You are currently viewing ምክር ቤቱ በሃገር ህልውና እና ሉዐላዊነት ላይ የተደቀነን አደጋ ለመከላከል የወጣውን የአስቸኳይ ጊዜ አዋጅ አጸደቀ። አማራ ሚዲያ ማዕከል/አሚማ  ጥቅምት 25 ቀን 2014 ዓ.ም…

ምክር ቤቱ በሃገር ህልውና እና ሉዐላዊነት ላይ የተደቀነን አደጋ ለመከላከል የወጣውን የአስቸኳይ ጊዜ አዋጅ አጸደቀ። አማራ ሚዲያ ማዕከል/አሚማ ጥቅምት 25 ቀን 2014 ዓ.ም…

ምክር ቤቱ በሃገር ህልውና እና ሉዐላዊነት ላይ የተደቀነን አደጋ ለመከላከል የወጣውን የአስቸኳይ ጊዜ አዋጅ አጸደቀ። አማራ ሚዲያ ማዕከል/አሚማ ጥቅምት 25 ቀን 2014 ዓ.ም አዲስ አበባ ሸዋ 6ኛው የህዝብ ተወካዮች ምክር ቤት በ1ኛ ዓመት የስራ ዘመን 1ኛ መደበኛ ስብሰባው በሃገር ህልውና እና ሉዐላዊነት ላይ የተደቀነን አደጋ ለመከላከል በሚኒስትሮች ም/ቤት የወጣውን የአስቸኳይ ጊዜ አዋጅ አጽድቋል። የረቂቅ አዋጁን አስፈላጊነትና ይዘት በተመለከተ የመንግስት ዋና ተጠሪ ሚኒስትር የተከበሩ አቶ ተስፋዬ ቤልጂጌ አጭር ማብራሪያ አቅርበዋል። በአሁኑ ጊዜ በሀገር ህልውና ላይ የተደቀኑትን አደጋዎች በመደበኛው የህግ ማስከበር ስርዓት ለመቋቋም አዳጋች በመሆኑ የአስቸኳይ ጊዜ አዋጅ ማወጅ እና ተግባራዊ ማድረግ አደጋውን ለመቀልበስ አስፈላጊ ሆኖ መገኘቱን አብራርተዋል፡፡ አዋጁ በመላው ኢትዮጵያ ለቀጣይ 6 ወራት ተፈጻሚ እንደሚሆን ተገልጧል። የምክር ቤቱ አባላት በአዋጁ አስፈላጊነትና በሚወሰዱ እርምጃዎች ላይ ከተወያዩ በኋላ ም/ቤቱ በሕገ-ምንግስቱ አንቀጽ 93(1) ሀ በተሰጠው ስልጣን መሰረት የቀረበለትን ረቂቅ አዋጅ ቁጥር 1264/2014 ሆኖ በአንድ ድምጸ ተዓቅቦ በአብላጫ ድምጽ አጽድቋል። በተጨማሪም የአስቸኳይ ጊዜ አዋጅ አፈጻጸም መርማሪ ቦርድ አባላት ለመሰየም የቀረበው የውሳኔ ሀሳብ ለምክር ቤቱ ቀርቦ ውይይት ከተደረገበት በኋላ በሙሉ ድምጽ ጸድቋል፡፡ በዚህም መሰረት የአስቸኳይ ጊዜ አዋጁን አፈጻጸም የሚመረምር ከም/ቤቱ አባላትና የህግ ባለሙያች የተውጣጣ ቦርድ ያቋቋመ ሲሆን፡- 1. የተከበሩ አቶ ለማ ተሰማ ————— የቦርዱ ሰብሳቢ 2. የተከበሩ ወ/ሮ ወርቀሰሙ ማሞ ———– የቦርዱ ም/ሰብሳቢ 3. የተከበሩ አቶ ሰለሞን ላሌ——————- የቦርዱ አባል 4. የተከበሩ ወ/ሮ ቢፍቲ መሐመድ————- የቦርዱ አባል 5. የተከበሩ አቶ ክርስቲያን ታደለ—————- የቦርዱ አባል 6. ክቡር አቶ ምትኩ ማዳ———————- የቦርዱ አባል 7. ክቡር አቶ ገመቹ በሻዳ———————- የቦርዱ አባል ሆነው እንዲያገለግሉ የቀረቡ ሲሆን ተሽዋሚዎቹም በፌዴራል ጠቅላይ ፍ/ቤት ፕሬዘዳንት ክብርት ወ/ሮ መአዛ አሸናፊ መሪነት ቃለ መሃላ ፈጽመዋል፡፡ ሲል የህዝብ ተወካዮች ም/ቤት በገጹ አስፍሯል።

Source: Link to the Post

Leave a Reply