You are currently viewing መንግስት ገበያውን መቆጣጠር ባለመቻሉ ህብረተሰቡ በኑሮ ውድነት መቸገሩ ተገለፀ። አማራ ሚዲያ ማዕከል/አሚማ  የካቲት 29 ቀን 2014 ዓ.ም        አዲስ አበባ ሸዋ በምስራቅ ጎጃም ዞን…

መንግስት ገበያውን መቆጣጠር ባለመቻሉ ህብረተሰቡ በኑሮ ውድነት መቸገሩ ተገለፀ። አማራ ሚዲያ ማዕከል/አሚማ የካቲት 29 ቀን 2014 ዓ.ም አዲስ አበባ ሸዋ በምስራቅ ጎጃም ዞን…

መንግስት ገበያውን መቆጣጠር ባለመቻሉ ህብረተሰቡ በኑሮ ውድነት መቸገሩ ተገለፀ። አማራ ሚዲያ ማዕከል/አሚማ የካቲት 29 ቀን 2014 ዓ.ም አዲስ አበባ ሸዋ በምስራቅ ጎጃም ዞን በደጀን ወረዳ መንግስት ገበያውን መቆጣጠር ባለመቻሉ ህብረተሰቡ በኑሮ ውድነት እየተቸገረ መሆኑን የወረዳው መንግስት ሰራተኞች ተናግረዋል፡፡ የመንግስት ሰራተኛ የሆኑት አቶ ያለው ጫኔ መንግስት በገበያው ላይ ጥብቅ ክትትልና ቁጥጥር ማድረግ ባለመቻሉ ህብረተሰቡ በኑሮ ውድነት እየተቸገረ መሆኑን ተናግረዋል፡፡ መንግስት ህዝብ የሰጠውን ኃላፊነት በአግባቡ በመወጣት የኑሮ ውድነትን ሊያባብሱ የሚችሉ ጉዳዮች ላይ በትኩረት ሊሰራ እንደሚገባ አቶ ያለው ጨምረው ገልጸዋል፡፡ አቶ ፋኑኤል ይሀዝን በበኩላቸው መንግስት በገበያ ማረጋጋቱ ላይ ትኩረት ሰጥቶ እየሰራ ባለመሆኑ ህብረተሰቡ በኑሮ ውድነት ለከፍተኛ ችግር እየተጋለጠ መሆኑን ተናግረዋል፡፡ መንግስት የህብረት ስራ ማህበራትን በመጠቀም ምርትን ህብረተሰቡ በማቅረብ የገበያ ማረጋጋቱን ስራ በመስራት የህብረተሰቡን የመኖር ህልውናችንን ከአደጋ ሊከላከል ይገባል ሲሉ አቶ ፋኑኤል አክለው ተናግረዋል፡፡ የደጀን ምርጫ ክልል የክልል ምክር ቤት ተመራጭ የሆኑት አቶ ኑርልኝ ብርሃኑ የተነሱ ጥያቄዎች ትክክል መሆናቸውን ገልፀው የኑሮ ውድነትን ለማረጋጋት በየደረጃው ያለው አመራር ጥብቅ ቁጥጥርና ክትትል በማድረግ ትኩረት ሰጥቶ ሊሰራ ይገባል ብለዋል፡፡ የኑሮ ውድነቱን ለመቀነስ የበጀት ችግር ያጋጠመ መሆኑን የገለፁት አቶ ኑርልኝ የመሰረታዊ ፍጆታዎችን እጥረት ለመፍታት መንግስት ትኩረት ሰጥቶ እየሰራ መሆኑንም ተናግረዋል፡፡ ደጀን ኮሚዩኒኬሽን እንደዘገበው።

Source: Link to the Post

Leave a Reply