You are currently viewing ሰበር ዜና! ወራሪው የሱዳን ጦር እና ተላላኪዎቹ ትሕነግ ያሰማራቸው የሳምሪ ቡድን አባላት በምዕራብ አርማጭሆ ወረዳ ገላሉባን አካባቢ በአማራ ፋኖ አንድነት በጎንደር የጎቤ ብርጌድ አባላት ላይ…

ሰበር ዜና! ወራሪው የሱዳን ጦር እና ተላላኪዎቹ ትሕነግ ያሰማራቸው የሳምሪ ቡድን አባላት በምዕራብ አርማጭሆ ወረዳ ገላሉባን አካባቢ በአማራ ፋኖ አንድነት በጎንደር የጎቤ ብርጌድ አባላት ላይ…

ሰበር ዜና! ወራሪው የሱዳን ጦር እና ተላላኪዎቹ ትሕነግ ያሰማራቸው የሳምሪ ቡድን አባላት በምዕራብ አርማጭሆ ወረዳ ገላሉባን አካባቢ በአማራ ፋኖ አንድነት በጎንደር የጎቤ ብርጌድ አባላት ላይ በፈጸሙት ጥቃት አንድ የፋኖ አባል ተገድሏል፤ በጠላት በኩል ከፍተኛ የሆነ የሰው ኃይሉ ሙት እና ቁስለኛ ሆኖ የተረፈው ለመሸሽ ተገዷል። አማራ ሚዲያ ማዕከል/አሚማ… ሰኔ 15 ቀን 2014 ዓ.ም አዲስ አበባ ሸዋ ወራሪው የሱዳን ጦር እና ተላላኪዎቹ ትሕነግ ያሰማራቸው የሳምሪ ቡድን አባላት በምዕራብ አርማጭሆ ወረዳ ገላሉባን አካባቢ በሚያለሙ እና ሰላም በሚያስከብሩ የአማራ ፋኖ አንድነት በጎንደር የጎቤ ብርጌድ አባላት ላይ ከበባ በማድረግ በፈጸሙት ጥቃት አንድ የፋኖ አባል ተሰውቷል። በጠላት በኩል ከፍተኛ የሆነ የሰው ኃይሉ ሙት እና ቁስለኛ ሆኖ የተረፈው ለመሸሽ መገደዱን አማራ ሚዲያ ማዕከል (አሚማ) ከፋኖዎች ጋር ካደረገው ቆይታ ለማወቅ ችሏል። በምዕራብ ጎንደር ዞን ምዕራብ አርማጭሆ ወረዳ በምድረ ገነት (አብደራፊ) በሚገኘው ገላሉባን የእርሻ ልማት ላይ ከመንግስት የጸጥታ አካላት ጋር በመናበብ በልማት እና የህዝብን ሰላምና ደህንነት በማስከበር ላይ በነበሩ ሻለቃ ሲሳይ አሸብር በዘመቻ መምሪያ ኃላፊነት በሚመራው የጀግናው ዋዋ ጎቤ መልኬ የፋኖ ብርጌድ አባላት ላይ ነው የከበባ ጥቃቱ የተፈጸመው። ሰኔ 14ለ15/2014 ንጋት ላይ የተፈጸመው ይህ የወራሪዎችና የከሃዲዎች ጥቃት ጠላትን ብዙ ዋጋ ያስከፈለው መሆኑ ተገልጧል። በተፈጸመው ጥቃትም በታች አርማጭሆ ወረዳ ነዋሪ እና ሻለቃ ሲሳይ አሸብር በጀግንነት የሚመራው የጎቤ መልኬ ብርጌድ የፋኖ አባል መሆኑ የተነገረለት ዛየደ ብርሌው አሸብር ተሰውቷል፤ አስከሬኑም ወደ ትውልድ አካባቢው ታች አርማጭሆ ወረዳ ሳንጃ መወሰዱ ተሰምቷል። ይህን የወረራ ጥቃት የፈጸሙት የሱዳን ጦር እና የከሃዲው ትሕነግ የሳምሪ አባላት ግን የተነሱበት እቅዳቸው አልተሳካላቸውም፤ ይልቁንስ ጀግኖች የጎቤ የአላማ እና የመንፈስ ልጆች ከበባውን ሰብረው በመውጣት አደገኛ ምት አሳርፈውባቸዋል፤ ከፍተኛ የሆነ ሰዋዊ እና ቁሳዊ ኪሳራ አድርሰውባቸዋል። ከጠላትም ሙት እና ቁስለኛ ከመሆን የተረፈው እግሬ አውጭኝ ብሎ ወደ አካባቢው ጫካ መሸሸቱ ተሰምቷል። ወራሪው የሱዳን ጦር በምዕራብ ጎንደር ዞን ምዕራብ አርማጭሆ፣ በመተማ፣በቋራ እና በሌሎችም የአማራ አካባቢዎች ወረራ በመፈጸም በሽህ የሚቆጠሩ አልሚዎችን በማፈናቀልና በመዝረፍ እና በርካቶችን በመግደል እና አግቶ በመውሰድ ጭምር የኢትዮጵያን ሉአላዊነት ደፍሮ ሰፊ ለም መሬት ከተቆጣጠረ 1 ዓመት ከ7 ወር ማለፉን እና መንግስትም ሉአላዊነት ተደፈረ በሚል የህዝቡን ስቃይ ተረድቶ አፋጣኝ ምላሽ መስጠት ሲገባው በዝምታ እያየው ነው በሚል ተጎጅዎች በተደጋጋሚ ቅሬታ እያቀረቡ ነው። ለቀጠናው አስቸኳይ ትኩረት እንዲሰጠው እና ወራሪው የሱዳን ጦር ጓንግን ተሻግሮ በወረራ ከያዘው የኢትዮጵያ መሬት ለቆ እንዲወጣ ተደርጎ ሉአላዊነት እንዲከበር መንግስትን ጨምሮ ሁሉም ኃላፊነቱን እንዲወጣ ጥሪ ቀርቧል። አሚማ ተጨማሪ መረጃዎችን እያጣራ ወደ እናንተ የሚያደርስ ይሆናል።

Source: Link to the Post

Leave a Reply