You are currently viewing ሕወሓትን ትጥቅ የማስፈታት ሒደት ሲጠናቀቅ የሽብርተኝነት ፍረጃው ተነስቶ የመሪዎቹ ክስ ይቋረጣል ተባለ! ታሕሳስ 26 ቀን 2015 ዓ.ም አሻራ ሚዲያ ፣ በጥቅምት ወር መገባደጃ በደቡብ አፍሪካ…

ሕወሓትን ትጥቅ የማስፈታት ሒደት ሲጠናቀቅ የሽብርተኝነት ፍረጃው ተነስቶ የመሪዎቹ ክስ ይቋረጣል ተባለ! ታሕሳስ 26 ቀን 2015 ዓ.ም አሻራ ሚዲያ ፣ በጥቅምት ወር መገባደጃ በደቡብ አፍሪካ…

ሕወሓትን ትጥቅ የማስፈታት ሒደት ሲጠናቀቅ የሽብርተኝነት ፍረጃው ተነስቶ የመሪዎቹ ክስ ይቋረጣል ተባለ! ታሕሳስ 26 ቀን 2015 ዓ.ም አሻራ ሚዲያ ፣ በጥቅምት ወር መገባደጃ በደቡብ አፍሪካ በተደረሰው የመንግሥት እና ሕወሓት የሰላም ስምምነት መሠረት የሕወሓት ታጣቂዎችን ሙሉ በሙሉ ትጥቅ የማስፈታት ሒደቱ ከጫፍ ሲደርስ፣ በሕወሓት ላይ የተጣለው የሽብርኝነት ፍረጃ እንደሚነሳ እና በሕወሓት ከፍተኛ አመራሮች ላይ የተከፈተው የወንጀል ክስም እንደሚቋረጥ ተነግሯል፡፡ በ2013 ጥቅምት ወር ላይ የመከላከያ ሰራዊት ሰሜን እዝ መመታቱን ተከትሎ ከተነሳው ጦርነት ጋር በተገናኘ ከመንግሥት ጋር ጦርነት የገጠመው ሕወሓት በሕዝብ ተወካዮች ምክር ቤት በሽብርተኝነት እንደተፈረጀ ይታወቃል፡፡ ጦርነቱ በአፍሪካ ህብረት ዋና አደራዳሪነት ሲቆም መንግሥት እና ሕወሓት ካደረጓቸው ስምምነቶች መካከል የሕወሓት ትጥቅ መፍታት ዋንኛው ሲሆን፣ የፌዴራል መንግሥቱም ትግራይን ተቆጣጥሮ በሽብር በሰየመው ሕወሓት ምትክ አዲስ አስተዳደር እንደሚተካ ተቀምጧል፡፡ ከስምምነቱ በኋላ በትግራይ መሠራታዊ አገልግሎተች የተመለሱ ሲሆን፣ በቀጣይ መንግሥት በሕወሓት ላይ የጣለውን የሽብርተኝነት ፍረጃ አንስቶ በመሪዎቹላይ የተጣለውን ክስ እንደሚያቋርጥ የጠቅላይ ሚኒስትሩ የብሔራዊ ደኅንነት ጉዳዮች አማካሪ ሬድዋን ሑሴን ለሕዝብ ተወካዮች ምክር ቤት መናገራቸውን ሪፖርተር አስነብቧል፡፡ ይህንኑ ለምክር ቤቱ ዓርብ ታኅሳስ 21፣ 2015 የተናገሩት ሬድዋን፤ ይህ ተፈጻሚ የሚሆነው የሕወሓት ታጣቂዎችን ሙሉ በሙሉ ትጥቅ የማስፈታት ሒደቱ ከጫፍ ሲደርስ መሆኑን ጠቁመዋል ነው የተባለው፡፡ አማካሪ ሚኒስትሩ ባለፈው ሳምንት ለተፎካካሪ ፓርቲዎች አመራሮች ገለጻ ባደረጉበት ወቅት በተመሳሳይ ‹‹የትጥቅ መፍታት ሒደቱ ጫፍ ሲደርስ ለፖለቲካ ሒደቱ በር መክፈት ስለሚያስፈልግ፣ ፓርላማው የሽብር ፍረጃውን ሊያነሳ ይችላል። የተመሠረተ የወንጀል ክስ ሒደትም እንዲቋረጥ የሚደረግበት ሁኔታ ይኖራል›› ብለው ነበር። “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply