You are currently viewing ሰበር ዜና! ለወለጋ ሰማዕታት ዝም አንልም በሚል በጎንደር ዩኒቨርስቲ የተደረገውን የተቃውሞ ሰልፍ አስተባብረዋል የተባሉ ተማሪዎች በሌሊት ታፍነው መወሰዳቸው ተነገረ፤ ይህ የአፈና አካሄድ በአ…

ሰበር ዜና! ለወለጋ ሰማዕታት ዝም አንልም በሚል በጎንደር ዩኒቨርስቲ የተደረገውን የተቃውሞ ሰልፍ አስተባብረዋል የተባሉ ተማሪዎች በሌሊት ታፍነው መወሰዳቸው ተነገረ፤ ይህ የአፈና አካሄድ በአ…

ሰበር ዜና! ለወለጋ ሰማዕታት ዝም አንልም በሚል በጎንደር ዩኒቨርስቲ የተደረገውን የተቃውሞ ሰልፍ አስተባብረዋል የተባሉ ተማሪዎች በሌሊት ታፍነው መወሰዳቸው ተነገረ፤ ይህ የአፈና አካሄድ በአስቸኳይ እንዲቆም ተማሪዎች እየጠየቁ ነው። አማራ ሚዲያ ማዕከል/አሚማ… ሰኔ 20 ቀን 2014 ዓ.ም አዲስ አበባ ሸዋ በኦሮሚያ ክልል ምዕራብ ወለጋ ዞን ጊምቢ ወረዳ በግፍ በጅምላ ለተጨፈጨፉ አማራዎች ዝም አንልም በሚል በጎንደር ዩኒቨርስቲ የተደረገውን ፍጹም ሰላማዊ የሆነ የተቃውሞ ሰልፍን አስተባብረዋል የተባሉ ተማሪዎች በሌሊት ታፍነው እየታሰሩ መሆኑን ለአማራ ሚዲያ ማዕከል (አሚማ) ከስፍራው የደረሰው መረጃ አመልክቷል። የጎንደር ዩኒቨርስቲ ተማሪዎችና መምህራን በአማራ ህዝብ ላይ እየተፈጸመ ያለውን የጅምላ ጭፍጨፋ እንዲቆም የሚጠይቅ ፍጹም ሰላማዊ የሆነ የተቃውሞ ሰልፍ ሰኔ 17/2014 ከጠዋቱ 2 ሰዓት ጀምሮ እስከ 6 ሰዓት ማድረጋቸው ይታወሳል። የጎንደር ዩኒቨርስቲም ፍጹም ሰላማዊ በሆነ መልኩ በወለጋ ለጊምቢ ወረዳ ለቶሌ የአማራ ሰማዕታት ድምጽ መሆናቸውን በመመስከር በይፋዊ የማህበራዊ ትስስር ገጹ ማስፈሩ ይታወቃል። ሀገር እና መሪ አልባ ተደርጎ ዘር ተኮር ፍጅት እየተፈጸመበት ላለው ለሰፊው የአማራ ህዝብ በሰለጠነ መንገድ ድምጽ የሆኑ ተማሪዎች ሊመሰገኑ ሲገባቸው አሁን ላይ በሌሊት እየታፈኑ ወዳልታወቀ ስፍራ መወሰዳቸው እየተገለጸ ነው። ተማሪዎች ለአሚማ እንደሚሉት አፈናውን እየፈጸሙ ያሉት የጎንደር ከተማ ደህንነት እና የጎንደር ዩኒቨርስቲ ደህንነት በቅንጅት ነው። የጎንደር ዩኒቨርስቲው ዲን ተጠይቀው እስኪ የከተማውንና የግቢውን የደህንነት አካላት እንጠይቃለን የሚል ምላሽ ሰጥተዋል ተብሏል። ለእስሩ እንደደራሽ ምክንያት የተጠቀሰው በጎንደር ዩኒቨርስቲ ፋሲል ግቢ ሰኔ 19/2014 ከምሽቱ 4 ሰዓት ላይ ለሰኔ 20/2014 ተማሪዎች ወደ ክፍል እንዳይገቡ የሚቀሰቅስ ወረቀት ተበትኗል የሚለው መሆኑ ተጠቁሟል። ነገር ግን ሰኔ 19/2014 የታፈኑት በፋሲል እና በማራኪ እስካሁን የታወቁት 4 ተማሪዎች አብዛኞቹ ከቤተ መጽሃፍት ቆይተው ከሌሊቱ 9 ሰዓት ሲወጡ ከየበሩ ተጠብቀው ቆይተው መታፈናቸውን ምንጮች ይናገራሉ። እነዚህ የታፈኑት ተማሪዎች አብዛኞቹ በሰልፉ ላይ የተናገሩ እና በሚዲያ መልዕክት ያስተላለፉ በመሆናቸው ለምን ተናገሩ ከሚል እሳቤ ስለመያዛቸው ይገልጻሉ። ተበተነ የተባለው ወረቀትም ማን እንደበተነው አልታወቀም፤ ምን አልባትም እስሩን ለመፈጸም የተቀነባበረም ላለመሆኑም እርግጠኛ አይደለንም ብለዋል ተማሪዎቹ። ይህ የአፈና አካሄድ በአስቸኳይ እንዲቆምም ተማሪዎች እየጠየቁ ነው። በዚህም መሰረት እስካሁን ታፍነው ወዳልታወቀ ስፍራ የተወሰዱ 4 ተማሪዎች:_ (1) ከፋሲል ካምፓስ _2 1) ኤርሚያስ ጥጋቤ እና 2) ድረስ የተባሉ ተማሪዎች ታፍነው ተወስደዋል። (2) ከማራኪ ግቢ_2 3) መኳንንት ሙላት እና 4) ሰምረአብ አየለ_አይነ ስውር ነው፤ በሰልፉ ላይ ከሁሉም በመጀመሪያ ንግግሩ ማድጉ ተገልጧል። መሆኑ ተሰምቷል። መኳንንት እና ኤርሚያስ በፖሊስ ድብደባ የተፈጸመባቸው መሆኑም ታውቋል። ከኤርሚያስ ጥጋቤ በተጨማሪ መኳንንት ሙላት እና ሰምረአብ አየለ የአተማ አመራሮች መሆናቸው ተገልጧል።

Source: Link to the Post

Leave a Reply