You are currently viewing ሦስት የፖለቲካ ፓርቲዎች ትብብር ሊመሰርቱ ነው። አማራ ሚዲያ ማዕከል/አሚማ    ታህሳስ 25 ቀን 2015 ዓ/ም          አዲስ አበባ ሸዋ በኢትዮጵያ ፖለቲካ ረዥም ዓመት ተሳትፎ ያለው…

ሦስት የፖለቲካ ፓርቲዎች ትብብር ሊመሰርቱ ነው። አማራ ሚዲያ ማዕከል/አሚማ ታህሳስ 25 ቀን 2015 ዓ/ም አዲስ አበባ ሸዋ በኢትዮጵያ ፖለቲካ ረዥም ዓመት ተሳትፎ ያለው…

ሦስት የፖለቲካ ፓርቲዎች ትብብር ሊመሰርቱ ነው። አማራ ሚዲያ ማዕከል/አሚማ ታህሳስ 25 ቀን 2015 ዓ/ም አዲስ አበባ ሸዋ በኢትዮጵያ ፖለቲካ ረዥም ዓመት ተሳትፎ ያለው ኢሕአፓ፣ እናት ፓርቲ እና መኢአድ ትብብር ለመመስረት መስማማታቸው ተገልጧል። የኢትዮጵያ ሕዝባዊ አቢዮታዊ ፓርቲ (ኢሕአፓ)፣ እናት ፓርቲ እና የመላው ኢትዮጵያ አንድነት ድርጅት(መኢአድ) ትብብር ለመመስረት መስማማታቸውን የገለጹት የእናት ፓርቲ ዋና ጸሐፊ ጌትነት ወርቁ ናቸው፡፡ የፓርቲዎቹ ትብብር አጀንዳን መሰረት ያደረገ መሆኑን የጠቆሙት ጌትነት፤ በሚያስማሟቸው አገራዊ ጉዳዮች ላይ በጋራ ለመሥራት ትብብር መመስረትን እንደ መጀመሪያ አማራጭ መምረጣቸውን ተናግረዋል፡፡ ፓርቲዎች ከቅርብ ጊዜ ወዲህ በተለይ በአገራዊ ጉዳዮች ላይ በጋራ መግለጫዎችን ሲሰጡና፣ አቋማቸውን በጋራ ሲንጸባርቁ ነበር፡፡ የፓርቲዎቹ የጋራ መግጫና በአገራዊ ጉዳዮች ላይ መተባበር፣ ፓርቲዎቹ ትብብር ወደ መመስረት እንዲያመሩ በር ከፍቷል ተብሏል፡፡ መግለጫዎችን በጋራ መስጠትና በአገራዊ ጉዳዮች ላይ በጋራ የመሥራት ሙከራው ፓርቲዎቹ እንዲቀራረቡ ማድረጉን ጌትነት ገልጸዋል፡፡ የፓርቲዎቹ ትብብር በሂደት ወደ ውህደት ሊያመራ እንደሚችል የሚጠበቅ ሲሆን፣ ይህ የሚሆነው በአገራዊ ጉዳዮች ላይ በጋራ ለመስራት የተወጠነው ትብብር ውጤታማ ከሆነ ነው ተብሏል፡፡ የትብብር ውጤቱ ፓርቲዎቹን ወደ ውህደት የማምጣቱ ሁኔታ፣ በሂደት የሚታይ ነገር መሆኑን ጌትነት ጠቁመዋል፡፡ የትብብር ሂደቱ የሚፈጥረው ነገር ላይ ተመስቶ ይመጣል ተብሎ ከሚጠበቀው ውህደት በተጨማሪ፣ ፓርቲዎቹ በቀጣዩ አገራዊ ምርጫ በጋራ ሊሳተፉ እንደሚችሉ ተመላክቷል፡፡ የፓርቲዎቹ ትብብር ወደ ውህደት ካመራ በተባበረ አቅም ጠንካራ ተፎካካሪ ፓርቲ የመሆን እድል ይፈጥራል ተብሎ ይጠበቃል፡፡ እንደ ጌትነት ገለጻ፣ የፓርቲዎቹ ትብብር ከዚህ ቀደም ተመስርተው እንደፈረሱ ትብብሮች ሳይሆን፣ ቀደም ብሎ በአገራዊ ጉዳዮች ላይ በጋራ መስራት የተሞከረ ነው ብለዋል፡፡ ከዚህ በፊት የተጀመረው የፓርቲዎቹ በጋራ የመሥራት ጉዳይ ደረጃውን በጠበቀ ሂደት የሚያድግ እንደሚሆንም ተመላክቷል፡፡ ሦስቱ ፓርቲዎቹ በሚመስርቱት ትብብር ውስጥ እንዲሳተፉ ሌሎች ተፎካካሪ ፖለቲካ ፓርቲዎች የተጋበዙ ቢሆንም፣ ለትብብር የበቁት ሦስቱ ፓርቲዎች ብቻ ናቸው፡፡ አዲስ ማለዳ እንደዘገበው።

Source: Link to the Post

Leave a Reply