You are currently viewing ምርጫ ቦርድ የኢትዮጵያ ነጻነት እና እኩልነት ፓርቲ (ኢነፓ) ፈጽሟል ባላቸው ጥፋቶች ምክንያት ከምዝገባ መሰረዙን አስታውቋል። አማራ ሚዲያ ማዕከል/አሚማ      ጥር 9 ቀን 2015 ዓ/ም…

ምርጫ ቦርድ የኢትዮጵያ ነጻነት እና እኩልነት ፓርቲ (ኢነፓ) ፈጽሟል ባላቸው ጥፋቶች ምክንያት ከምዝገባ መሰረዙን አስታውቋል። አማራ ሚዲያ ማዕከል/አሚማ ጥር 9 ቀን 2015 ዓ/ም…

ምርጫ ቦርድ የኢትዮጵያ ነጻነት እና እኩልነት ፓርቲ (ኢነፓ) ፈጽሟል ባላቸው ጥፋቶች ምክንያት ከምዝገባ መሰረዙን አስታውቋል። አማራ ሚዲያ ማዕከል/አሚማ ጥር 9 ቀን 2015 ዓ/ም አዲስ አበባ ሸዋ የኢትዮጵያ ብሔራዊ ምርጫ ቦርድ፤ የኢትዮጵያ ነጻነት ፓርቲ (ኢ.ነ. ፓ) ሚያዝያ 2 ቀን 2014 ዓ.ም. ያካሄደውን ጠቅላላ ጉባዔ በሚመለከት ፓርቲው ከሪፖርት ጋር አያይዞ ያቀረባቸውን ሠነዶች ከሕጉ፣ ከፓርቲው መተዳደሪያ ደንብ እና የቦርዱ ታዛቢዎች ካቀረቡት ሪፖርት አንጻር መርምሮ ውሣኔ አሣልፏል። ቦርዱ ባደረገው ምርመራ ፓርቲው ባካሄደው ጠቅላላ ጉባዔ የፓርቲ አባላት ያልሆኑ በልመና ተግባር የተሠማሩ በአበል ክፍያ በጉባዔው ላይ እንዲሣተፉ አድርጓል። የፓርቲው መተዳደሪያ ደንብ ለጉባዔው ቀርቦ ሳይፀድቅ ፓርቲው ደንቡ ቀርቦ እንደፀደቀ በማስመሰል ለቦርዱ የሰጠውን የተሣሣተ መረጃ መሠረት በማድረግ ፓርቲው ከሐምሌ 13 ቀን 2014 ዓ.ም ጀምሮ መታገዱን መገለጹ ይታወሳል። የምርጫ፣ የፖለቲካ ፓርቲዎች ምዝገባና የምርጫ ሥነ-ምግባር ዐዋጅ ቁጥር 1162/2011 አንቀጽ 98/3/ መሠረት መከላከያውን እንዲያቀርብ ቦርዱ በሐምሌ 14 ቀን 2014 ዓ.ም. በተጻፈ ደብዳቤ ለፓርቲው ማሳወቁን አውስቷል፡፡ ነጻነት እና እኩልነት ፓርቲ በሐምሌ 21 ቀን 2014 ዓ.ም. በጽሑፍ ያቀረበው መከራከሪያ አሳማኝ ሆኖ ባለማግኘቱ እንዳልተቀበለው ቦርዱ አስታውቋል። በዐዋጁ አንቀጽ 98/1(ሠ) መሰረት የፖለቲካ ፓርቲው በማጭበርበር ወይም እያወቀ ወይም ማወቅ የተገባው ሆኖ ሳለ አሣሣች መረጃ በማቅረብ የተመዘገበ ከሆነ ወይም በዐዋጁ መሠረት መረጃ ሲጠየቅ የሐሰት መረጃ ለቦርዱ የሰጠ እንደሆነ ቦርዱ ፓርቲውን ከምዝገባ ሊሠርዝ እንደሚችል በግልጽ ተደንግጓል፡፡ በዚህ መሠረት ቦርዱ ፓርቲው በፈጸማቸው ጥፋቶች ምክንያት ከምዝገባ እንዲሠረዝ መወሠኑን ለፓርቲው በላከው ደብዳቤ አሳውቋል።

Source: Link to the Post

Leave a Reply