You are currently viewing ሞረሽ ወገኔ የአማራ ድርጅት (ሞወአድ) ለመላው የክርስትና እምነት ተከታዮች እንኳን ለገና በዓል አደረሳችሁ እያለ በዓሉ የመተሳሰብ፣ የመደጋገፍ እና የወንድማማችነት እንዲሆንላችሁ መልካም ምኞ…

ሞረሽ ወገኔ የአማራ ድርጅት (ሞወአድ) ለመላው የክርስትና እምነት ተከታዮች እንኳን ለገና በዓል አደረሳችሁ እያለ በዓሉ የመተሳሰብ፣ የመደጋገፍ እና የወንድማማችነት እንዲሆንላችሁ መልካም ምኞ…

ሞረሽ ወገኔ የአማራ ድርጅት (ሞወአድ) ለመላው የክርስትና እምነት ተከታዮች እንኳን ለገና በዓል አደረሳችሁ እያለ በዓሉ የመተሳሰብ፣ የመደጋገፍ እና የወንድማማችነት እንዲሆንላችሁ መልካም ምኞቱን ይገልጻል። አማራ ሚዲያ ማዕከል/አሚማ ታህሳስ 28 ቀን 2014 ዓ.ም አዲስ አበባ ሸዋ ሞረሽ ወገኔ የአማራ ድርጅት (ሞወአድ) የአማራ ህዝብ መብት፣ጥቅም እና ፍላጎቱ ይከበር ዘንድ ብሎም ሀገራችን ሁሉም ኢትዮጵያዊያን በአብሮነት፣ በመከባበር እና በእኩልነት የሚኖሩባት እንድትሆን ላለፉት በርካታ ዓመታት የሰራ እና እየሰራም የሚገኝ ሲቪክ ድርጅት ነው። ድርጅቱ ከአፈጣጠራቸው ጀምሮ ጸረ አማራ ብሎም ጸረ ኢትዮጵያ አቋም በመያዝ በንጹሃን ላይ ግልጽ ጦርነት በመክፈት በጅምላ እየጨፈጨፉ ያሉ የትሕነግ እና የኦነግ ቡድኖችን ብቻ ሳይሆን በመንግስት በኩል የሚስተዋሉ ችግሮችን በግልጽ ቋንቋ ለይቶ በማሳየት ለሀገራዊ ለውጥ የድርሻውን እያበረከተ የሚገኝ ነው። ከዚህም ባሻገር በመረጃ የበለጸገ እንዲሆን ብሎም በራሱ ጉዳይ ላይ በሚያገኘው ትክክለኛ መረጃ በመጠቀም ውሳኔ ሰጭ ይሆን ዘንድ ሚዲያ ያለውን ትልቅ አበርክቶት በውል በመገንዘብ የአማራ ድምጽ ራዲዮ (አድራ) እና አማራ ሚዲያ ማዕከል (አሚማ) የተባሉ የመገናኛ አውታሮችን በማቋቋም ላለፉት አምስት እና ስድስት ዓመታት በህዝባዊ ወገንተኝነት በመቆም አቅሙ በፈቀደ መጠን ድምጽ በመሆን አገልግሏል፤ እያገለገለም ይገኛል። ሞረሽ ወገኔ የአማራ ድርጅት (ሞወአድ) ከሌሎች አደረጃጀቶች ጋር በመቀናጀትም ከተለያዩ የኢትዮጵያ አካባቢዎች ለተፈናቀሉ አማራዎች እንደ አለን ካሉ እና ከመሰል የአማራ ማህበራት ስብስብ ጋር በመተባበር ቀድሞ በመድረስ፣ በመደገፍ እና ድጋፉን በበላይነት በማስተባበር የሰብአዊ አገልግሎት በማድረስ መልካም ተግባሩም ይታወቃል። በመጨረሻም ሞረሽ ወገኔ የአማራ ድርጅት (ሞወአድ) የመድሃኒታችን የእየሱስ ክርስቶስ የልደት በዓል የመከባበር፣ የአብሮነትና የመደጋገፍ እንዲሆንላችሁ ሲመኝ የተቋቋመበትና እያከናወነ የመጣው የማህበሩ አላማ እና ግብ እውን ሆኖ ለማየት ከእናንተ ጋር በመተባበር ዛሬም እንደ ትናንቱ አጠናክሮ የሚቀጥልበት መሆኑን በመግለጽ ጭምር ነው።

Source: Link to the Post

Leave a Reply