መንግስት አሸባሪ ብሎ የፈረጀው “ሸኔ” በምእራብ ወለጋ ዞን 10 ሰዎችን ማገቱንና ባንክንና ፍ/ቤትን ጨምሮ ከ34 በላይ ተቋማትን መዝረፉን መንግስት አስታወቀ። አማራ ሚዲያ ማዕከል/አሚማ…

መንግስት አሸባሪ ብሎ የፈረጀው “ሸኔ” በምእራብ ወለጋ ዞን 10 ሰዎችን ማገቱንና ባንክንና ፍ/ቤትን ጨምሮ ከ34 በላይ ተቋማትን መዝረፉን መንግስት አስታወቀ። አማራ ሚዲያ ማዕከል/አሚማ ነሀሴ 27 ቀን 2013 ዓ.ም አዲስ አበባ ሸዋ ባንክ እና ፍርድ ቤትን ጨምሮ ከ34 በላይ የመንግስት መስሪያ ቤቶች እና ተቋማት ላይም ዝርፊያ ፈጽሟል። የኢትዮጵያ የህዝብ ተወካዮች ምክር ቤት በሽብርተኝነት የፈረጀው “ሸኔ” በምእራብ ወለጋ ዞን ቆንዳላ ወረዳ በፈፀመው ጥቃት በሰው ህይወት እና በንብረት ላይ ጉዳት ማድረሱን መንግስት አስታውቋል። የኢዜአ የአፋን ኦሮሞ ገጽ የቆንዳላ ወረዳ አስተዳዳሪ አቶ ቡላ ደመረን ጠቅሶ እንደዘገበው፤ በወረዳው “ሸኔ” በፈጸመው ጥቃት የንጹሃን የተገደሉ ሲሆን፣ በርካታ የመንግስት መስሪያ ቤቶች ተዘርፈው በእሳት ተቃጥለዋል። ቡድኑ የወረዳውን ፍርድ ቤት እና የአቃቤ ህግ ጽህፈት ቤት ሙሉ በሙሉ በእሳት ማጋየቱን በመጥቀስ፤ 4 የመንግስት አመራሮች መኖሪያ ቤቶችንም አቃጥሏል ብለዋል። የኢትዮጵያ ንግድ ባንክ ቆንዳላ ቅርንጫፍን አንዲሁም በ34 የመንግስት መስሪያ ቤቶች እና ተቋማት ላይ ዝርፊያ መፈጸሙን ያስታወቁት የወረዳው አስተዳዳሪ፤ በወረዳው የሚገኝ የ2ኛ ደረጃ ትምህት ቤት ንብረት እና የተማሪዎችን ማስረጃ ማውደሙንም ተናግረዋል። የ“ሸኔ” ታጣቂዎች በአጠቃላይ በወረዳው ከነሃሴ 9፣ 2013 ዓ.ም ጀምሮ በፈጸሙት ጥቃት ከ200 ሚሊየን ብር በላይ የሚገመት ንብረት መውደሙን የቆንዳላ ወረዳ አስተዳዳሪ አቶ ቡላ ደመረ ገልጸዋል። “ህብረተሰቡ የሸኔ የሽብር ቡድን የጥፋት ተግባርን ተረድቶ በአንድነት በመሆን የቡድኑን የጠላትነት ተግባር ሊያጋልጥ ይገባል” ሲሉም ዋና አስተዳዳው ጥሪ አቅርበዋል ሲል የዘገበው አል ዐይን ነው። የኦሮሚያ ክልላዊ መንግስት ኦነግ ሸኔ “አንድም ቀበሌ አልያዘም፣ መንገድም አልዘጋም” ሲል በተለያዩ ጊዜያት ቢገልፅም መሬት ላይ ያለው እውነታ ግን የተለዬ መሆኑ ይታወቃል። መንግስት ከአሁን ቀደም ኦነግ ሸኔ ሲለው የነበረውን በአሸባሪነት ሲፈርጅ “ሸኔ” ማለቱ እስካሁን ድረስ በአነጋጋሪነቱ እንደቀጠለ ነው።

Source: Link to the Post

Leave a Reply