You are currently viewing ሰበር ዜና! በዜጎች ላይ የሚፈጸመው ሁለንተናዊ አድሎአዊ አሰራር፣ ግፍ እና በደል ተጠናክሮ እንደቀጠለ ነው፤ ከአዲስ አበባ ተወስደው ወደ ኦሮሚያ ክልል በተጠቃለሉ አካባቢዎች በሽህ የሚቆጠሩ…

ሰበር ዜና! በዜጎች ላይ የሚፈጸመው ሁለንተናዊ አድሎአዊ አሰራር፣ ግፍ እና በደል ተጠናክሮ እንደቀጠለ ነው፤ ከአዲስ አበባ ተወስደው ወደ ኦሮሚያ ክልል በተጠቃለሉ አካባቢዎች በሽህ የሚቆጠሩ…

ሰበር ዜና! በዜጎች ላይ የሚፈጸመው ሁለንተናዊ አድሎአዊ አሰራር፣ ግፍ እና በደል ተጠናክሮ እንደቀጠለ ነው፤ ከአዲስ አበባ ተወስደው ወደ ኦሮሚያ ክልል በተጠቃለሉ አካባቢዎች በሽህ የሚቆጠሩ መኖሪያ ቤቶች በተደራጁ የኦሮሚያ ኃይሎች እየፈረሱ ነው፤ እስከ ጠ/ሚ ጽ/ቤት ድረስ አቅንተው ሰሚ ያጡ ነዋሪዎችም አሁንም የድረሱልን ጥሪ እያቀረቡ ነው። አማራ ሚዲያ ማዕከል/አሚማ … ታህሳስ 26 ቀን 2015 ዓ/ም አዲስ አበባ ሸዋ ከአዲስ አበባ ተወስደው ወደ ኦሮሚያ ክልል በተጠቃለሉ አካባቢዎች የበርካታ ዜጎች መኖሪያ ቤቶች በኃይል እየፈረሱ ስለመሆኑ በጀሞ ተራራ መድኃኒያለም፣ በእንቁ ገብርኤል እንዲሁም በሰበታ ወለቴ ቀበሌ አጃምባ የተፈናቀሉ ነዋሪዎች ተናግረዋል። ነዋሪዎች እንደሚሉት የኦሮሚያ ክልል መስተዳድር በተለይም ከታህሳስ 20/2015 ጀምሮ በሽህ የሚቆጠር የአማራ፣የጉራጌ፣የወላይታ፣የስልጤ፣የጋሞ፣ የትግሬ እና የሌሎችንም ዜጎች መኖሪያ ቤቶች በኃይል በማፍረስ ሽህዎች እንዲፈናቀሉ አድርጓል። የኦሮሞ ተወላጅ የሆኑ ቤቶችን እየለዩ ሲተው የሌሎችን ግን ከፍተኛ ቁጥር ያለው አፍራሽ ግብረ ኃይል በማሰማራት እያፈረሱብን ነው ብለዋል ቅሬታ አቅራቢዎች። እስከ 15 እና 20 ዓመት የኖሩበት ቤታቸውን ጨምሮ በሽህ የሚቆጠር ቤት እየፈረሰ በመሆኑ ህዝቡ በከፍተኛ ችግር ላይ ነው የሚሉት ነዋሪዎች በስቃይ ላይ መሆናቸውን አስታውቀዋል። ከፍተኛ ቅሬታ ለአማራ ሚዲያ ማዕከል (አሚማ) ካቀረቡት መካከል:_ 1) በአዲስ አበባ ኮልፌ ቀራኒዮ ክ/ከተማ ወረዳ 03 ጀሞ ተራራ መድሃኒያለም (ከ2,500 በላይ) እና ፋኑኤል ቤተ ክርስቲያን አካባቢ_(ከ1,500 በላይ) መኖሪያ ቤቶች ፈርሰዋል፤ አሁንም ማፍረሱን አጠናክረው ቀጥለውበታል ተብሏል። ከጥቅምት 2015 ጀምሮ ወደ ኦሮሚያ ልዩ ዞን ተካታችኋል ተብሎ ተነግሮናል ብለዋል። ከታህሳስ 20/2015 ጀምሮ እስከ ታህሳስ 26/2015 ለተከታታይ 6 ቀናት ማፍረሱ እና ማፈናቀሉ ያለማንም ሃይ ተጠናክሮ ቀጥሏል ይላሉ ነዋሪዎቹ። 2) በኦሮሚያ ልዩ ዞን/በአሁኑ አጠራር ሸገር ሲቲ፣ ሰበታ ክ/ከተማ፣ ገዳፈቻ ወረዳ ወለቴ ቀበሌ ልዩ ስሙ አጃምባ አካባቢ በእለተ እሁድ ታህሳስ 23/2015 ከ700 በላይ ቤቶች ፈርሰዋል። 3) በኦሮሚያ ልዩ ዞን ሰበታ ወረዳ 08 ቀበሌ፣ጎጥ 6፣እንቁ ገብርኤል አካባቢ ታህሳስ 23/2015 እና ታህሳስ 25/2015 ከንጋት እስከ ቀኑ 9 ሰዓት ድረስ ከ700 በላይ ቤቶች እንዲፈርሱ ተደርጓል። በአካባቢው የአማራ፣ የወላይታ፣የጉራጌ፣ የጋሞ፣የትግሬ እና የሌሎች ኢትዮጵያዊያን ቤቶች ተለይተው ፈርሰዋል። በእንቁ ገብርኤል ቤት ሲፈርስ በተፈጸመባቸው ድብደባ የቆሰሉ ከአስር በላይ ነዋሪዎች በሆስፒታል ተወስደው ህክምና እየተሰጣቸው ሳለ ተይዘው ወደ እስር ቤት መወሰዳቸው ተገልጧል። በደረሰባቸው ጉዳት ሳይታከሙ ከታሰሩት መካከል:_ 1) ካሳዬ ድረስለት፣ 2) መኩሪያ ሙጨ፣ 3) ቄስ ሃይለ ማርያም፣ የቅዱስ ሚካኤል ደብር አስተዳዳሪ፣ 4) ቄስ መዝገበ_ተው እያሉ እየተማጸኑ ባሉበት የተመቱ ናቸው። 5) ወርቅነህ ተፈራ፣ 6) ጌታዬ በየነ እና ሌሎች ነዋሪዎችም ጉዳት ደርሶበታል።

Source: Link to the Post

Leave a Reply