You are currently viewing መንግስት ወደላሊበላ እና ኮምቦልቻ አየር ማረፊያዎች የሰብዓዊ ድጋፍ በረራ ፍቃድ ቢሰጥም እስካሁን ድረስ ድጋፍ ለማድረስ የጠየቀ አንድም የዓለም አቀፍ ተቋም የለም ሲሉ የብሔራዊ የአደጋ ሥጋት…

መንግስት ወደላሊበላ እና ኮምቦልቻ አየር ማረፊያዎች የሰብዓዊ ድጋፍ በረራ ፍቃድ ቢሰጥም እስካሁን ድረስ ድጋፍ ለማድረስ የጠየቀ አንድም የዓለም አቀፍ ተቋም የለም ሲሉ የብሔራዊ የአደጋ ሥጋት…

መንግስት ወደላሊበላ እና ኮምቦልቻ አየር ማረፊያዎች የሰብዓዊ ድጋፍ በረራ ፍቃድ ቢሰጥም እስካሁን ድረስ ድጋፍ ለማድረስ የጠየቀ አንድም የዓለም አቀፍ ተቋም የለም ሲሉ የብሔራዊ የአደጋ ሥጋት ሥራ አመራር ኮሚሽን አስታወቁ። አማራ ሚዲያ ማዕከል/አሚማ ህዳር 14 ቀን 2014 ዓ.ም አዲስ አበባ ሸዋ የብሔራዊ የአደጋ ሥጋት ሥራ አመራር ኮሚሽን ኮሚሽነር አቶ ምትኩ ካሳ በተለይ ለኢትዮጵያ ፕሬስ ድርጅት እንደገለጹት፤ ዓለም አቀፍ የሰብዓዊ ድጋፍ ሰጪ ድርጅቶች በአማራ ክልል የሚገኙትን የላሊበላ እና ኮምቦልቻ አየር ማረፊያዎችን መጠቀም እንደሚችል ቢያሳውቅም እስካሁን ድጋፍ ለሚያስፈልጋቸው ዜጎች እርዳታ ለማቅረብ የጠየቀ አካል የለም። በአካባቢዎቹ ለአምስት ወራት ድጋፍ ያላገኙና እርዳታ የሚፈልጉ ዜጎች አሉ ያሉት ኮሚሽነር ምትኩ፤ መንግሥት ሁኔታዎችን ሲያመቻች ገብተው ሰብዓዊ ድጋፍ የማቅረብ ግዴታ ያለባቸው ዓለም አቀፍ ተቋማት ወደተግባራዊ እርምጃ አለመግባታቸውን ተናግረዋል። አቶ ምትኩ እንዳስታወቁት፤ በሰሜንና ደቡብ ወሎ አካባቢዎች ከተፈናቀሉ በሚሊዮኖች ከሚቆጠሩ ዜጎች ባለፉት ለወራት እርዳታ ሳይቀርብላቸው የቆዩ ከአራት ሚሊዮን በላይ ዜጎች ይገኛሉ። ዓለም አቀፍ እርዳታ ድርጅቶች ወደአካባቢዎቹ እርዳታ ጭነው ቢሄዱ እና ሰብአዊ ድጋፍ ቢያቀርቡ ከአምስት ሚሊዮን በላይ ዜጎችን መታደግ የሚቻልበት አማራጭ አለ። በኮምቦልቻ አየር በረራ ማድረግ የሚችሉ ዓለም አቀፍ ተቋማት በከተማዋ ካሉ የእህል መጋዘኖች ለደቡብ እና ሰሜን ወሎ ነዋሪዎች የሚሆን ድጋፍ ማቅረብ ይችላሉ። በላሊበላም በኩል በተመሳሳይ አውሮፕላኖችን በመጠቀም ሰብዓዊ ድጋፎችን ማጓጓዝ ይቻላል በሚል ምክንያት ነው መንግሥት የሰብዓዊ አየር በረራዎችን ፈቃድ የሰጠው። ስለዚህ ዕድሉን ተጠቅሞ ሰብዓዊ ድጋፍ ማቅረብ የሚገባቸው አካላት ወደእርምጃ መግባት አለባቸው ብለዋል። የዓለም አቀፍ ተቋማት ጦርነት እየተካሄደባቸው በማይገኙ ቦታዎች ላይ ገብተው ድጋፍ የማቅረብ ኃላፊነት አለባቸው። የሚሠሩት ሥራ የሰብዓዊነት ዓላማ እስካለው ድረስ የእራሳቸውን መለያ እና አርማ አድርገው ድጋፍ ለማድረግ ወደየስፍራዎቹ መግባት ይችላሉ። ሰብዓዊነት ድንበር የለውምና ድጋፍ የማቅረብ ግዴታቸውን መወጣት አለባቸው ሲሉ ገልጸዋል። አማራ ክልል እና አፋር ክልል ላይ ያለው የዓለም አቀፍ ሰብዓዊ ድጋፍ አቅራቢ ድርጅቶች ድጋፍ የሚጠበቀውን ያህል አይደለም። ችግሩን ለመፍታት በውጭ ጉዳይ ሚኒስቴር አማካኝነት ከየተቋማቱ ጋር ተደጋጋሚ ውይይት አድርገናል። በዚህ መነሻነት ለውጦች ይኖራሉ ተብሎ ይጠበቃል ብለዋል። የኢትዮጵያን መንግሥት የበረራ ፈቃድ መሰረት በማድረግ በሚቀጥሉት ቀናት የሚመጡ አጋር እና የሰብዓዊ ድጋፍ አቅራቢዎች ካሉ መንግሥት ተቀብሎ እንደሚያስተናግድ በድጋሚ እናሳውቃለን ፤ በጥሪያችን መሰረትም ገብተው እንዲሰሩ እና ያላሰለሰ ጥረት ማድረግ እንደሚኖርባቸውም በድጋሚ ማሳሰብ እፈልጋለሁ ሲሉ ተናግረዋል። ይሁንና ዓለም አቀፍ ተቋማቱ ድጋፉን የማይሸፍኑ ከሆነ እንደተለመደው የኢትዮጵያ መንግሥት ክፍተቱን ለመሞላት ይገደዳል ብለዋል። የመንግሥት ኮሙኒኬሽን አገልግሎት ከአምስት ቀናት በፊት ባወጣው መግለጫ የኢትዮጵያ መንግሥት ወደ ኮምቦልቻ እና ላሊበላ የሚደረጉ የሰብዓዊ እርዳታ በረራዎች መፈቀዳቸውን አስታውቆ እንደነበር የሚታወስ ነው። ኢፕድ እንደዘገበው።

Source: Link to the Post

Leave a Reply