You are currently viewing ሰበር ዜና! በአካል ብቃት እንቅስቃሴ ላይ የነበሩ 20 የደቡብ ወሎ ፋኖ አባላትና አስተባባሪዎች በተንታ አጅባር ታሰሩ፤ ህዝብን ከአሸባሪ እና ወራሪ እየታደጉ ያሉ ወጣቶች በአስቸኳይ እንዲፈቱ…

ሰበር ዜና! በአካል ብቃት እንቅስቃሴ ላይ የነበሩ 20 የደቡብ ወሎ ፋኖ አባላትና አስተባባሪዎች በተንታ አጅባር ታሰሩ፤ ህዝብን ከአሸባሪ እና ወራሪ እየታደጉ ያሉ ወጣቶች በአስቸኳይ እንዲፈቱ…

ሰበር ዜና! በአካል ብቃት እንቅስቃሴ ላይ የነበሩ 20 የደቡብ ወሎ ፋኖ አባላትና አስተባባሪዎች በተንታ አጅባር ታሰሩ፤ ህዝብን ከአሸባሪ እና ወራሪ እየታደጉ ያሉ ወጣቶች በአስቸኳይ እንዲፈቱም ተጠይቋል። አማራ ሚዲያ ማዕከል/አሚማ… የካቲት 17 ቀን 2014 ዓ.ም አዲስ አበባ ሸዋ በአካል ብቃት እንቅስቃሴ ላይ የነበሩ 20 በላይ የደቡብ ወሎ ፋኖ አባላት እና አስተባባሪዎች በተንታ አጅባር በፖሊስ እና በሚሊሾች መታሰራቸውን የደቡብ ወሎ ፋኖ አስተባባሪ ኤርሚያስ አያሌው ገልጸዋል፤ ህዝብን ከአሸባሪ እና ወራሪ እየታደጉ ያሉ ወጣቶች በአስቸኳይ እንዲፈቱም ጠይቀዋል። እስሩ የተፈጸመው የካቲት 17 ቀን 2014 ከንጋቱ 12 ሰዓት ተኩል ላይ መሆኑን ለማወቅ ተችሏል። በአካል ብቃት እንቅስቃሴ ላይ ከነበሩ ከ300 ሰልጣኞች መካከል የተንታ ፋኖዎችን ያስተባብራሉ ያሏቸውን ለይተው ማሰራቸውን የገለጹት ፋኖ ኤርሚያስ ይህ ነገር በዋናነት በፖሊስ እና በሚሊሾች እንዲፈጸም ትዕዛዝ የሰጡትም የተንታ ወረዳ አስተዳዳሪ እና የወረዳው የጸጥታ ዘርፍ ኃላፊ ስለመሆናቸው ገልጸዋል። ፖሊስ እና ሚሊሾችም ወጣቶቹ የአካል ብቃት እንቅስቃሴ በሚሰራበት አካባቢ ቀድመው በሌሊት በመሄድ ምሽግ ሁሉ ሰርተው በመጠበቅ ነው “እጅ ስጡ” በማለት በቁጥጥር ስር ያዋሏቸው ተብሏል። ከታሰሩት የደቡብ ወሎ ፋኖ በተንታ አስተባባሪዎች መካከል አምሳ አለቃ ስንታየሁ እና ፋኖ ዳውድ ይገኙበታል። የተንታ ወረዳ ከአሁን ቀደምም በተመሳሳይ መልኩ ሰልጣኝ ፋኖዎችን ማሰሩን ተከትሎ ከደቡብ ወሎ ፋኖ አመራሮች ጋር በመነጋገር መፍታቱ ተገልጧል። ይሁን እንጅ አሁንም ተመሳሳይ ጥፋትን እየደገመ መሆኑ ተነግሯል። ፋኖ የአማራን ህዝብ ከገጠመው የህልውና አደጋ ለመታደግ ብሎም ኢትዮጵያን እንደ ሀገር ከማስቀጠል ውጭ የተለዬ አላማ እንደሌለው በተደጋጋሚ እየተነገረ ቢሆንም በአንዳንድ ወረዳዎች ያሉ የብልጽግና ካድሪዎች ግን ይህንን እውነታ ባለመቀበል ከበላይ ታዘናል በማለት ሂደቱን እያደናቀፉ ስለመሆኑ ብዙዎች ይናገራሉ። በተንታ ወረዳ የብልጽግና ጽ/ቤት ኃላፊ አቶ አበበ አሚማ ያቀረበላቸውን ጥያቄ ካደመጡ በኋላ ምላሽ ለመስጠት ባለመፈለግ ስልካቸውን ዘግተዋል፤ ደግመን ስንደውልላቸውም የሚጠራ ስልካቸውን ለማንሳት አልፈቀዱም። የተንታ ወረዳ የአስተዳዳር ጸጥታ ዘርፍ ኃላፊ አቶ አብዱ ሰይድ የሚጠራ ስልካቸውን ለማንሳትና ምላሽ ለመስጠት አልፈቀዱም። የደቡብ ወሎ፣የኮምቦልቻ እና የደሴ ፋኖዎች ተዋህደው ለመስራት ስምምነት ላይ መድረሳቸው ይታወሳል። የአማራ ህዝባዊ ኃይል (ፋኖ) አባላትንም ከሰሞኑ በዳንግላ፣በቲሊሊ እና በእንጅባራ ማሳደዱና ማሰሩም ተጠናክሮ መቀጠሉን አሚማ መዘገቡ ይታወሳል። ሙሉ ቆይታችንን በአሚማ የዩቱብ አድራሻ ይጠብቁ።

Source: Link to the Post

Leave a Reply