You are currently viewing ሰበር ዜና! በምስራቅ ወለጋ አንገር ጉቴ ከተማ  በህግ ጥላ ስር ከዋሉ እስረኞች መካከል በርካቶች መረሸናቸው ተሰማ! ታሕሳስ 20 ቀን 2015 ዓ.ም… አሻራ ሚዲያ ፣  የኦሮሚያ ክልል ልዩ…

ሰበር ዜና! በምስራቅ ወለጋ አንገር ጉቴ ከተማ በህግ ጥላ ስር ከዋሉ እስረኞች መካከል በርካቶች መረሸናቸው ተሰማ! ታሕሳስ 20 ቀን 2015 ዓ.ም… አሻራ ሚዲያ ፣ የኦሮሚያ ክልል ልዩ…

ሰበር ዜና! በምስራቅ ወለጋ አንገር ጉቴ ከተማ በህግ ጥላ ስር ከዋሉ እስረኞች መካከል በርካቶች መረሸናቸው ተሰማ! ታሕሳስ 20 ቀን 2015 ዓ.ም… አሻራ ሚዲያ ፣ የኦሮሚያ ክልል ልዩ ኃይሎች ህዳር 24/2015 ዓ/ም በምስራቅ ወለጋ ዞን አንገር ጉቴ ከተማ ነዋሪዎች ላይ ከፍተውት በነበረው ጥቃት ህዝቡ እራሱን እንዲከላከል አስተባብራችኋል በሚል ተጠርጥረው ከታሰሩት መካከል ቁጥራቸው በውል ያልታወቁ በርካታ እስረኞች ከታሰሩበት ፖሊስ ጣቢያ እንዲወጡ ተደርገው መረሸናቸውን ስማቸውን መጥቀስ ያልፈለጉ በአከባቢው ህግ ለማስከበር የተሰማሩ የፀጥታ አካላት ለአማራ ድምፅ ገለፁ። የኦሮሚያ ክልሉ ፀጥታ ኃይሎች ህዳር 24/2015 ዓ/ም ከማለዳው 12 ሰዓት ጀምሮ በምስራቅ ወለጋ አንገር ጉቴ ከተማ እና በአጎራባች ቀበሌዎች የሚኖሩ የአማራ ተወላጆች ላይ በከፈቱት ተኩስ ከ20 በላይ ሰዎች ሲገደሉ በርካቶች ደግሞ መቁሰላቸውን የአማራ ድምፅ መዘገቡ ይታወሳል። ህዳር 24 አመሻሹን የሀገር መከላከያ ሰራዊት ወደ አከባቢው ተሰማርቶ የተከፈተውን ተኩስ ማረጋጋት የቻለ ቢሆንም ነገር ግን ወደ ፀጥታ አካላቱ ላይ ተኩሳችኋል በሚል የአማራ ተወላጅ የሆኑ የከተማዋ ነዋሪዎ ላይ የእስር ዘመቻ መጀመሩ ነው የተመላከተው። የክልሉ ፀጥታ ኃይሎች ከመከላከያ ሰራዊት ጋር በመቀናጀት በአንገር ጉቴ ከተማ እና በአጎራባች ባሉ ቀበሌዎች ላይ ቤት ለቤት እየዞሩ የሚያገኟቸውን ወጣቶችን እና ጎልማሶችን እናንተ ህዝቡን እራስህን ተከላከል እያላችሁ ስታደራጁ ነበር በሚል 70 የሚደርሱ የአማራ ተወላጆችን እንዳሰሩ የአማራ ድምፅ ሚድያ የታሳሪ ቤተሰቦችን ዋቢ በማድረግ መዘገቡ አይዘነጋም። ህዝቡ እራሱን እንዲከላከል ስትቀሰቅሱ እና ስታደራጁ ነበር በሚል ተጠርጥረው በከተማዋ በሚገኝ ፖሊስ ጣቢያ ከታሰሩት 70 የሚደርሱ የአማራ ተወላጆች መካከል ቁጥራቸው በውል ያልታወቁ እስረኞች በልዩ ኃይሉ ተመርጠው ከፖሊስ ጣቢያው ከወጡ ቦኋላ መረሸናቸውን ነው ስማቸውን መግለፅ ያልፈለጉ በአከባቢው ፀጥታ ለማስከበር የተሰማሩ የመከላከያ ሰራዊት አባላት ለአማራ ድምፅ ያረጋገጡት። እንዴት በህግ ጥላ ስር የዋሉ ሰዎች ይረሸናሉ በሚል ከመከላከያ ሰራዊት አባላቱ መካከል ጥያቄ ያነሱ መኖራቸውን የጠቆሙት ምንጮቻችን፡ ነገር ግን በአስቸኳይ ትጥቅ እንዲፈቱ ከተደረጉ ቦኋላ ታፍነው ተወስደው የደረሱበት አልታወቀም ሲሉ ተናግረዋል። በተጨማሪም በአንገር ጉቴ ከተማና በአጎራባች ቀበሌዎች የሚገኙ ህዝብን ያነቃሉ፣ያደራጃሉ በሚል የሚጠረጠሩ የአማራ ተወላጆችን በቁጥጥር ስር በማዋል ለልዩ ኃይሉ ታስረክባላችሁ ከዚህ ውጭ ምንም አይነት ጥያቄ ማንሳት አትችሉም የሚል ትዕዛዝ ከበላይ አካል እንደተሰጣቸውም ስማቸው ያልተገለፀ ሌላኛው የመከላከያ ሰራዊት አባል ለአማራ ድምፅ ገልፀዋል። ከኛ ውስጥ ለኦነግ ሸኔ በሚሰሩ አዛዦች እና በዞኑ የፀጥታ አመራሮች አማካኝነት የተጣለብንን ሀገራዊ ግዴታ በትክክል እንዳንወጣ ታግደናል ያሉት የሰራዊት አባላቱ፡ የፌደራሉ መንግስት ይህን ጉዳይ በጥልቀት ገምግሞ የእርምት እርምጃ እንዲወስድ ጥሪ አስተላልፈዋል። በ ጌትነት አሻግሬ መረጃውን ያደረሰን አማራ ድምፅ ነው “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply