You are currently viewing መስቀል አደባባይን በተመለከተ ቅዱስ ሲኖዶስ መወያየቱ ተገለጸ፤ ለፊታችን ቅዳሜ ከንቲባ አዳነች አበቤ በቅዱስ ሲኖዶስ መሰብሰቢያ አዳራሽ ተገኝተው በንግግራቸው ዙሪያ ማብራሪያ እንዲሰጡ ተጠይቋ…

መስቀል አደባባይን በተመለከተ ቅዱስ ሲኖዶስ መወያየቱ ተገለጸ፤ ለፊታችን ቅዳሜ ከንቲባ አዳነች አበቤ በቅዱስ ሲኖዶስ መሰብሰቢያ አዳራሽ ተገኝተው በንግግራቸው ዙሪያ ማብራሪያ እንዲሰጡ ተጠይቋ…

መስቀል አደባባይን በተመለከተ ቅዱስ ሲኖዶስ መወያየቱ ተገለጸ፤ ለፊታችን ቅዳሜ ከንቲባ አዳነች አበቤ በቅዱስ ሲኖዶስ መሰብሰቢያ አዳራሽ ተገኝተው በንግግራቸው ዙሪያ ማብራሪያ እንዲሰጡ ተጠይቋል። አማራ ሚዲያ ማዕከል/አሚማ ጥር 4 ቀን 2014 ዓ.ም አዲስ አበባ ሸዋ ሰሞኑን በመስቀል አደባባይ የተደረገውን የፕሮቴስታንት እምነት ተከታዮች መንፈሳዊና የገቢ ማሰባሰቢያ መርሀ ግብር ላይ የተነሱ የመብትና የይዞታ ጉዳዮች ዙሪያ ውይይት ማድረጉ ተገልጧል። እንዲሁም ክብርት ከንቲባ አዳነች አቤቤ አስተላለፉት የተባለውን መልዕክት ተከትሎም ቅዱስ ሲኖዶስ ጥር 3 ቀን 2014 በጉዳዩ ላይ ጉባኤውን አካሒዷል። ጉባኤውም ሰፊ ውይይት ካደረገ በኋላ ክብርት ከንቲባዋ አርብ ጥር 7 ቀን 2014 ዓ.ም ጠዋት አራት ሰዓት በቅዱስ ሲኖዶስ መሰብሰቢያ አዳራሽ በሚካሔደው በጉባኤ ጉባዔ ላይ እንዲገኙና ማብራሪያ እንዲሰጡ ቀጠሮ እንዲያሲዝ እና ጉዳዩ በተረጋጋ መንገድ ውሳኔ እንዲያገኝ መመሪያ መስጠቱ ተገልጧል። ይህ ሲኖዶሳዊ ውሳኔ የቤተክርስቲያኒቱ የመጨረሻ የሥልጣን ባለቤት የሆነው ቅዱስ ሲኖዶስ የሰጠው ውሳኔ በመሆኑ ለውሳኔው ተግባራዊነት ሁሉም ወገን የድርሻውን እንዲወጣ ተጠይቋል። ይህን ጉዳይ በተመለከተ ቅዱስ ሲኖዶስ አርብ ጥር 7 ቀን 2014 ዓ.ም በሚካሔደው ጉባዔ እልባት እንደሚሰጠው ይታመናል ተብሏል። ስለሆነም ቅዱስ ሲኖዶስ በጉዳዩ ዙሪያ ውሳኔ እስከሚሰጥ ድረስ ማንኛውም የቤተክርስቲያኒቱ እምነት ተከታይ ህግና ሥርዓትን ጠብቆ ቅዱስ ሲኖዶሱ የሚሰጠውን ውሳኔ ማክበር እንደሚገባው ቅድስት ኦርቶዶክሳዊት ቤተክርስቲያን መልዕክቷን ስለማስተላለፏ የኢ/ኦ/ተ/ቤ/ክ የሕዝብ ግንኙነት መምሪያ በፌስ ቡክ ገጹ አስፍሯል።

Source: Link to the Post

Leave a Reply