You are currently viewing መነሻቸውን ወሎ አድርገው አዲስ አበባ ለመግባት እንግልት የሚደርስባቸውን ወገኖች አስመልክቶ ከወሎ ቤተ አምሐራ የልማት እና በጎ አድራጎት ድርጅት የተሠጠ መግለጫ ❗️ ሰ.ሜሪካ :- ሐምሌ 30…

መነሻቸውን ወሎ አድርገው አዲስ አበባ ለመግባት እንግልት የሚደርስባቸውን ወገኖች አስመልክቶ ከወሎ ቤተ አምሐራ የልማት እና በጎ አድራጎት ድርጅት የተሠጠ መግለጫ ❗️ ሰ.ሜሪካ :- ሐምሌ 30…

መነሻቸውን ወሎ አድርገው አዲስ አበባ ለመግባት እንግልት የሚደርስባቸውን ወገኖች አስመልክቶ ከወሎ ቤተ አምሐራ የልማት እና በጎ አድራጎት ድርጅት የተሠጠ መግለጫ ❗️ ሰ.ሜሪካ :- ሐምሌ 30/2014 ዓ.ም አሻራ ሚዲያ በአማራ ህዝብ ላይ በሚደርሠው ዘርፈ ብዙ እንግልት እና መሰደድ ፣ሞት እና መፈናቀል እንዲሁም የኢኮኖሚ ስብራት ቀዳሚ ገፈት ቀማሽ የሆነው የወሎ አማራ ሀዝብ ከችግሩ ሳያገግም ለተደራራቢ ሰው ሰራሽ ችግር እየተጋለጠ ይገኛል። የመልካም ዕሴት ባለቤት የሆነውና የኢትዮጵያዊነት ተምሳሌት ተደርጎ የሚወሠደው ህዝባችን ከዚች ሀገር ቅደም ምስረታ እስከሁን ድረስ ሀገራዊ ዕሴትን ለማጎልበት እንደ ዜጋ የራሱን ትልቅ አበርክቶ የተወጣ ነው ብለን እናምናለን፥ለዚህም ማሳያ ስሙ ለሌሎች ተምሳሌት እስከመሆን እና ለሀገራችን ቱሪዝም ከፍተኛ የገቢ ምንጭ እስከመሆን የደረሡ የቱባ ባህል በርካታ የቱሪዝም መዳረሻ ባለቤት የሆነው የወሎ አማራ ህዝብ በጦርነት የዳሸቀው ኢኮኖሚው ከጦርነት ማግስትም በዘረፈ ብዙ ምክንያቶች እየተጎዳ ይገኛል፡፡ በተለይ በሰሜን ወሎ እና በዋግኽምራ በጦርነት የደረሠው ጠባሳ እስከ አሁን ባለመሻሩ ንፁሀኖች ከቤት ንብረታቸው ተፈናቅለው መሰረተ ልማቶች በመውደማቸው የኤሌክትሪክ የመብራት፤ የውሃ፤ የወፍጮ፤ የጤና የትምህርት አገልግሎት ሳይኖር በጨለማ መከራውን እንዲያይ እስካሁን ድረስ ተፈርዶበታል፡፡ ከእንቅርት ላይ ጆሮ ደግፍ እንዲሉ ከቅርብ ጊዜ ወዲህ በማንለው መልኩ ከሦስት አስር አመታት ወዲህ በህዝባችን ላይ የደረሠው ማቆሚያ ያጣ በደል እጅግ አሳዛኝ እና ማቅ የሚያስለብስ ነው፤ ህዝባችን ይህን ሁሉ ታግሶ አሁንም ሀገራዊ ስሜት እንዳይላላ እየከፈለ ያለው መስዋትነት ተዘንግቶ ከሌሎች ሀዝቦች ጋር ባቀናው ከተማ ባዳ ነሀ አትገባም መባሉ እጅጉን አሳስቦናል። ወደ አዲስ አበባ ከተማ በአራቱም ማዕዘን በየቀኑ ለተለያዩ ጉዳዩች ማለትም ለትምህርት ፣ለንግድ፣ ለህክምና ለተለያዩ ጉዳዮች ዜጎች መብታቸውን ተጠቅመው ቢንቀሳቀሱም በዚህ የክረምት ወራት ከአማራ ክልል መነሻቸውን ወሎ ያደረጉ ተጓዦች ግን ኦሮሚያ ክልል ሲደርሡ የክፍለሀገር መታወቂያ ያለው ሰው ወደ አዲስ አበባ አትገቡም ተብለው ለከፍተኛ እንግልት ኪሳራ እየደረሰባቸው መሆኑ ከተሠማ ሳምንታት የተቆጠረ ቢሆንም ድርጅታችን ወሎ ቤተ አምሐራ የልማት እና የበጎ አድራጎት ድርጅትም ጉዳዩን በቅርበት እየተከታተለ የነበር ሲሆን በቅርብ ቀናት መፍትሄ ይሰጣል በማለት በዝምታ የቆየ ሲሆን እስከ አሁን ችግሩ ባለመፈታቱ የወገኖቻችንን መንገላታት ይቆም ዘንድ አጥብቆ በሰላማዊ መንገድ የሚመለከተውን አካል ይጠይቃል፡፡ የመንግስት ስጋት ከፀጥታ ጋር የተያያዘ ከሆነ መንግስት የሚጠበቅበትን የደህንነት ስራ በመስራት የብዙሀኑን የዜጎችን በነፃነት የሚንቀሳቀስ መብት ማክበር እና ማስከበር ይገባዋል እንጂ በጅምላ በጭፍን ፍርድ ሁሉንም ሰው እንቅስቃሴውን መገደብ ተገቢ አይደለም የዞኑም ሆነ የክልሉ እና የፌደራል መንግስት ይሄንን የዜጎችን በማንኛውም ቦታ የመንቀሳቀስ መብት እንዲያከብር እና እንዲያስከብር ከግዙፍ ስህተቱም በመማር አስቸኳይ መፍትሔዎችን እንዲሰጥ በዚህ አስነዋሪ ተግባር የተሳተፉ አካላት ከድርጊታቸው እንዲቆጠቡ እና በህዝባችን ላይ ለደረሠው እንግልት ይቅርታ ጠይቆ ድጋሜ ይህ አይነት ተግባር እንዳይፈፀም ስንል ማሣሠብ እንፈልጋለን። “የወሎን መልካም ዕሴት እናስቀጥላለን” አዲስ አበባ ሀምሌ 30|2014 ዓ.ም ቤተ አምሐራ – Wello Bete Amhara የልማት እና የበጎ አድራጎት ድርጅት ለፈጣንና አዳዲስ መረጃዎች የአይበገሬዎቹ ልሳን:- Youtube:- https://www.youtube.com/channel/UCPmgFzP2ZPmdGjHxXjigJaw Facebook:- https://www.facebook.com/asharamedia24 ቴሌግራም:- https://t.me/asharamedia24

Source: Link to the Post

Leave a Reply