You are currently viewing ምርጫ ቦርድ በአብን ላይ አስተላልፎት የነበረውን ውሳኔ ከፓርቲው የቀረበለትን ቅሬታ በመመርመር ማስተካከያ አደረገ፤ አብን አሁን በሚያከናውነው ጉባኤ ላይ ሊሳተፉ የሚገባቸው የጉባኤ አባላት በ…

ምርጫ ቦርድ በአብን ላይ አስተላልፎት የነበረውን ውሳኔ ከፓርቲው የቀረበለትን ቅሬታ በመመርመር ማስተካከያ አደረገ፤ አብን አሁን በሚያከናውነው ጉባኤ ላይ ሊሳተፉ የሚገባቸው የጉባኤ አባላት በ…

ምርጫ ቦርድ በአብን ላይ አስተላልፎት የነበረውን ውሳኔ ከፓርቲው የቀረበለትን ቅሬታ በመመርመር ማስተካከያ አደረገ፤ አብን አሁን በሚያከናውነው ጉባኤ ላይ ሊሳተፉ የሚገባቸው የጉባኤ አባላት በፓርቲው የባህር ዳር ጉባኤ ላይ የተሳተፉ የጉባኤ አባላት መሆን እንዳለባቸው ምርጫ ቦርድ አሳሰበ። አማራ ሚዲያ ማዕከል/አሚማ ታህሳስ 18 ቀን 2015 ዓ/ም አዲስ አበባ ሸዋ የኢትዮጵያ ብሔራዊ ምርጫ ቦርድ፤ የአማራ ብሔራዊ ንቅናቄ (አብን) የካቲት 14 እና 15 ቀን 2012 ዓ.ም. በደብረ-ብርሃን ከተማ ያካሄደውን 2ኛ መደበኛ ጉባዔና ውጤቱን ከሕጉና ከፓርቲው መተዳደሪያ ደንብ አንጻር መርምሮ ሕጉን ያልተከተሉ ውሣኔዎች በማግኘቱ ያላጸደቀ መሆኑን ገልጾ፤ ቦርዱ ዕውቅና የሚሰጠው ሰኔ 3 ቀን 2010 ዓ.ም. የፀደቀውን:_ የፓርቲውን ሕገ-ደንብ፣ ብሔራዊ ምክር ቤት እና ሌሎች የፓርቲው አካላትን ብቻ እንደሆነ ማሳወቁን ተከትሎ፤ ፓርቲው የቦርዱ ውሣኔ አግባብነት እንደሌለው ገልጾ ሥራ አመራር ቦርዱ ጉዳዩን መርምሮ የዕርምት ውሣኔ እንዲሰጥልን ሲል ታኅሣሥ 14 ቀን 2015 ዓ.ም ለቦርዱ በላከው ደብዳቤ ማመልከቱን ቦርዱ አውስቷል፡፡ ምንም እንኳን ቦርዱ ፓርቲው የካቲት 14 እና 15 ቀን 2012 ዓ.ም. ያካሄደው ጉባዔ በሕጉ የተቀመጠውን መሥፈርት ባለማሟላቱ እንዳልተቀበለው ለፓርቲው ገልጾለት የነበረ መሆኑንም ጠቁሟል። አብን የተጓደሉ የተባሉ ነጥቦችን አሟልቶ ጉባዔ እንዲያደርግ ቦርዱ በመስከረም 12 ቀን 2013 ዓ.ም እና በሚያዝያ 15 ቀን 2013 ዓ.ም. አሳውቆ እንደነበርም ገልጧል። ሰኔ 2013 ዓ.ም እና መስከረም 2014 ዓ.