You are currently viewing ሰበር ዜና! ንሥር ብሮድካስት በኢትዮጵያ ባህር ዳር በሚገኘው ስቱዲዮ ላይ ዝርፊያ የተፈጸመበት መሆኑን አስታወቀ። አማራ ሚዲያ ማዕከል/አሚማ …   ታህሳስ 23 ቀን 2015 ዓ/ም…

ሰበር ዜና! ንሥር ብሮድካስት በኢትዮጵያ ባህር ዳር በሚገኘው ስቱዲዮ ላይ ዝርፊያ የተፈጸመበት መሆኑን አስታወቀ። አማራ ሚዲያ ማዕከል/አሚማ … ታህሳስ 23 ቀን 2015 ዓ/ም…

ሰበር ዜና! ንሥር ብሮድካስት በኢትዮጵያ ባህር ዳር በሚገኘው ስቱዲዮ ላይ ዝርፊያ የተፈጸመበት መሆኑን አስታወቀ። አማራ ሚዲያ ማዕከል/አሚማ … ታህሳስ 23 ቀን 2015 ዓ/ም አዲስ አበባ ሸዋ ንስር ብሮድ ካስት ሚዲያ በእለተ ቅዳሜ ታህሳስ 22/2015 ሌሊት ላይ የተቀናጀ የሚመስል አዲስ ጥቃት ተፈጽሞብኛል፤ በባህር ዳር ለምለሚቱ ህንጻ 6ኛ ፎቅ ላይ በሚገኝ ስቱዲዮ ውስጥ የነበረ ግምቱ ከ4 ሚሊዮን ብር በላይ ወጭ የተደረገበት ንብረት ባልታወቁ አካላት ተዘርፎብኛል ብሏል። የባህር ዳር ወጣት ጥቃቱን እንድታድን ሲልም ጥሪ ንስር ብሮድ ካስት ሚዲያ ጥሪ አድርጓል። ከህዝብ ጎን በመቆምና ወገንተኝነቱን ህዝብ ብቻ በማድረግ ለፍትህ፣ ለሰው ልጆች እኩልነት፣ ለሃገር አንድነትና ክብር ጭምር የድርሻውን እየተወጣ እንደሚገኝ ያስታወቀው ንስር ጉዞው ፈታኝ ቢሆንም እንቅፋቶችን ሁሉ እየተወጣ አሁን ያለበት ደረጃ ላይ መድረሱን ጠቁሟል። መንግስት በንስር ጋዜጠኞች ላይ በፈጸመው አፈና፣ የመስሪያ እቃወቻችን በመውሰዱ በስቱዲዮው መታሸግ ምክንያት ለወራት ስራ አቋርጦ የቆዬን መሆኑ ያስታዎሰው ንስር በመንግስት የተያዙ እቃዎች ባይመለሱም ህዝባችን ያለበት ሁኔታ ከመቸውም በላይ የከፋ መሆኑን በመረዳት እንደገና የጎደሉትን በማሟላት እንደ አዲስ ወደ ስራ ስለመግባታቸው ገልጸዋል። ጥቃቱ እኛን በንብረት እና በሞራል ከመጉዳት አልፎ ህዝባችን ላይ ጥቃት አድርሷል ብለን እናምናለን ሲል የተቀናጀ ያለውን ዝርፊያ አስከፊነት ገልጧል። “ዘረፋው እንዴትና በማን ተፈፀመ የሚለውን እስከ እሁን ያወቅነው ነገር የለም” ያለው ንስ የባህርዳር ወጣትና አጠቃላይ ህዝቡ ዘራፊወችን በማደን እንዲተባበር ጥሪ አድርጓል። የህግ አስከባሪ አካላትም ወንጀልን በመከላከል ዘራፊወችን ለህግ በማቅረብ ረገድ ትብብራቸውን እንዲያሳዩ ጠይቋል። ጥቆማውን ለማድረስ:_ በዋትሳፕና ቴሌግራም ቁጥራችን በ +1252 574 6084 አድርሱን። በ0918012653 ስልክ ልትደውሉልን ትችላላችሁ ብሏል።

Source: Link to the Post

Leave a Reply