You are currently viewing ሰበር ዜና! በአዲስ አበባ በሚያዝያ 23 የአጸደ ህጻናት እና የመጀመሪያ ደረጃ ት/ቤት ውስጥ የኦሮሚያ ክልል ባንዴራን በኃይል ለመስቀል የተደረገ ሙከራን ተከትሎ ግጭት ተከስቶ እንደነበር ተገ…

ሰበር ዜና! በአዲስ አበባ በሚያዝያ 23 የአጸደ ህጻናት እና የመጀመሪያ ደረጃ ት/ቤት ውስጥ የኦሮሚያ ክልል ባንዴራን በኃይል ለመስቀል የተደረገ ሙከራን ተከትሎ ግጭት ተከስቶ እንደነበር ተገ…

ሰበር ዜና! በአዲስ አበባ በሚያዝያ 23 የአጸደ ህጻናት እና የመጀመሪያ ደረጃ ት/ቤት ውስጥ የኦሮሚያ ክልል ባንዴራን በኃይል ለመስቀል የተደረገ ሙከራን ተከትሎ ግጭት ተከስቶ እንደነበር ተገለጸ። አማራ ሚዲያ ማዕከል/አሚማ… ሰኔ 15 ቀን 2014 ዓ.ም አዲስ አበባ ሸዋ የሚያዝያ 23 የአጸደ ህጻናት እና የመጀመሪያ ደረጃ ት/ቤት በአዲስ አበባ የካ ክ/ከተማ ፈረንሳይ ለጋሲዮን ከሚገኙ ት/ቤቶች መካከል አንዱ ነው። በት/ቤቱ ከጠዋቱ 2:05 ላይ ሰልፍ ይጀመራል፤ በመቀጠልም በአንዳንድ ተማሪዎች እስከ 2:25 ድረስ በሚኒ ሚዲያ አዝናኝ እና አስተማሪ አጫጭር ዝግጅቶች ይቀርባሉ፤ በ5 ደቂቃ ውስጥ የኢትዮጵያ ብሄራዊ መዝሙር ይዘመራል፤ ከዛም ተማሪዎቹ ወደ ክፍል ይገቡና ልክ 2:30 ላይ ትምህርት መጀመር የተለመደ ተግባር ነው። ይሁን እንጅ ቀድሞ የታቀደ ነገር እንዳለ ግንዛቤ የተያዘ ይመስል በት/ቤቱ በተለመደው ስነ ስርዓት ከመቀጠል ይልቅ ሰኔ 15/2014 ከጠዋቱ 2:25 ላይ ተማሪዎችን እንዲሰለፉ እና የኢትዮጵያ ብሄራዊ መዝሙርን እንዲዘምሩ በማድረግ ወደ ክፍል እንዲገቡ ተደርጓል። ከትንሽ ቆይታ በኋላ ጫጫታ ተሰምቷል፤ ምንድን ነው በሚል መምህራን እና ተማሪዎች ከየክፍላቸው ሲወጡም የኦሮሚያ ክልል ባንዴራን የሚሰቅሉ እና ይውረድ በሚሉ ተማሪዎች መካከል መጠነኛ ግጭትና ድንጋይ መወራወር እንደነበር፣ በዚህም የተጎዱ ተማሪዎች ስለመኖራቸው የአማራ ሚዲያ ማዕከል (አሚማ) ምንጮች ከስፍራው አረጋግጠዋል። በአዲስ አበባ ከተማ የካ ክ/ከተማ ፈረንሳይ ለጋሲዎን በሚገኘው በዚሁ ት/ቤት በኃይል የክልል ሰንደቅ አላማ እንሰቅላለን በሚል ተልዕኮ ይዘው ሲንቀሳቀሱ ነበሩ ያሏቸው በርካታ የኦሮሞ መምህራን እና ተማሪዎችን ነው። የትምህርት ቤቱ ተማሪዎችም ከክፍላቸው በመውጣት በግቢው ውስጥ የተሰቀለውን የአንድ ክልል ባንዴራ በማውረድ ወደ ትምህርታቸው ሊመለሱ ሲሉ በድጋሜ ባንዴራ እንዲሰቀል በመደረጉ ተማሪዎቹ ተመልሰው የመስቀያ እንጨቱን ሰባብረው በመጣል እንደገና ወደ ትምህርት ገበታቸው ተመልሰዋል ተብሏል። የተማሪ ወላጆችም በመደናገጥ ወደ አካባቢው አቅንተው ነበር፤ በማረጋጋት ላይ በነበሩ ፖሊሶች አማካኝነት “ሰላም ነው” በሚል ወደየቤታቸው እንዲመለሱ ተደርጓል። የሚያዝያ 23 የአጸደ ህጻናት እና የመጀመሪያ ደረጃ ት/ቤት ርዕሰ መምህር ወ/ሮ ህይወት ወልደ መስቀልን ለማግኘት ያደረግነው ሙከራ ስልካቸው ባለመስራቱ ለጊዜው ሀሳባቸውን ለማካተት አልተቻለም። በነገው እለትም በዚህ የረብሻ መንገድ ሊቀጥሉ እና ትምህርቱን ሊያስተጓጉሉ እንደሚችሉ መረጃው እየደረሰን ነው የሚሉት የአሚማ ምንጮች ለነገሩ በአስቸኳይ ትኩረት ሊሰጠው ይገባል ሲሉ አሳስበዋል። የፊታችን ሰኞ ፈተና እንደሚጀምር በመጠቆም ይህ የኃይል እና የረብሻ አካሄድ በተማሪዎች ውጤት ላይ ከፍተኛ ጫና ስለሚያሳድር ፈጣን መፍትሄ ያስፈልገዋል ነው ያሉት። ከቅርብ ጊዜ ወዲህ በአዲስ አበባ የተለያዩ ት/ቤቶች ባልተለመደ መልኩ በኃይል የኦሮሚያ ክልል ሰንደቅ አላማ መሰቀል አለበት በሚሉ እንዲሁም የክልሉን መዝሙርም ዘምሩ እያሉ በሚያስገድዱ አካላት እንቅስቃሴ በመምህራንና ተማሪዎች የመማር ማስተማር ሂደት ላይ ከፍተኛ ጫና እየተፈጠረ ስለመሆኑ እየተገለጸ ነው። የተለያዩ የፖለቲካ ፓርቲዎች፣ ሌሎች አደረጃጀቶችና ተሰሚነት ያላቸው ግለሰቦች ጭምር አካሄዱን እያወገዙት ይገኛሉ።

Source: Link to the Post

Leave a Reply