ም ለተካሄደው ሀገራዊ ምርጫ ቦርዱ የተለያዩ ክንዋኔዎችን ሲመራና ውሣኔዎችን ሲያስተላልፍ የቆየበትና ከፍተኛ የሥራ ጫና ያስተናገደበት ጊዜ በመሆኑ አስቻይ ሁኔታዎች እንዳልነበሩም አስታውቋል። ይህም ምክንያት ሆኖ ፓርቲው በደብረ-ብርሃን ያደረገው ጉባዔ ውጤት የሆኑት የፓርቲው ደንብ እና በጉባዔው የተመረጡ አመራር አካላት ሥራቸውን በመቀጠል ከቦርዱ ጋር የሚያገናኛቸውን ተግባራት በሙሉ ሲያከናውኑ ቆይተዋል ብሏል። ቦርዱ ከላይ የተጠቀሱትን ሁነቶች በጥልቀት በመመልከት፣ አሁን በሥራ ላይ ያሉትና በደብረ-ብርሃኑ የፓርቲው ጠቅላላ ጉባዔ የተመረጡት የፓርቲው አመራር አካላትን ዕውቅና አለመስጠት ማለት ፓርቲው ለሦስት ዓመታት ያከናወናቸውን ተግባራት ዋጋ አልባ የሚያደርግ መሆኑን ስለመገንዘቡ ገልጧል። የፓርቲውን ኅልውና ለማስቀጠል ሲባል፤ ቦርዱ በታኅሣሥ 10 ቀን 2015 ዓ.ም. ለፓርቲው የጻፈው ደብዳቤ ላይ ማስተካከያ ማድረጉንም ጠቁሟል። በመሆኑም የደብረ-ብርሃኑ ጉባዔና ያስተላለፋቸውን ውሣኔዎችም ሆኑ የውሣኔዎቹን ውጤቶች ተቀባይነት ሊኖራቸው ይገባል ሲል ቦርዱ የማስተካከያ ውሣኔ መስጠቱን አስታውቋል። ይህም ሲሆን ግን አብን በቀጣይ ሊጠራው በሚገባው ጠቅላላ ጉባዔ ላይ ሊከተላቸው የሚገቡ ዝርዝር ሁኔታዎችንም ቦርዱ ለፓርቲው በላከው ደብዳቤ አሳውቋል። ይኸውም:_ 1) ፓርቲው አሁን በሚያከናውነው ጉባኤ ላይ ሊሳተፉ የሚገባቸው የጉባኤ አባላት በፓርቲው የባህር ዳር ጉባኤ ላይ የተሳተፉ የጉባኤ አባላት መሆን እንዳለባቸው፤ እንዲሁም በፓርቲው መተዳደሪያ ደንብ መሰረት በወቅቱ ያልተካተቱ ወይም በባህርዳሩ ስብሰባ ላይ ተገኝተው አሁን መገኘት በማይችሉት ምትክ / ሌሎችን በመተካት ተሰብሳቢዎችን መጥራት ያለበት መሆኑን፤ 2) በፓርቲው ጉባኤ ላይ የሚቀርቡ አጀንዳዎችን በተመለከተ ቦርዱ ከዚህ ቀደም ለፓርቲው በደብዳቤ በገለጸው መሰረት | አንዱ አጀንዳ የሆነው የሪፎርም ሰነድ ለጉባኤ የሚቀርብበትን አግባብ በዝርዝር እንዲያዘጋጅ፣ ዝርዝሩን በቅድሚያ በማዕከላዊ ኮሚቴ አስወስኖ ለቦርዱ ሊያቀርብ የሚገባ መሆኑን፤ 3) በመጨረሻም የፓርቲው ማዕከላዊ ኮሚቴ ከላይ የተገለጹት ነጥቦች ላይ ስብሰባ በሚያደርግበት ጊዜ ሁሉ ፓርቲው ለቦርዱ በቅድሚያ እንዲያሳውቅ እና የቦርዱ ተወካይ በስብሰባው ላይ እንዲገኝ ማድረግ የሚገባ መሆኑን ቦርዱ ወስኗል።

Source: Link to the Post

Leave a Reply