You are currently viewing ሰበር ዜና!  በህወሓት መራሹ የኢህአዴግ መንግስት በተደጋጋሚ ለከፍተኛ እስር እና እንግልት የተዳረገው መ/ር ደህናሁን ቤዛ ንጋት ላይ ባ/ዳር ከመኖሪያ ቤቱ በፖሊሶች ታስሮ ወዳልታወቀ ስፍራ…

ሰበር ዜና! በህወሓት መራሹ የኢህአዴግ መንግስት በተደጋጋሚ ለከፍተኛ እስር እና እንግልት የተዳረገው መ/ር ደህናሁን ቤዛ ንጋት ላይ ባ/ዳር ከመኖሪያ ቤቱ በፖሊሶች ታስሮ ወዳልታወቀ ስፍራ…

ሰበር ዜና! በህወሓት መራሹ የኢህአዴግ መንግስት በተደጋጋሚ ለከፍተኛ እስር እና እንግልት የተዳረገው መ/ር ደህናሁን ቤዛ ንጋት ላይ ባ/ዳር ከመኖሪያ ቤቱ በፖሊሶች ታስሮ ወዳልታወቀ ስፍራ ተወሰደ፤ ቤተሰቦችም ደህናሁንን ወደየት እንደወሰዱት አልተነገራቸውም። አማራ ሚዲያ ማዕከል/አሚማ… ጥቅምት 24 ቀን 2015 ዓ.ም አዲስ አበባ ሸዋ መ/ር ደህናሁን ቤዛ በባህር ዳር ከተማ ቀበሌ 16 ከመኖሪያ ቤቱ እያለ በ1 ሲቪል እና በ6 ፖሊሶች ጥቅምት 24/2015 ከንጋቱ 12 ሰዓት አካባቢ አስረው ወዳልታወቀ ስፍራ የወሰዱት መሆኑን አማራ ሚዲያ ማዕከል (አሚማ) ከቤተሰብ ካገኘው መረጃ አረጋግጧል። ከህወሓት የዓመታት የእስር እንግልት በኋላ ከተፈታበት ጊዜ ጀምሮ በአማራ ብሔራዊ ንቅናቄ (አብን) ከዚህ በተጨማሪም የህወሓት ተከታታይ ወረራን ተከትሎም በአማራ ህዝባዊ ኃይል (ፋኖ) አደረጃጀት ውስጥ የነቃ ተሳትፎ በማድረግ በአማራው ትግል ላይ የድርሻውን እያበረከተ የሚገኘው መ/ር ደህናሁን ቤዛ በዚህ የትግል እንቅስቃሴው የማይደሰቱ የአማራ ክልል እና የፌደራል መንግስት አካላት በህግ ማስከበር ስም በፋኖ ላይ የከፈቱትን ዘመቻ ተከትሎ ለወራት ሲያሳድዱት እንደነበር ይታወቃል። ይህን ተከትሎም ከመምህርት ስራው ለወራት ታግዶ ከቆዬ በኋላ በቅርቡ ወደ ስራው የተመለሰው ደህናሁን ጥቅምት 24/2015 ከመኖሪያ ቤቱ እያለ ከአንድ ለጊዜው ስሙ ካልታወቀ ወጣት ልጅ ጋር አፍነው ወዳልታወቀ ስፍራ ወስደውታል። ፖሊሶቹ ቤቱን ያለምንም የመበርበሪያ ትዕዛዝ በመፈተሽ አንድ ህጋዊ ሽጉጥ፣ላብቶፕ፣ የእጅ ስልኩንና ሌሎች ሰነዶችን እንደወሰዱበት ለማወቅ ተችሏል። በመቀጠልም ከግማሽ ሰዓት ቆይታ በኋላ መልሰው ወደ ቤቱ በማምጣት የመቀየሪያ ልብስ አሲዘው እንደወሰዱት፣ የት ነው የምትወስዱት ብለው ሲጠይቁም ግቡ ወደ ቤት በማለት እንዳስፈራሯቸው ከቤተሰብ የተገኘ መረጃ አመልክቷል። አሁን ላይ ቤተሰቦቹ በባህር ዳር ከተማ ከጣቢያ ጣቢያ እየተዟዟሩ እየፈለጉ ቢሆንም ይህ ዜና እስከተጠናቀረበት ጊዜ ድረስ የት እንደታሰረ አድራሻውን ለማወቅ እንዳልቻሉ ተናግረዋል። ህወሓት መራሹን የኢህአዴግ መንግስት እንደ ሀገር በተለይም የአማራን ህዝብ በጠላትነት በመፈረጅ የጅምላ የዘር ፍጅት፣ አፈና፣እስር እና መፈናቀል ሲፈጽምበት ዳር ቆሞ ለመመልከት ህሊናው ያልፈቀደለት መ/ር ደህናሁን ቤዛ ከፍተኛ ትግል በማድረግ ይታወቃል። ይህን በአማራ ህዝብ ላይ የሚደርሰውን ኢኮኖሚያዊ፣ ማህበራዊ እና ፖለቲካዊ ዘርፈ ብዙ ችግርን በመወቃወም በተለያዩ አደረጃጀቶች ውስጥ በመሳተፍ የሚታወቀውን ደህናሁን ቤዛን ለዓመታት በክልል እና በፌደራል እስር ቤታቸው በማሰር ብዙ ግፍ እንደፈጸሙበት አይዘነጋም። መንግስት በፋኖ እና በሌሎች ለአማራ ህዝብ በሚታገሉ ወገኖች ላይ በተለያዩ ጊዜያት እየፈጸመ ያለውን ግድያ፣እስር፣ ወከባ እና ማሳደድ እንዲያቆም በየጊዜው እየተጠየቀ ስለመሆኑ ግልጽ ነው።

Source: Link to the Post

Leave a Reply