You are currently viewing ልዩ ኃይሉን ጨምሮ የአማራ ክልል ልዩ ፀጥታ ኃይሎች ከፊል የራያ አከባቢዎችን ለቀው እንዲወጡ መደረጉ ተሰማ ጥር 2 ቀን 2015 ዓ.ም አሻራ ሚዲያ ፣ በራያ ልዩ ስማቸው ገርጃሌ፣ ታኦ እና በ…

ልዩ ኃይሉን ጨምሮ የአማራ ክልል ልዩ ፀጥታ ኃይሎች ከፊል የራያ አከባቢዎችን ለቀው እንዲወጡ መደረጉ ተሰማ ጥር 2 ቀን 2015 ዓ.ም አሻራ ሚዲያ ፣ በራያ ልዩ ስማቸው ገርጃሌ፣ ታኦ እና በ…

ልዩ ኃይሉን ጨምሮ የአማራ ክልል ልዩ ፀጥታ ኃይሎች ከፊል የራያ አከባቢዎችን ለቀው እንዲወጡ መደረጉ ተሰማ ጥር 2 ቀን 2015 ዓ.ም አሻራ ሚዲያ ፣ በራያ ልዩ ስማቸው ገርጃሌ፣ ታኦ እና በር ተክላይ በተባሉ አከባቢዎች ተሰማርተው የነበሩ ልዩ ኃይሉን ጭምሮ የአማራ ክልል ፀጥታ ኃይሎች ለቀው እንዲወጡ መደረጋቸውን የአከባቢው ነዋሪዎች ለአማራ ድምፅ ተናገሩ። የአማራ ድምፅ ያነጋገራቸው የአከባቢው ነዋሪዎች እንደገለፁት፡ የአማራ ክልል ፀጥታ ኃይሎች በተለይ ከትናንት ጥር 01/2015 ዓ/ም ጀምሮ በር ተክላይ፣ ታኦ እና ገርጃሌ ከተባሉ አከባቢዎች ለቀው ወተዋል ያሉ ሲሆን ወደ አላማጣ እና ቆቦ እንዲሁም ሰቆጣ እንዲሰፍሩ መደረጋቸውንም ጠቁመዋል። በምትኩ ከፌደራል የተላኩ በርካታ ቁጥር ያላቸው ፀጥታ ኃይሎች በር ተክላይ፣ ገርጃሌ እና ታኦን ጨምሮ በአሸንጌ እና ኮረም መሰማራታቸውንም የአከባቢው ነዋሪዎች ለአማራ ድምፅ አረጋግጠዋል። የክልሉ ልዩ ኃይል በቂ ነው በሚል ከወራት በፊት በአከባቢው ሰፍረው የነበሩትን የምስራቅ አማራ ፋኖዎች እንዲወጡ ተደርገዋል ያሉት የአከባቢው ነዋሪዎች፡ አሁን የቀረው ልዩ ኃይሉ ነበር እንሱንም እንዲወጣ ተደርጎብናል ሲሉ ቅሬታ አቅርበዋል። የሕወሓት ኃይሎች የኛ ነው ከሚሉት አከባቢ የአማራ ልዩ ኃይሎች እስካሉ ድረስ የህዝቡን አሰፋፈር መቀየር ስለማይችሉ በአለም አቀፍ መንግስታት ጭምር ግፊት በማስደረግ የአማራ ክልል ፀጥታ ኃይሎች ከተሰማሩበት አከባቢ ለቀው እንዲወጡ እያስደረጉ ነው ሲሉ ለአማራ ድምፅ አስተያየታቸውን የሰጡት የአከባቢው ነዋሪዎች፡ ይህም እናካሂዳለን ብለው ለሚያስቡት ህዝበ ውሳኔ መንገድ እያመቻቹ ነው ብለዋል። በ ጌትነት አሻግሬ ዘገባው የአማራ ድምፅ ነው ። “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply