መንግስት የሰጠኝ ህጋዊ ቦታ እውቅና ሊሰጠው ይገባል ሲል አምባ ትምህርት ቤት ጠየቀ።አምባ ትምህርት ት/ቤት ለተቸገሩ በጎ አድራጎት ማህበር ለትምህርት ቤት ግንባታ ከመንግስት መስሪያ…

https://cdn4.cdn-telegram.org/file/fVmqUJzn9hgs2jfWYl95yJEaQm75suNHRxPUTtQZDpHti3VVmNZHLJecKw2THFAIGlWPOeHo85v9K4dDQ5I2MY1zgYRJBCMFTWCT6GkKuKBdP749d5GYB8TL4W-EozUUhYpwR845JpjI9xK5y6H7KHs8knR46HKLFrPyryqcXT6gGF-bKfJy-AW7JDl4K_VgcaYQh_7nH1ppAmnx_8QC_V8Mkv6qvibH681Sl1y6AouLgzqgLCbZi6gcNFSJVSJQnNIQjRrMDFedwxDyY0bUbugVH6Dj5nSstgIJVX0i9rPR93aedgEpVLigjEyn_6mb0VsV3NJZQxwFRO4jTkSDuQ.jpg

መንግስት የሰጠኝ ህጋዊ ቦታ እውቅና ሊሰጠው ይገባል ሲል አምባ ትምህርት ቤት ጠየቀ።

አምባ ትምህርት ት/ቤት ለተቸገሩ በጎ አድራጎት ማህበር ለትምህርት ቤት ግንባታ ከመንግስት መስሪያ ቦታ ቢሰጠኝም እስካሁን ህጋዊ ማረጋገጫ ስላልተሰጠኝ ስራዬን ለማከናወን ተቸግሬያለሁ ብሏል።

የአምባ ትምህርት ቤት መስራች እና ስራ አስኪያጅ ካሌብ ፀጋዬ ለኢትዮ ኤፍ ኤም እንዳሉት፣ ይህ ሁኔታ ማህበሩ ያቀዳቸውን ግንባታዎች እንዳይከውን እና አጥጋቢ የሆነ ስራ ለመስራት እንዳንችል አደርጎናል ብለዋል፡፡

ማእከሉ የገጠሙት ችግሮች የሚቀረፍለት ከሆነ በትምህርት ቤቱ ቅጥር ግቢ ውስጥ አዳሪ ትምህርት ቤት ለመገንባት እቅድ እንዳለው ስራ አስኪያጁ ተናግረዋል፡፡

በአሁኑ ሰዓት ማህበሩ አሳሳቢ ሁኔታ ላይ እንደሚገኝም ነግረውናል።
ከዚህ በፊት ይበቃ የነበረው የተማሪዎች ምገባ አሁን ላይ እጥረት እያጋጠመው መሆኑ ነግረውናል፡፡

የትምህርት ቤቱ ዋናው የገቢ ምንጭ ከሀገር ውስጥ እና ከሀገር ውጪ ባሉ ግለሰቦች የሚያደርጉት እርዳታ ስለመሆኑንም አንስተዋል።

አምባ ትምህርት ቤት ትምህርት መማር ለማይችሉ እና ለተቸገሩ ልጆች ደረጃውን የጠበቀ የቅድመ መደበኛ እና መደበኛ ትምህርት እንዲያገኙ የማድረግ ስራዎችን እየሰራ ይገኛል።

እንደዚህ ያሉ የበጎ አድራጎት ማህበራትን መደገፍ እና ተቋማቶቹን ማበረታታት የመንግስት ሀላፊነት ብቻ ሳይሆን የእያንዳንዱ ግለሰብ እና ማህበረሰብ ሀላፊነት ስለሆነ ሁሉም የህብረተሰብ ክፍል ተቋማቱን እንዲደግፍ ጥሪ ቀርቧል፡፡

በሐመረ ፍሬው

ግንቦት 22 ቀን 2016 ዓ.ም

Source: Link to the Post

Leave a Reply