You are currently viewing ምርጫ ቦርድ ምልዓተ ጉባዔው ባልተሟላበት ሁኔታ በብሔራዊ ምክር ቤቱ ውሣኔ መሠረት ጠቅላላ ጉባዔ መጥራትና ማካሄድ የሚቻልበት የሕግ አግባብ የሌለ መሆኑን ለአብን አስታወቀ። አማራ ሚዲያ ማዕከ…

ምርጫ ቦርድ ምልዓተ ጉባዔው ባልተሟላበት ሁኔታ በብሔራዊ ምክር ቤቱ ውሣኔ መሠረት ጠቅላላ ጉባዔ መጥራትና ማካሄድ የሚቻልበት የሕግ አግባብ የሌለ መሆኑን ለአብን አስታወቀ። አማራ ሚዲያ ማዕከ…

ምርጫ ቦርድ ምልዓተ ጉባዔው ባልተሟላበት ሁኔታ በብሔራዊ ምክር ቤቱ ውሣኔ መሠረት ጠቅላላ ጉባዔ መጥራትና ማካሄድ የሚቻልበት የሕግ አግባብ የሌለ መሆኑን ለአብን አስታወቀ። አማራ ሚዲያ ማዕከል/አሚማ ታህሳስ 14 ቀን 2015 ዓ/ም አዲስ አበባ ሸዋ የኢትዮጵያ ብሔራዊ ምርጫ ቦርድ፤ የአማራ ብሔራዊ ንቅናቄ (አብን) ታኅሣሥ 3 እና 10 ቀን 2015 ዓ.ም. ለቦርዱ በተጻፉ ደብዳቤዎች 3ኛ መደበኛ ጠቅላላ ጉባዔውን ለማድረግ የሚያስችሉትን የቅድመ ጉባዔ ሥራዎች ማጠናቀቁን ገልጧል። ጉባዔውን ታኅሣሥ 22 እና 23 ቀን 2015 ዓ.ም. በአዲስ አበባ ከተማ ለማድረግ መወሠኑን አሳውቋል። ቦርዱም የቀረበውን ጥያቄ ከፓርቲው መተዳደሪያ ደንብ አንጻር መመርነሩን ገልጧል። በደንቡም ላይ የፓርቲው ብሔራዊ ምክር ቤት መደበኛ፣ ልዩ እና አስቸኳይ ስብሰባዎችን የመጥራት እንዲሁም የጉባዔ አዘጋጅ ኮሚቴም የማቋቋም ሥልጣን ያለው መሆኑን ተመልክቷል። ሆኖም ግን ፓርቲው ከላይ በተጠቀሱት ቀናት ጠቅላላ ጉባዔውን ለማድረግ ያሳለፈው ውሣኔ የፓርቲው መተዳደሪያ ደንብ በሚያዘው መሠረት የፓርቲው ብሔራዊ ምክር ቤት ምልዓተ ጉባዔ ባልተሟላበት ሁኔታ መሆኑን ቦርዱ ፓርቲው ከላከው ሠነድ ማረጋገጥ ስለመቻሉ ጠቁሟል። ስለዚህም ምልዓተ ጉባዔው ባልተሟላበት ሁኔታ በብሔራዊ ምክር ቤቱ ውሣኔ መሠረት ይህን ጠቅላላ ጉባዔ መጥራትና ማካሄድ የሚቻልበት የሕግ አግባብ የሌለ መሆኑን ቦርዱ ለፓርቲው በላከው ደብዳቤ አሳውቋል።

Source: Link to the Post

Leave a Reply