You are currently viewing መንግስት ጋዜጠኛ መስከረም አበራን ያለ ምንም ቅድመ ሁኔታ እንዲፈታ ተጠየቀ። አማራ ሚዲያ ማዕከል/አሚማ    ታህሳስ 13 ቀን 2015 ዓ/ም          አዲስ አበባ ሸዋ አለም አቀፉ የጋዜ…

መንግስት ጋዜጠኛ መስከረም አበራን ያለ ምንም ቅድመ ሁኔታ እንዲፈታ ተጠየቀ። አማራ ሚዲያ ማዕከል/አሚማ ታህሳስ 13 ቀን 2015 ዓ/ም አዲስ አበባ ሸዋ አለም አቀፉ የጋዜ…

መንግስት ጋዜጠኛ መስከረም አበራን ያለ ምንም ቅድመ ሁኔታ እንዲፈታ ተጠየቀ። አማራ ሚዲያ ማዕከል/አሚማ ታህሳስ 13 ቀን 2015 ዓ/ም አዲስ አበባ ሸዋ አለም አቀፉ የጋዜጠኞች መብት ተሟጋች ቡድን (ሲፒጄ) ታህሳስ በእለተ ማክሰኞ 11/2015 ባወጣው መግለጫ መንግስት በድጋሜ ያሰራትን ጋዜጠኛ መስከረም አበራን እንዲለቅ ጠይቋል። ፖሊስ ጋዜጠኛዋን ያለ ምንም ቅድመ ሁኔታ እንዲፈታ እንዲሁም በጋዜጠኞች ላይ የሚፈጽመውን ትንኮሳ እንዲያቆም ጥሪ አድርጓል። የመስከረም ባለቤት አቶ ፍጹም ገ/ሚካኤልን ዋቢ በማድረግ ሲፒጄ እንደገለጸው ቀደም ሲል ለሳምንታት ታስራ የተፈታችው የኢትዮ ንቃት የዩቱብ ሚዲያ ጋዜጠኛዋ ከታህሳስ 4/2015 ጀምሮ ዳግም በእስር ላይ ትገኛለች፤ እስሩም ከሚዲያ ሥራዋ ጋር የተያያዘ ስለመሆኑ ጠቁሟል። መንግስት ያለምንም ማዘግዬት የክስ ሂደቱን እንዲያቋረጥ እና ከእስር እንዲለቃት ያሳሰበው ሲፒጄ መስከረም ያለምንም ጣልቃ ገብነት ሥራዋን ልትሰራ ይገባል ሲልም ገልጧል፡፡ ሲፒጄ ለፍትህ ሚኒስቴር እና ለፌደራል ፖሊስ ቃል አቀባይ ጄይላን አብዲ የኢ-ሚይል እና የጽሑፍ መልዕክት መላኩን፣ ነገር ግን ምላሽ አለማግኘቱን አስታውቋል። ታሕሳስ 6/2015 የፌደራል ከፍተኛ ፍ/ቤት ልደታ ምድብ ችሎት የቀረበችው ጋዜጠኛ መስከረም አበራ:_ 1) “ሕገ-መንግሥቱን በኃይል ለመናድ በማሰብ በአዲስ አበባ እና በደቡብ ክልል ጉራጌ ዞን “ኢትዮ ንቃት” በተባለ የበይነ መረብ ሚዲያ እና የተለያዩ ማህበራዊ ሚዲያዎችን በመጠቀም መንገድ እንዲዘጋ ማድረግ፣ 2) የመከላከያ ሰራዊት እንዳይታዘዝ በመቀስቀስ ወንጀል ተጠርጥራለች በሚል ፖሊስ ለፍ/ቤት ማቅረቡ ይታወሳል። የሰው መረጃ ለማሰባሰብ እና ለምርመራ በሚል ፖሊስ መጠየቁን ተከትሎ ችሎቱ የተጠየቀውን 14 ቀን በመፍቀድ ለታሕሳስ 20/2015 ተለዋጭ ቀጠሮ መስጠቱ አይዘነጋም፡፡

Source: Link to the Post

Leave a Reply