You are currently viewing መምህርት እና ጋዜጠኛ መስከረም አበራ ለፊታችን ሀሙስ ታህሳስ 27 እንድትቀርብ በሚል ተለዋጭ ቀጠሮ ተሰጣት። አማራ ሚዲያ ማዕከል/አሚማ    ታህሳስ 20 ቀን 2015 ዓ/ም          አዲ…

መምህርት እና ጋዜጠኛ መስከረም አበራ ለፊታችን ሀሙስ ታህሳስ 27 እንድትቀርብ በሚል ተለዋጭ ቀጠሮ ተሰጣት። አማራ ሚዲያ ማዕከል/አሚማ ታህሳስ 20 ቀን 2015 ዓ/ም አዲ…

መምህርት እና ጋዜጠኛ መስከረም አበራ ለፊታችን ሀሙስ ታህሳስ 27 እንድትቀርብ በሚል ተለዋጭ ቀጠሮ ተሰጣት። አማራ ሚዲያ ማዕከል/አሚማ ታህሳስ 20 ቀን 2015 ዓ/ም አዲስ አበባ ሸዋ መምህርት እና ጋዜጠኛ መስከረም አበራ ታህሳስ 4/2015 በአዲስ አበባ ሀያ ሁለት አካባቢ በበርካታ ፖሊሶችና ደህንነቶች ተይዛ ወደ ሜክሲኮ ፌደራል ፖሊስ ወንጀል ምርመራ መወሰዷ ይታወቃል። ታህሳስ 6/2015 በፌደራል ከፍተኛ ፍ/ቤት ቀርባም ለተጨማሪ የምርመራ እና ለምስክር ማሰባሰቢያ በሚል 14 ቀን ይፈቀድልኝ ሲል ፖሊስ በጠየቀው መሰረትም ችሎቱ ሙሉውን በመፍቀድ ታህሳስ 20/2015 እንድትቀርብ ቀጠሮ መስጠቱን ተከትሎ ነው ዛሬ ከቀኑ 8 ሰዓት ላይ በፌደራሉ ከፍተኛ ፍ/ቤት ልደታ ምድብ የጊዜ ቀጠሮ ችሎት የቀረበችው። በእለቱም ፖሊስ ምርመራዬን ጨርሼ የምርመራ ውጤቱን ለፌደራል ጠቅላይ ዐቃቢ ህግ አስረክቤያለሁ ብሏል። ዐቃቢ ህግ በበኩሉ በችሎቱ ተገኝቶ የምርመራ ውጤቱ ዛሬ ነው የደረሰኝ በመሆኑም የምርመራ መዝገቡን ተመልክቼ በጉዳዩ ላይ ውሳኔ ለመስጠት የ15 ቀን ጊዜ ይሰጠኝ ሲል ጠይቋል። ከሽብር የወንጀል ድርጊት ጋር የተያያዘ እንደመሆኑ መጠን በኢትዮ ንቃት ሚዲያ የተላለፉ የቪዲዮ ማስረጃዎችን ተመልክተን በመዝገቡ ላይ ውሳኔ ለመስጠት ጊዜ ያስፈልጋል ከማለት ያለፈ ግን ዝርዝር ሀሳብ አላቀረበም። በችሎቱ የተገኙት ጠበቃ ሄኖክ አክሊሉ፣ ጠበቃ ሰለሞን ገዛኽኝ፣ ጠበቃ ታለማ ግዛቸው እና ጠበቃ አዲሱ ጌታነህ በመስከረም አበራ ላይ የቀረበውን ጉዳይ እየተከታተሉት ነው። በጠበቆች በኩል ዐቃቢ ህግ ከፖሊስ ጋር አብሮ እየሰራ ባለበት ሁኔታ ዐቃቢ ህግ በምርመራ መዝገብ ላይ ውሳኔ ለመስጠት በሚል ይህን ያህል የተራዘመ ጊዜ ሊሰጠው አይገባም ሲሉ ተከራክረዋል። ችሎቱም የግራ ቀኙን ክርክር ካዳመጠ በኋላ ዐቃቢ ህግ የምርመራ መዝገብ ቁጥር 948/15ን ተመልክቶ ውሳኔ ይሰጥ ዘንድ በሚል የ7 ቀን ጊዜ ቀጠሮ ፈቅዶለታል። በዚህ መሰረት መምህርት እና ጋዜጠኛ መስከረም አበራ የፊታችን ሀሙስ ታህሳስ 27/2015 ከረፋዱ 4 ሰዓት ላይ ፍ/ቤት እንድትቀርብ ተለዋጭ ቀጠሮ የተሰጣት መሆኑን አማራ ሚዲያ ማዕከል (አሚማ) ከባለቤቷ አቶ ፍጹም ገ/ሚካኤል ያገኘው መረጃ አመልክቷል።

Source: Link to the Post

Leave a Reply