች እንደሚሉት በምስራቅ ወለጋ ዞን አንገር ጉትን ከተማ ነዋሪ የሆነው ወጣት አይቸው አላምሬ የቁም ስቃይ ሲፈጸምበት ሰንብቷል። አድራሻውን በትክክል ለማወቅ የጨነቃቸው ቤተሰቦችም ተገድሏል በሚል በከፍተኛ ሀዘን እና ለቅሶ ላይ መሰንበታቸው ተገልጧል። ወጣት አይቸው አላምሬ በኦሮሚያ ልዩ ኃይል እየተሰቃዬ መሆኑን መረጃ የደረሰው መከላከያ ሰራዊትም ፎቶ ግራፉን በመያዝ ልዩ ኃይሉ ወጣቱን ከጣለበት እንዲያመጣ መጠየቁን ተከትሎ በባጃጅ አምጥተው ለማስረከብ ተገደዋል። በአማራነቱ ተዘቅዝቆ የተገረፈው ወጣት አይቸው አላምሬ በከስክስ፣በዱላ፣ በመሳሪያ አፈሙዝ እና ሰደፍ ክፉኛ ተደብድቧል፤ ጭንቅላቱ፣ ሆዱ እና መላ አካሉ የቆሳሰለ ሲሆን ቆሞ ለመንቀሳቀስ አይችልም ተብሏል። መከላከያም በህክምና ክፍሉ ባለሙያው በኩል ትብብር ያደረገለት መሆኑ ታውቋል። ልዩ ኃይሎቹ በማሰቃዬት እየገደሉ የሚጥሉበት ጉድጓድ ስለመኖሩ እና በርካታ የአማራ ልጆች በማያውቁት እየታፈኑ ስለመገደላቸው አንዳንድ የአሚማ የመረጃ ምንጮች ተናግረዋል፤ ጉትን ያለው መከላከያ የልዩ ኃይሉን ካምፕ እንዲፈትሽላቸው ጥሪ አድርገዋል። መከላከያ በሀሰት እየከሰሱ ለሚያስሯቸውና ከቀያቸው ለሚያሳድዷቸው ኦነጋዊያን ከሚተባበር ግፍ እየተፈጸመባቸው ያሉ አማራዎችን እንዲታደግም ተጠይቋል።

Source: Link to the Post

Leave a Reply