You are currently viewing “መንግስት በህይወት የመኖር፣ የአካል ደህንነት እና የመዘዋወር መብቶችን በተገቢው ሁኔታ ሊያከብር እና ሊያስከብር ይገባል!” የኢትዮጵያ ሰብዓዊ መብቶች ጉባዔ (ኢሰመጉ)  ታሕሳስ 9 ቀን 20…

“መንግስት በህይወት የመኖር፣ የአካል ደህንነት እና የመዘዋወር መብቶችን በተገቢው ሁኔታ ሊያከብር እና ሊያስከብር ይገባል!” የኢትዮጵያ ሰብዓዊ መብቶች ጉባዔ (ኢሰመጉ) ታሕሳስ 9 ቀን 20…

“መንግስት በህይወት የመኖር፣ የአካል ደህንነት እና የመዘዋወር መብቶችን በተገቢው ሁኔታ ሊያከብር እና ሊያስከብር ይገባል!” የኢትዮጵያ ሰብዓዊ መብቶች ጉባዔ (ኢሰመጉ) ታሕሳስ 9 ቀን 2015 ዓ.ም አሻራ ሚዲያ ፣ ባህርዳር የኢትዮጵያ ሰብዓዊ መብቶች ጉባዔ (ኢሰመጉ) በወቅታዊ ጉዳይ የሰጠው መግለጫ:_ 1) በአማራ ብሔራዊ ክልላዊ መንግስት ምዕራብ ጎጃም ዞን ሰሜን አቸፈር ወረዳ ሸብላ ባኩልቲ በተባለ ቀበሌ:_ ህዳር 3 ቀን 2015 ዓ.ም ሶስት ወጣት የአካባቢው ነዋሪዎች የቀበሌዉን የወል መሬት የቀበሌ አስተዳዳሪው ለግል ጥቅሙ ለማዋል ሙከራ በሚያደርግበት ጊዜ ድርጊቱን በመቃወማቸዉ በቀበሌዉ አስተዳዳሪና በግብረ አበሮቹ በአሰቃቂ ሁኔታ በጥይት ስለመገደላቸው ኢሰመጉ ጠቅሷል። ይህንን ድርጊት የፈጸሙት አካላት ይህ ሪፖርት አስከወጣበት ጊዜ ድረሰ ምንም ዓይነት የህግ ተጠያቂነት እንዳልተመሰረተባቸውም ገልጧል። 2) በተለያዩ የሀገሪቱ ክፍል ውስጥ በሚገኙ የከፍተኛ ትምህርት ተቋማት ውስጥ ከመምህራን እና ረዳት መምህራን ደመወዝ እና ጥቅማጥቅም ጋር ተያይዞ የተለያዩ የከፍተኛ ትምህርት ተቋማት መምህራን እና ረዳት መምህራን ለተወሰነ ጊዜ የስራ ማቆም አድማ አድርገው እንደነበርም ገልጧል። የተማሪዎች ትምህርት እንዳይስተጓጎል በሚልም መምህራን ወደ ስራ ገበታቸው እንደተመለሱ እና ጥያቄያቸውን በህጋዊ መንገድ መጠየቅ የሚቀጥሉ መሆኑን ኢሰመጉ ካሰባሰባቸው መረጃዎች ለመረዳት መቻሉን አስታውቋል፡፡ ከእዚህም ጋር ተያይዞ ሶስት የአርባምንጭ ዩኒቨርሲቲ መምህራን አድማ አስተባብራችኋል በሚል ህዳር 26 ቀን 2005 ዓ.ም ታስረው በታህሳስ 03 ቀን 2015 ዓ.ም መለቀቃቸውን ጠቁሟል። 3) በኦሮሚያ ክልል በተለያዩ አካባቢዎች:_ በተደጋጋሚ በሚነሱ ግጭቶች በርካታ ሰዎች ላይ ሞት፤ የአካል ጉዳት፤ ጾታዊ ጥቃት፣ ‘ንብረት ውድመት፤ መፈናቀል እና ሌሎችም ዘርፈ ብዙ የሰብዓዊ መብቶች ጥሰቶች ሲፈጸሙ ቆይተዋል ብሏል። ችግሩ ከቁጥጥር ውጪ ሳይወጣ መንግስት ዘላቂ መፍትሔ በማፈላለግ የሰዎችን ሰብዓዊ መብቶች እንዲያከብር፣ እንዲያስከብር እና እንዲያሟላ ሲወተውት መቆየቱን የገለጸው ኢሰመጉ ነገር ግን በክልሉ አሁንም በታጣቂዎች የሚፈጸሙ ሰብዓዊ መብቶች ጥሰቶች ከምንጊዜውም በላይ እየጨመሩ ይገኛሉ ነው ያለው፡፡ በኦሮሚያ ክልል ሆሮ ጉድሩ ወለጋ ዞን ውስጥ በሚገኙ:_ 1) አሙሩ፣ 2) ጃርቴ ጃርደጋ፣ 3) ኦዳ ቡሎት እና 4) ከፊል አቢደንጎሮ ወረዳዎች እንዲሁም፣ በምስራቅ ወለጋ ዞን ውስጥ በሚገኙት:_ 1) ጉቶ ጊዳ፣ 2) ሳሲጋ፣ 3) ጊዳ አያና፣ 4) ሀሮ ሊሙ፣ 5) ኤባንቱ እና 6) ኪረሙ ወረዳዎች ውስጥ በሚገኙ ቀበሌዎች በሚንቀሳቀሱ በርካታ የታጠቁ ቡድኖች የመንግስትንም የጸጥታ ሀይል ጨምሮ በሚያደርጉት ግጭት በርካታ ሰዎች ላይ ሞት፣ የአካል ጉዳት፣ ጾታዊ ጥታት፣ ንብረት ውድመት እና መፈናቀል እየደረሰ ነው ብሏል። 4) የታገቱ ተማሪዎች ጉዳይ ህዳር 25 ቀን 2012 ዓ/ም 17 የደምቢዶሎ ዩኒቨርስቲ ተማሪዎች በሽኔ ታጣቂ ቡድን ታግተው እንደነበር እና ይህ መግለጫ እስከወጣበት ጊዜ ድረስ ያሉበት እንደማይታወቅ አውስቷል። ህዳር 29 ቀን 2015 ዓ.ም ደግሞ የደምቢዶሎ ዩኒቨርሲቲ ተማሪዎችን እንዲሁም ሌሎች መንገደኞችን ይዞ ሲጓዝ የነበረ ባስ ምዕራብ ወለጋ ጊምቢ ከተማ አካባቢ በሸኔ ታጣቂ ቡድኖች እንዲቆም ከተደረገ በኋላ በባስ ውስጥ ተሳፍረው የነበሩ ከዘጠኝ በላይ የሆኑ የደምቢዶሎ ዩኒቨርሲቲ ተማሪዎችን ታጣቂ ቡድኑ አግቶ መውሰዱን ጠቅሷል። ይጓዙበት የነበረውን የአዳ ባስንም ማቃጠሉን እና ይህ መግለጫ እስከወጣበት ጊዜ ድረስ ታግተው የተወሰዱት ተማሪዎች ያሉበትን ሁኔታ ማወቅ እንዳልተቻለ ኢሰመጉ አስታውቋል። “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply