You are currently viewing ሰበር ዜና! በኪረሙ ወረዳ የክልሉ ልዩ ኃይሎች በድጋሚ ተኩስ መከፈታቸው ተሰማ! ጥር 3 ቀን 2015 ዓ.ም… አሻራ ሚዲያ ፣ በኦሮሚያ ክልል ምስራቅ ወለጋ ዞን ኪረሙ ወረዳ ልዩ ስሙ ሀሮ…

ሰበር ዜና! በኪረሙ ወረዳ የክልሉ ልዩ ኃይሎች በድጋሚ ተኩስ መከፈታቸው ተሰማ! ጥር 3 ቀን 2015 ዓ.ም… አሻራ ሚዲያ ፣ በኦሮሚያ ክልል ምስራቅ ወለጋ ዞን ኪረሙ ወረዳ ልዩ ስሙ ሀሮ…

ሰበር ዜና! በኪረሙ ወረዳ የክልሉ ልዩ ኃይሎች በድጋሚ ተኩስ መከፈታቸው ተሰማ! ጥር 3 ቀን 2015 ዓ.ም… አሻራ ሚዲያ ፣ በኦሮሚያ ክልል ምስራቅ ወለጋ ዞን ኪረሙ ወረዳ ልዩ ስሙ ሀሮ አዲስአለም ቀበሌ የክልሉ ፀጥታ ኃይሎች ዛሬ ጥር 03/2015 ዓ/ም በአማራ ተወላጆች ላይ ተኩስ መክፈታቸውን የአማራ ድምፅ ማረጋገጥ ችሏል። የክልሉ ልዩ ኃይሎች ዛሬ ጥር 03/2015 ዓ/ም ከረፋዱ ሦስት ሰዓት ገደማ ጀምሮ በሀሮ አዲስ አለም ቀበሌ ተጠልለው በሚገኙ ተፈናቃዮች ላይ በቡድን መሣሪያ ጭምር በመታገዝ ተኩስ መክፈታቸውን ነው ህይወታቸውን ለማትረፍ እየሸሹ ያሉ ሰዎች ለአማራ ድምፅ የገለፁት። ከኪረሙ ከተማ እና ከሌሎች የወረዳው ቀበሌዎች በተለያየ ግዜ ከተፈፀመባቸው ጥቃት ተርፈው በሀሮ አዲስአለም ቀበሌ ተጠልለው የነበሩ ከ60 ሺ በላይ ተፈናቃዮች ላይ ታህሳስ 14/2015 ዓ/ም የክልሉ ልዩ ኃይሎች ከማለዳው ጀምሮ በከፈቱት ተኩስ ከ30 በላይ ህፃናት፣ሴቶች እና አረጋውያን መገደላቸውን የአማራ ድምፅ መዘገቡ አይዘነጋም። በእለቱም የክልሉ ልዩ ኃይሎች በሀሮ አዲስአለም ቀበሌ ከበባ በማድረግ በከፈቱት ተኩስ ከ30 በላይ የአማራ ተወላጆችን ከገደሉ ቦኋላ አመሻሹን የወረዳው ዋና መቀመጫ ወደ ሆነችው ኪረሙ ከተማ ተመልሰው የአማራ ተወላጅ ንብረት የሆኑ መኖሪያ ቤቶችን በእሳት ሲያቃጥሉ መሰንበታቸውንም የአማራ ድምፅ በስፍራው የሚገኙ የአይን እማኞችን ዋቢ በማድረግ መዘገቡ ይታወሳል። ታህሳስ 14/2015 ዓ/ም ከተከፈተባቸው ተኩስ አቅም አግኝተው ህይወታቸውን ለማትረፍ ወደ ጫካ ሸሽተው የነበሩት ተፈናቃዮች ከቀናት ቦኋላ ወደ መጠለያ ጣቢያቸው ሲሰባሰቡ ሰንብተዋል። ከባለፈው ጥቃት ተርፈው ዳግም ወደ መጠለያ ጣቢያቸው በተሰባሰቡ ተፈናቃዮች ላይ ነው የክልሉ ፀጥታ ኃይሎች ዛሬ ጥር 03/2015 ዓ/ም ከረፋዱ ሦስት ሰዓት ገደማ ጀምሮ በቡድን መሳሪያ ጭምር በመታገዝ ተኩስ የከፈቱት። በቁጥር ደረጃ ምን ያህል እንደሆነ ማወቅ ባንችልም ከረፋዱ ጀምሮ በተከፈተብን ተኩስ በርካታ ህፃናት፣ሴቶች እና አዛውንቶች ቆስለዋል ሲሉ ለአማራ ድምፅ የገለፁት ተፈናቃዮቹ፡ የቻሉ ህይወታቸውን ልማትረፍ እግር ወዳመራቸው እየሸሹ ነው ብለዋል። ሀሮ አዲስ አለም ቀበሌን ጨምሮ ኪረሙ ወረዳን ከአጎራባች ወረዳዎች የሚያገናኙ መንገዶች በክልሉ ልዩ ኃይሎች እና በኦነግ ሸኔ ታጣቂዎች ተዘግተዋል የሚሉት የአማራ ተወላጆቹ፡ የሚመለከተው አካል በአስቸኳይ እንዲታደጋቸው ተማፅኖ አቅርበዋል። ዘገባው የአማራ ድምፅ ነው ። “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply