ምክትል ጠ/ሚ እና የውጭ ጉዳይ ሚኒስትር አቶ ደመቀ መኮንን ከእንግሊዙ የውጭ ጉዳይ ሴክሬተሪ ሚስተር ዶሚኒክ ራብ ጋር ተወያዩ

ምክትል ጠ/ሚ እና የውጭ ጉዳይ ሚኒስትር አቶ ደመቀ መኮንን ከእንግሊዙ የውጭ ጉዳይ ሴክሬተሪ ሚስተር ዶሚኒክ ራብ ጋር ተወያዩ

አዲስ አበባ ፣ ህዳር 17 ፣ 2013 (ኤፍ ቢ ሲ) ምክትል ጠቅላይ ሚኒስትር እና የውጭ ጉዳይ ሚኒስትር አቶ ደመቀ መኮንን በአውሮፓ የስራ ጉዟቸው ከእንግሊዝ የውጭ ጉዳይ ሴክሬተሪ ሚስተር ዶሚኒክ ራብ ጋር ለንደን ላይ ተገኝተው ተወያይተዋል።

ውይይታቸው በወቅታዊ የሃገሪቱ ጉዳይ እና በሁለቱ ሃገሮች መካከል ያለውን የሁለትዮች ግንኙነት የበለጠ ለማጠናከር ያለመ ነው።

ምክትል ጠቅላይ ሚኒስትር እና የውጭ ጉዳይ ሚኒስትር አቶ ደመቀ፤ ኢትዮጵያ የጀመረችው የለውጥ ጉዞ ተስፋ ሰጪ ቢሆንም በወንበዴው የህውሃት ቡድን ሴራ በርካታ ፈተናዎች እንደገጠሙት አስታውሰዋል።

የወንበዴው ህውሃት ቡድን ከነበረው ገደብ ያጣ የስልጣን ፍላጎት እና ከሁሉ በላይ እንደሆነ ዘመን የመሻገር የተንጠራራ ምኞት ሃገሪቱ እና ቀጠናውን ወደ ትርምስ ለመክተት ብዙ በደል መፈፀሙን አስረድተዋል።

በዚህ መሰረት መንግስት በትዕግስት እና በማስተዋል ያለፋቸውን ረጅም ጊዜያት በንቀት በመተርጎም ፈፅሞ በሞራል እና በህግ የማይታለፉ ጥፋቶችን የወንበዴው ቡድን በድፍረት መፈፀም መቀጠሉን ተናግረዋል።

በዚህ መሰረት መንግሥት ህግ የማስከበር እርምጃ ለመውሰድ መገደዱን እና በትግራይ ክልል የተጀመረው ኦፐሬሽን በፍጥነት እና በጥንቃቄ እየተመራ ወሳኝ ምዕራፍ ላይ መድረሱን አመልክተዋል።

የእንግሊዙ የውጭ ጉዳይ ሴክሬታሪ ሚስተር ዶሚኒክ በበኩላቸው ኢትዮጵያ የእንግሊዝ ታሪካዊ አጋር በመሆኗ፤ የሃገሪቱን ሰላም የሚፈትኑ የውስጥ ጉዳዮች እንደ ወዳጅ ሃገር እንደሚያሳስባቸው ገልፀዋል።

መንግሥት በጀመረው ህግ የማስከበር እርምጃ ንፁህና ዜጎች ለችግሩ ተጋላጭ እንዳይሆኑ ተገቢውን ከለላ የሚሰጥበት መንገድ መመቻቸት እንደሚገባው አመልክተዋል።

በዓለምአቀፍ ደረጃ አስቸኳይ የሰብዓዊ ድጋፍ ሰጪ አካላት ነፃ እና አስተማማኝ መንገዶች እንዲያገኙ በመንግሥት በኩል የተጀመረው ጥረት የሚያበረታታ መሆኑን በመጠቆም እንቅስቃሴው እንዲጠናከር ጠይቀዋል።

በቀጣይ ሃገራቱ በተለያዩ የትብብር ማዕቀፎች የጀመሩትን ጠንካራ ግንኙነት ትርጉም~ባለው ደረጃ ለማስቀጠል የጋራ መግባባት መፈጠሩን ከፅ/ቤታቸው ያገፕነው መረጃ ያሳያል ።

The post ምክትል ጠ/ሚ እና የውጭ ጉዳይ ሚኒስትር አቶ ደመቀ መኮንን ከእንግሊዙ የውጭ ጉዳይ ሴክሬተሪ ሚስተር ዶሚኒክ ራብ ጋር ተወያዩ appeared first on Welcome to Fana Broadcasting Corporate S.C.

Source: Link to the Post

Leave a Reply