You are currently viewing ሰበር ዜና!  በጊምቢ ወረዳ ከአሰቃቂው የቶሌ ጥቃት የተረፉ ከ3,000 በላይ አማራዎች ዳግም ከቀያቸው ተፈናቀሉ፤ ከአቅማችን በላይ ነውና ውጡ በማለት ወረዳው በሰጠው ትዕዛዝ መፈጸሙን ነዋሪዎ…

ሰበር ዜና! በጊምቢ ወረዳ ከአሰቃቂው የቶሌ ጥቃት የተረፉ ከ3,000 በላይ አማራዎች ዳግም ከቀያቸው ተፈናቀሉ፤ ከአቅማችን በላይ ነውና ውጡ በማለት ወረዳው በሰጠው ትዕዛዝ መፈጸሙን ነዋሪዎ…

ሰበር ዜና! በጊምቢ ወረዳ ከአሰቃቂው የቶሌ ጥቃት የተረፉ ከ3,000 በላይ አማራዎች ዳግም ከቀያቸው ተፈናቀሉ፤ ከአቅማችን በላይ ነውና ውጡ በማለት ወረዳው በሰጠው ትዕዛዝ መፈጸሙን ነዋሪዎች ተናግረዋል። አማራ ሚዲያ ማዕከል/አሚማ… ጥቅምት 25 ቀን 2015 ዓ.ም አዲስ አበባ ሸዋ አሸባሪው የኦነግ ሸኔ ቡድን ከነቀምት ወደ ምዕራብ ወለጋ ዞን ጊምቢ_አሶሳ እና አንገር ጉትን የሚወስዱ መንገዶችን ከጥቅምት 21/2015 ጀምሮ በመዝጋት የተለያዩ የወረዳ ከተሞችን እና የገጠር ቀበሌዎችን በመቆጣጠር ላይ መሆኑ ተገልጧል። በሽብር ቡድኑ እስካሁን ከተያዙት አካባቢዎች መካከል:_ 1) ከምዕራብ ወለጋ ዞን:_ የመንዲ ወረዳንና ቂልጡቀራ የተባለ የገጠር ከተማን፣ እንዲሁም ከጊምቢ ወረዳ:_ ጆግር፣ ጨፌ፣ እሁድ ገበያ አካባቢ፣ማርቸ እና አባሴና የተባሉ አካባቢዎችን ይዟል። 2) ከመቱ ዞን ለጊምቢ አዋሳኝ የሆነውን ጨዋቃ የተባለ አካባቢንም ከተቆጣጠረው አንድ ወር ተቆጥሯል። እነዚህን እና ሌሎች በርካታ አካባቢዎችን የተቆጣጠረው የኦነግ ሸኔ ቡድን በጊምቢ ወረዳ ሰኔ 11/2014 በአማራ ላይ ከፍተኛ ጭፍጨፋ የፈጸመባትን የቶሌን ቀበሌ ለመቆጣጠር በቅርብ ርቀት ጆግር ላይ እንደሚገኝ ታውቋል። ይህን ተከትሎም የጊምቢ ወረዳ ስልክ በመወደወል ልቀቁ የሚል መልዕክት በማስተላለፉ የደዴሳ ድልድይን የሚጠብቀው የኦሮሚያ ልዩ ኃይል ከሌሊቱ 6 ሰዓት ላይ ለቀው ወጥተዋል። በተያያዘም በቶሌ ለነበሩ ከ3 ሽህ በላይ አማራዎች እና በጥበቃ ላይ ለነበሩ የፌደራል ፖሊስ አባላትን ከሌሊቱ 9 ሰዓት ጀምሮ ስልክ በመደወል ልቀቁ በመባላቸው ከንጋቱ 11 ሰዓት ጀምሮ ወደ ምስራቅ ወለጋ ዞን ዲጋ ወረዳ አርጆ ጉደቱ ከተማ ለ5 ሰዓት በእግር ለመጓዝ ተገደዋል። ጥቂቶቹ ደግሞ በዲጋ ወረዳ ኤፍሬም በሚባል አካባቢ መጓዛቸው ተሰምቷል። ነዋሪዎች እንደሚሉት ቡድኑ አብዛኞችን አካባቢዎች ያለምንም የተኩስ ልውውጥ እየተቆጣጠራቸው እና የተለያዩ ባንኮችን ጨምሮ ሌሎች የተቋማትንና የግለሰብ ንብረቶች እየዘረፈ ነው። የሽብር ቡድኑ በቁጥጥር ስር ባዋሏቸው አከባቢዎች በሚኖሩ የአማራ ተወላጆች ላይ ግድያ ስለመፈፀማቸውም የሚናገሩት ምንጮች እንደአብነትም መንዲ ከተማን ከተቆጣጠሩ በኋላ ግድያ፣ ዘረፋ እና ንብረት ውድመት የፈፀሙት አሸባሪዎቹ፣ በማረሚያ ቤት የሚገኙ እስረኞችን ፈተው ለቀዋል ተብሏል። በተያያዘ አማራ ሚዲያ ማዕከል (አሚማ) ከተፈናቃዮች እንዳጣራው በአቅም ማነስ እና በሌሎች ምክንያቶች ከቶሌ እስካሁን ካለቀቁት ከ200 በላይ አባዎራዎች ውጭ ከ3 ሽህ በላይ የሚሆኑት ጥቅምት 25/2015 ከንጋቱ 11 ሰዓት ጀምሮ በእግር ለ5 ሰዓት በመጓጓዝ ምስራቅ ወለጋ ዞን ዲጋ ወረዳ አርጆ ጉደቱ ከተማ ገብተዋል። ይሁን እንጅ አርጆ ጉደቱ ከገቡ በኋላ የሚቀበላቸው መንግስታዊ አካል ባለመገኘቱ በሜዳ፣ በጎዳና እና በየበረንዳው እየተንከራተቱ እንደሚገኙ አስታውቀዋል። የተፈናቃዮች ማዕከል መጠለዬ የለንም እንዲሁም ችግር ቢፈጠር የጥበቃ አቅም ስለለን ልንቀበላችሁ አንችልም በማለቱ ተፈናቃዮች ለወረዳ ፖሊስ ማመልከታቸው ታውቋል።

Source: Link to the Post

Leave a Reply