You are currently viewing መነሻቸውን አዲስ አበባ ያደረጉ በርካታ ወጣቶች የእምዬ ምኒልክ፣ የእቴጌ ጣይቱ እና የፊታውራሪ ገበየሁን ልደት ለማክበር ወደ ንጉሱ የትውልድ ስፍራ አንጎለላ አቅንተዋል። “ምንሊክ ተወልዶ ባያ…

መነሻቸውን አዲስ አበባ ያደረጉ በርካታ ወጣቶች የእምዬ ምኒልክ፣ የእቴጌ ጣይቱ እና የፊታውራሪ ገበየሁን ልደት ለማክበር ወደ ንጉሱ የትውልድ ስፍራ አንጎለላ አቅንተዋል። “ምንሊክ ተወልዶ ባያ…

መነሻቸውን አዲስ አበባ ያደረጉ በርካታ ወጣቶች የእምዬ ምኒልክ፣ የእቴጌ ጣይቱ እና የፊታውራሪ ገበየሁን ልደት ለማክበር ወደ ንጉሱ የትውልድ ስፍራ አንጎለላ አቅንተዋል። “ምንሊክ ተወልዶ ባያነሳ ጋሻ፣ ግብሩ እንቁላል ነበር ይህን ጊዜ ሀበሻ” የተባለላቸው እምዬ ምኒልክ ልደታቸው በተለያዩ አካባቢዎች እየተከበረ ነው። የዘመናዊቷ ኢትዮጵያ መሐንዲስ ነሐሴ 12 ቀን 1836 ከአባታቸው ኅይለ መለኮት ሣህለሥላሴና ከእናታቸው ወይዘሮ እጅጋየሁ ለማ ሰሜን ሸዋ አንጎለላ የተወለዱት ከታላቁ ንጉሰ ነገሥት አፄ ምኒልክ በተጨማሪም የንግስቲቱ የእቴጌ ጣይቱና የፊታውራሪ ገበየሁ ልደትም እየተከበረ ነው። “ብርሃን ዘ ኢትዮጵያ” በሚል ቅፅል ስም የሚታወቁት ጣይቱ አባታቸው ደጃዝማች ብጡል ኃይለማሪያም ፤ እናታቸው ወ/ሮ የውብዳር ይባላሉ። የተወለዱት ነሃሴ 12/1832 ዓ.ም ነው። የጦሩ ጀነራል ገበየሁ ካሳ ደግሞ በቀድሞ አጠራር በሸዋ ግዛት በአንጎለላ ነው የተወለዱ ጀግና ናቸው። የዘንድሮውን የልደት በዓል ምክንያት በማድረግ በርካታ በርካታ ከአዲስ አበባ ተነስተው የጀግኖችን፣ የሀገር ባለውለታዎችን የእነ እምዬ ምኒልክን፣ የእቴጌ ጣይቱንና የፊታውራሪ ገበየሁን ልደት ለማክበር ነሃሴ 12/2014 ወደ አንጎለላ እንቁላል ኮሶ አቅንተዋል። ወደ አንጎለላ ያቀኑት እነዚህ የእምዬ ምኒልክ፣ የእቴጌ ጣይቱ እና የፊታውራሪ ገበየሁ የመንፈስ ልጆች ከንጉሱ የቅርብ ቤተሰቦች መካከል አግኝተው እንደሚያነጋግሩና በዓሉን በጋራ ሆነው በድምቀት እንደሚያከብሩም ታውቋል። በእለቱ ከቀኑ 8 ሰዓት ጀምሮ “የሸዋ ተጋድሎ” የሚል ርዕስ የተሰጠው የጀግንነት ተጋድሎ ታሪክን የሚያሳቃኘው የተሾመ አየለ (ተሼ ባለሐገሩ) ዶክሜንታሪ በዘርዓያቆቧ ከተማ ደብረ ብርሃን ላይ በእምዬ ምኒልክ አዳራሽ የክብር እንግዶችና የሚዲያ ባለሙያዎች በተገኙበት ለህዝብ እንደሚቀርብ ይታወቃል። © አሚማ ስቶክሆልም :- ነሀሴ 12/2014 ዓ.ም አሻራ ሚዲያ ለፈጣንና አዳዲስ መረጃዎች የአይበገሬዎቹ ልሳን:- Youtube:- https://www.youtube.com/channel/UCPmgFzP2ZPmdGjHxXjigJaw Facebook:- https://www.facebook.com/asharamedia24 ቴሌግራም:- https://t.me/asharamedia24

Source: Link to the Post

Leave a Reply