“መንግስት የሚመራውን ከተማ መልካም ስም ይገነባል እንጅ እንዴት ሰላማዊዋን ከተማ በሽብር ዜና ያናውጣል።” ጠበቃ አስረስ ማረ ዳምጤ አማራ ሚዲያ ማዕከል/አሚማ… ሰኔ 21 ቀን 2014…

“መንግስት የሚመራውን ከተማ መልካም ስም ይገነባል እንጅ እንዴት ሰላማዊዋን ከተማ በሽብር ዜና ያናውጣል።” ጠበቃ አስረስ ማረ ዳምጤ አማራ ሚዲያ ማዕከል/አሚማ… ሰኔ 21 ቀን 2014 ዓ.ም አዲስ አበባ ሸዋ የሀገሪቱ ሁሉም ሚዲያወች እና የመንግስት አክቲቪስቶች ስለ ባህርዳር የሽብር ዜና እያወሩ መሆኑን ሰምቸ በሰው ወይም በንብረት ላይ የደረሰ ጉዳት እንዳለ ብየ ሰግቸ ነበር። ምንም ዓይነት ጉዳት አለመድረሱን አጣራሁ። ፋኖወችን ማሰር ከተፈለገ እኮ ቦንብ ማጮህ ሳያስፈልግ እንደሌላው አካባቢ ማሰር ይቻል ነበር። ለዚህ ተብሎ ውቢቷን የቱሪስት ከተማ መልካም ስም ማጥፋት ግን ከተማዋን ከሚያስተዳድር አካል የሚጠበቅ አይደለም። በሌላ በኩል ብዙ ሰው ፋኖ እንዴት ከተማ ሊገኝ ይችላል የሚል ጥያቄ ሲያነሳ አይቻለሁ። ከፊሉ የዚህ ጥያቄ ባለቤት የእለት ስንቅ ማቀበል የማይችል ተቺ ቢሆንም ጥያቄዉን መመለስ ግን ተገቢ ስለሆነ ያለኝን መረጃ ላካፍላችሁ። ባጣራሁት መሰረት የባህርዳር ፋኖዎች የአፈና ዘመቻው የተጀመረ አካባቢ ከከተማ ወጥተው ነበር። ሆኖም የከተማዋ ፖሊስ መምሪያ ኃላፊው ኮ/ር አትንኩት እና የሰላም እና ደህንነት መምሪያ ኃላፊው አቶ አደራውን ጨምሮ ሌሎች የፀጥታ አመራሮች በሰው በኩል ካገኟቸው በኋላ “… መንግስት እናንተን ማሰር አይፈልግም፣ ከቻላችሁ እነ ዘመነን ከመንግስት ጋር የማግባባት ስራ እንዲሰራ አግዙን…” የሚሉ እና ሌሎችም ሃሳቦች አቅርበውላቸው እነሱም ማለት የሚገባቸዉን ተናግረው ለግማሽ ቀን ውይይት ካደረጉ በኋላ ነበር ከጫካ ወደ ከተማ የተመለሱት። ከከተማዋ አመራር ጋርም ቢሆን በአንፃራዊነት መልካም የሚባል ግንኙነት ነበራቸው። ለማንኛውም ከታፈኑት የሀገር ባለውለታወች ጎን እንቁም! ጠበቃ አስረስ በዚህ መልኩም ተጨማሪ መረጃ አጋርቷል:_ የባህርዳር ፋኖ አመራሮች (ፋኖ ቴወድሮስ ጌታቸዉ፣ ፋኖ ማንችሎት እሱባለው እና ፋኖ ሐብታሙ ማንደፍሮ) ዛሬ ሌሊት በየቤታቸው እያሉ በአድማ ብተና ፖሊስ ታፍነው ተወስደዋል። የባህርዳር ፋኖወች አስፈሪ የነበረዉን የጋሸናን ምሽግ በመስበር ሂደት ትልቅ ሚና የነበራቸው እና ከ34ኛ ክፍለ ጦር ጋር ለወራት ምሽግ የቆዩ ጀግኖች ናቸው። እነኝህ ልጆች ለሀገር ለከፈሉት መስዋዕትነት ምላሹ አፈና ሆነ እንጅ በጦርነቱ ከአስር በላይ አባሎቻቸው ሲቆስሉ ሶስት ጓዶችም መስዋዕትነት ከፍለዋል። ኧረ በሕግ አምላክ የአይኑ ቀለም ያላማራችሁን ሁሉ በማፈን የምታመጡት ውጤት የለም።

Source: Link to the Post

Leave a Reply