You are currently viewing ሰበር ዜና በኮልፌ ቀራኒዮ ክፍለ ከተማ ያለ ምንም ማስጠንቀቂያ የህብረተሰቡን መኖሪያ ቤቶች እያፈረሰ ያለውን ግብረ ኃይል አጅበው ከመጡት ፀጥታ ኃይሎች በተተኮሰ ጥይት አራት ሰዎች መቁሰላቸው…

ሰበር ዜና በኮልፌ ቀራኒዮ ክፍለ ከተማ ያለ ምንም ማስጠንቀቂያ የህብረተሰቡን መኖሪያ ቤቶች እያፈረሰ ያለውን ግብረ ኃይል አጅበው ከመጡት ፀጥታ ኃይሎች በተተኮሰ ጥይት አራት ሰዎች መቁሰላቸው…

ሰበር ዜና በኮልፌ ቀራኒዮ ክፍለ ከተማ ያለ ምንም ማስጠንቀቂያ የህብረተሰቡን መኖሪያ ቤቶች እያፈረሰ ያለውን ግብረ ኃይል አጅበው ከመጡት ፀጥታ ኃይሎች በተተኮሰ ጥይት አራት ሰዎች መቁሰላቸው ተገለፀ! ታሕሳስ 26 ቀን 2015 ዓ.ም… አሻራ ሚዲያ ፣ በአዲስ አበባ ኮልፌ ቀራኒዮ ክፍለ ከተማ ያለ ምንም ማስጠንቀቂያ ዛሬ ታህሳስ 26/2015 ዓ/ም ከረፋዱ ጀምሮ የህብረተሰቡን መኖሪያ ቤቶች እያፈረሰ ያለውን ግብረ ኃይል አጅበው ከመጡት ፀጥታ ኃይሎች በተተኮሰ ጥይት አራት ሰዎች መቁሰላቸው መኖሪያ ቤታቸው እየፈረሰባቸው የሚገኘው ነዋሪዎች ለአማራ ድምፅ ገለፁ። በኮልፌ ቀራኒዮ ክፍለ ከተማ አለም ባንክ አከባቢ ልዩ ስሙ ማርያም ሰፈር ዛሬ ታህሳስ 26/2015 ዓ/ም ከረፋዱ ሦስት ሰዓት ጀምሮ ያለ ምንም ማስጠንቀቂያ የህብረተሰቡ መኖሪያ ቤቶች እየፈረሰ እንደሚገኝ ነው የተሰማው። የህብረተሰቡን መኖሪያ ቤቶች እያፈረሰ የሚገኘውን ግብረ ኃይል አጅበው የመጡት የኦሮሚያ ክልል ፀጥታ ኃይሎች ከመኖሪያ ቤታችን ለምን ታፈናቅሉናላችሁ በሚል ጥያቄ ያነሱ የአከባቢው ነዋሪዎች ላይ ተኩስ መክፈታቸውን ነው ነዋሪዎቹ ለአማራ ድምፅ ያረጋገጡት ። ያለ ምንም ቅድመ ማስጠንቀቂያ ዛሬ ከረፋዱ ሦስት ሰዓት ጅምሮ በድንገት ለቃችሁ ውጡ ተባልን የሚሉት ነዋሪዎቹ፡ አንወጣም ያሉ ሰዎች ከፀጥታ ኃይሎቹ በተተኮሰ ጥይት መቁሰላቸውን ተናግረዋል። በዚህም እስካሁን ቁጥራቸው በውል የታወቀ አራት ሰዎች ቆስለዋል ያሉ ሲሆን ከዚህ በተጨማሪ በርካታ ሰዎች መደብደባቸውም ተገልጿል። ዛሬ ከረፋዱ ጀምሮ በርካታ መኖሪያ ቤቶች እንዲፈርሱ የተደረጉ ሲሆን ጣሪያ እና ግድግዳውም በተሽከርካሪ ተጭኖ ወዳልታወቀ ስፍራ መወሰዱንም መኖሪያ ቤታቸው እየፈረሰባቸው የሚገኘው ነዋሪዎች ለአማራ ድምፅ አረጋግጠዋል። በግሬደር ማሽን በመታገዝ መኖሪያ ቤቶችን እያፈረሰ የሚገኘውን ግብረ ኃይል የሚያጅቡት ፀጥታ ኃይሎች ቤታችንን አናስፈርስም ባሉ የአከባቢው ነዋሪዎች ላይ የከፈቱት ተኩስ ይህ ዜና እስከተጠናቀረበት ሰዓት ድረስ አለመብረዱን የገለፁት ነዋሪዎቹ፡ የሚመለከተው አካል አስቸኳይ መፍትሔ እንዲሰጣቸው ጠይቀዋል። በ ጌትነት አሻግሬ ዘገባው የአማራ ድምፅ ነው “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply