You are currently viewing ሰበር ዜና! በምዕራብ ወለጋ ባቦ ገምቤል ወረዳ ያሉ አማራዎች የኦነግ ሸኔ የሽብር ቡድን በቅርብ ርቀት ያለውን የቆንዳላ ወረዳ ከተማን መቆጣጠሩን ተከትሎ መንግስት አስፈላጊውን ጥበቃ እንዲያደ…

ሰበር ዜና! በምዕራብ ወለጋ ባቦ ገምቤል ወረዳ ያሉ አማራዎች የኦነግ ሸኔ የሽብር ቡድን በቅርብ ርቀት ያለውን የቆንዳላ ወረዳ ከተማን መቆጣጠሩን ተከትሎ መንግስት አስፈላጊውን ጥበቃ እንዲያደ…

ሰበር ዜና! በምዕራብ ወለጋ ባቦ ገምቤል ወረዳ ያሉ አማራዎች የኦነግ ሸኔ የሽብር ቡድን በቅርብ ርቀት ያለውን የቆንዳላ ወረዳ ከተማን መቆጣጠሩን ተከትሎ መንግስት አስፈላጊውን ጥበቃ እንዲያደርግላቸው ጠየቁ። አማራ ሚዲያ ማዕከል/አሚማ… ነሀሴ 9 ቀን 2013 ዓ.ም አዲስ አበባ ሸዋ በምዕራብ ወለጋ ዞን ባቦ ገምቤል ወረዳ የሚኖሩ አማራዎች ከሰሞኑ የኦነግ ሸኔ የሽብር ቡድን አዋሳኝ በሆነው በመነሲቡ/መንዲ ወረዳ ያለምንም ተኩስ አቋርጦ ወደ ወረዳው ለመግባት ያደረገውን እንቅስቃሴና በቡድን መሳሪያ ከርቀት ያደረገውን ተኩስ ተከትሎ መንግስት እንዲደርስላቸው ጥሪ ማድረጋቸው ይታወሳል። ይህን ተከትሎም የባቦ ገምቤል ወረዳ ያለውን የኦሮሚያ ልዩ ኃይል፣ሚሊሻና ፖሊሶችን ወደ መንዲ ወረዳ አዋሳኝ በማስጠጋት ሲከላከል ቆይቷል። ይሁን እንጅ ከነሀሴ 8 ቀን 2013 ጀምሮ አሸባሪው ኦነግ ሸኔ በሌላኛው አዋሳኝ በቆንዳላ ወረዳ አሽንፋን፣ በዛሬው እለት ነሀሴ 9 ቀን 2013 ከጠዋቱ 3 ሰዓት ጀምሮ ደግሞ የቆንዳላ ከተማን በተኩስ መቆጣጠሩን የዐይን እማኞች ለአሚማ ገልፀዋል። የሽብር ቡድኑ በተጨማሪም በመነሲቡ ወረዳ ዋማ እና ጫላ አካባቢም መግባቱን ሰምተናል፤ የመነሲቡ ወረዳም አሳልፎ እየሰደደ ነው ሲሉ ወቅሰዋል። የቦኒ ቀበሌ ነዋሪዎች በመልዕክታቸው የኦሮሚያ ክልል፣ የአማራ እና የፌደራል መንግስት አስፈላጊውን የፀጥታ አካላት ስምሪት በማድረግ ኃላፊነታቸውን እንዲወጡ፣ ከታቀደው ጥቃትም እንዲታደጓቸው ጠይቀዋል። የቆንዳላ ከተማን በመያዝ በአካባቢው ከፍተኛ የተኩስ ልውውጥ እየተደረገ መሆኑንና አዋሳኝ ለሆነው ለባቦ ገምቤል ወረዳ በተለይም በወርሃ መጋቢት 20 እና 21 ቀን 2013 በአማራዎች ላይ ከፍተኛ ጭፍጨፋ ለተፈፀመባት ለቦኒ ቀበሌ አቅራብ በመሆኑ ስጋት አለን ያሉት የወረዳው ዋና አስተዳዳሪ አቶ ጌቱ ናቸው። ለክልል እና ለዞን ስለሁኔታው ማሳወቃቸውን የተናገሩት አቶ ጌቱ የሚመለከተው የፌደራልም ሆነ ሌላ አካል እጁን አስገብቶ ህዝብን የመታደግ ስራ እንዲሰራ ሲሉ ጥሪ አድርገዋል። አማራ ሚዲያ ማዕከል የጉዳዩን አሳሳቢነት በመገንዘብ ለኦሮሚያ እና በአዲስ አበባ ለፌድራል ፖሊስ እንዲሁም ለአማራ ክልል ሰላምና ደህንነት አመራር ጭምር የአማራዎችን ምላሽ የሚፈልግ ጥሪን ማስተላለፉን ለመግለፅ ይወዳል።

Source: Link to the Post

Leave a Reply