You are currently viewing # መልካም ዜና  መ/ር ሙሉጌታ ከ፳፮ ቀናት የአፈና እሥር በኋላ ተለቋል። አሻራ ሚዲያ  ሰሜን አሜሪካ  ከሚያስተምርበት ሰቆጣ መምህራን ትምህርት ኮሌጅ ታፍኖ ተወስዶ ላልፉት ፳፮ ቀናት የት…

# መልካም ዜና መ/ር ሙሉጌታ ከ፳፮ ቀናት የአፈና እሥር በኋላ ተለቋል። አሻራ ሚዲያ ሰሜን አሜሪካ ከሚያስተምርበት ሰቆጣ መምህራን ትምህርት ኮሌጅ ታፍኖ ተወስዶ ላልፉት ፳፮ ቀናት የት…

# መልካም ዜና መ/ር ሙሉጌታ ከ፳፮ ቀናት የአፈና እሥር በኋላ ተለቋል። አሻራ ሚዲያ ሰሜን አሜሪካ ከሚያስተምርበት ሰቆጣ መምህራን ትምህርት ኮሌጅ ታፍኖ ተወስዶ ላልፉት ፳፮ ቀናት የት እንደገባ እንኳን ፓርቲውም ቤተሰብም ማወቅ ያልቻሉት መ/ር ሙሉጌታ የሺጥላ ከቤተሰቡ ጋር ተቀላቅሏል። መ/ር ሙሉጌታ የታፈነበትን ምክንያት እንኳን እንደማያውቅ የጠየቀውም እንደሌለ፣ ለፍርድ ቤትም እንዳልቀረበ ማወቅ ችለናል። ፓርቲያችን የትገባው አስጨንቆት መንግስትንና ሰብዓዊ መብት ተሟጋቾችን ሲያስጨንቅ ጉዳዬ ብላችሁ ድምጽ የሆናችሁን የሚዲያ አካላት፣ ብሔራዊ ምርጫ ቦርድ የኢትዮ/ሰብዓዊ መብት ኮሚሽን (በተለይ ባህርዳር ቅ/ጽ/ቤት)፣ የኢት/ሰብዓዊ መብቶች ጉባኤ እና ልባም የማኅበረሰብ አንቂዎች ምሥጋናችን ይድረሳችሁ። እስከአኹን በፓርቲያችን አመራር ላይ ከነበሩና ከታፈኑ ፬(አራቱ) ሦስቱ የተለቀቁ ሲሆን ቲሊሊ ላይ የታፈነው አመራራችን አቶ ታደለ ታሸ እስከአኹን የት እንዳደረሱት እንኳን ማወቅ አልቻልንም። የሰብዓዊ መብት ኮሚሽን ያደረገው ጥረትም በመንግስት እምቢተኝነት አልተሳካም። እኒህ በፓርቲው ከፍተኛ አመራርነት የምናውቃቸውን አነሳን እንጅ በአማራ ክልል ብቻ የታፈኑ በአሥር ሺህ የሚቆጠሩ የተቃዋሚ ፓርቲ አመራሮች፣ ጋዜጠኞች፣ የፋኖ አባላትና ቤተሰቦቻቸው፣ የጸጥታ ተቋም ተመላሾች ኹኔታ በእጅጉ ያሳስበናል። በድጋሚ መንግስት ከእውር ድንብር አካሄዱ እንዲመለስ፣ ያፈናቸውን ንጹሓን እንዲለቅ አበክረን እንጠይቃለን። ፈጣሪ ሀገራችን ኢትዮጵያንና ሕዝቧን ይጠብቅ እናት ፓርቲ ሰኔ ፲፭ ቀን ፳፻፲፬ ዓ.ም አዲስ አበባ፣ ኢትዮጵያ

Source: Link to the Post

Leave a Reply