You are currently viewing #መረጃ  የመንግሥት አካላት በአ.አ. የነዋሪዎችን ቤቶች  በህገወጥ መንገድ መፍረሱን ባልደራስ አስታወቀ! ታሕሳስ 28 ቀን 2015 ዓ.ም አሻራ ሚዲያ ፣ የኦህዴድ ብልጽግና አካላት ታህሳስ 2…

#መረጃ የመንግሥት አካላት በአ.አ. የነዋሪዎችን ቤቶች በህገወጥ መንገድ መፍረሱን ባልደራስ አስታወቀ! ታሕሳስ 28 ቀን 2015 ዓ.ም አሻራ ሚዲያ ፣ የኦህዴድ ብልጽግና አካላት ታህሳስ 2…

#መረጃ የመንግሥት አካላት በአ.አ. የነዋሪዎችን ቤቶች በህገወጥ መንገድ መፍረሱን ባልደራስ አስታወቀ! ታሕሳስ 28 ቀን 2015 ዓ.ም አሻራ ሚዲያ ፣ የኦህዴድ ብልጽግና አካላት ታህሳስ 25/2015 ዓ.ም. በአስር ሺዎች የሚቆጠሩ የአዲስ አበባ ነዋሪዎችን ቤቶች በህገወጥ መንገድ በኃይል በማፍረሳቸው ዜጎች ጎዳና ላይ ወድቀው ለከፋ ችግር መጋለጣቸው ታውቋል፡፡ የቤት አፍራሹ ኃይል በአዲስ አበባ ለቡ ዱለቲ፣ ሱልልታ አሸዋ አከባቢ፣ ለቡ ገብርኤል እና ዓለምገና ጀሞ አካባቢ ብሔርን እየለዩ የበርካታ ነዋሪዎችን ቤቶች አፍርሷል። ቤታቸው ከፈረሰባቸው ከለቡ ገብርኤል ነዋሪዎች አንዷ ከሃያ ዓመት በላይ የኖሩበትን ቤት እንዳፈረሱባቸው ለሪፖርተራችን ተናግረዋል፡፡ አካባቢው መልማቱን ተከትሎ ‹‹ነፍጠኛ በዚህች አካባቢ አይኖርም›› እያሉ ፖሊሶች ቤቶቻቸው በፈረሱባቸው ሰዎች ላይ ሲዝቱ እንደነበር ታውቋል፡፡ ከሰባት ሺህ (7,000) በላይ አባወራዎች እንደሚኖሩበት በተገመተው በለቡ ባቡር ጣቢያ አካባቢ የመንግሥት አካላት ታህሳስ 24/2015 ዓ.ም. የተመረጡ ቤቶችን መለያ ቀለም ቀብተው ታህሳስ 25/2015 ዓ.ም. ምልክት ያደረጉባቸውን ቤቶች ማፍረሳቸው ተነግሯል፡፡ መሣሪያ በታጠቁ ፖሊሶች ነዋሪውን ሕዝብ አስከብበው፣ የአጎራባች አካባቢ ወጣቶችን አሰባስበው ከፍተኛ ገንዘብ በመክፈል ቤቶችን በዘመቻ እንዲያፈርሱ አድርገዋል፡፡ ቤቶቻቸውን አፍርሰው መንገድ ላይ የጣሏቸው በርካታ እናቶች፣ ህፃናት፣ ጎልማሶች እና አረጋውያን ለከፋ የጤና ችግር መጋለጣቸው ታውቋል፡፡ የኦሮሞዎችን ቤቶች ለመተው የሞከሩ ቢሆንም የተወሰኑ ኦሮሞዎችም ቤቶቻቸው መፍረሱ ተነግሯል፡፡ የነዋሪዎቹ ቤት ፈረሳ በሌሊት የሚካሄድ ከመሆኑ ጋር ተያይዞ ‹‹ቤታችን አይፈርስም›› በማለት የተቃዎሙ ሰዎች ጥይት የተተኮሰባቸው መሆኑ ታውቋል፡፡ ከተተኮሰው ጥይት ለማምለጥ በሚደረግ እሩጫ በርካታ ሰዎች ተጎድተዋል፡፡ የፖሊስ አካላትም ያለ እርህራሄ ቤታቸው በሚፈርስባቸው ነዋሪዎች ላይ እርምጃ ወስደዋል፡፡ ‹‹እዚህ እንዳትቀመጡ ለቃችሁ ውጡ›› እያሉ የሚያስፈራሯቸውን የመንግሥት አካላት ነዋሪዎች ለምን ዓላማ ቤቶቻቸውን እንደሚፈርሱባቸው ሲጠይቋቸው መልስ አለመስጠታቸው ታውቋል፡፡ የቤት ማፍረሱ ተግባር ተጠናክሮ የቀጠለ ሲሆን እስካሁን በጉዳዩ ላይ ማብራሪያ የሚሰጥ የመንግሥት አካል አልተገኘም፡፡ ቤቶቻቸው የፈረሱባቸው ነዋሪዎችም ‹‹በሀገራችን ኢትዮጵያ እኛ እንደመጤ ተቆጥረን መጠጊያ አጣን፤ በመንግሥት ተስፋ ቆርጠናልና የሀገራችን ሕዝብ መፍትሄ ይስጠን›› ብለዋል፡፡ በአዲስ አበባ ከተማ የነባር ተቋማትንና የሰፈሮችን ስም የመቀየር እንዲሁም ነዋሪውን የማዋከብ ተግባር ቋሚ መንግሥታዊ ሥራ በሚመስል ሁኔታ ቀጥሏል፡፡ # መረጃው የባልደራስ ለእውነተኛ ዲሞክራሲ ፓርቲ ነው ። “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply