You are currently viewing ሰበር ዜና! የአማራ ክልል ጠቅላይ ፍ/ቤት በዋስትና ከእስር እንዲወጡ የፈቀደላቸው የአሻራ፣ የንስር ብሮድ ካስት ሚዲያ ጋዜጠኞች እና የባህል አስተዋዋቂዋ ትህትና በላይ በፌደራል ፖሊስ እና የ…

ሰበር ዜና! የአማራ ክልል ጠቅላይ ፍ/ቤት በዋስትና ከእስር እንዲወጡ የፈቀደላቸው የአሻራ፣ የንስር ብሮድ ካስት ሚዲያ ጋዜጠኞች እና የባህል አስተዋዋቂዋ ትህትና በላይ በፌደራል ፖሊስ እና የ…

ሰበር ዜና! የአማራ ክልል ጠቅላይ ፍ/ቤት በዋስትና ከእስር እንዲወጡ የፈቀደላቸው የአሻራ፣ የንስር ብሮድ ካስት ሚዲያ ጋዜጠኞች እና የባህል አስተዋዋቂዋ ትህትና በላይ በፌደራል ፖሊስ እና የደህንነት አካላት የማፈን ሙከራ እንደተደረገባቸው ተገለጸ። አማራ ሚዲያ ማዕከል/አሚማ… ሰኔ 30 ቀን 2014 ዓ.ም አዲስ አበባ ሸዋ የአሻራ፣ የንስር ብሮድ ካስት ሚዲያ ጋዜጠኞች እና የባህል አስተዋዋቂዋ ትህትና በላይ በቀደመ ቀጠሮአቸው መሰረት በአማራ ክልል ጠቅላይ ፍ/ቤት ቀርበዋል። የአብክመ ጠቅላይ ፍርድ ቤት ሰኔ 30/2014 ዓ/ም በዋለው ችሎት የአሻራ ሚዲያ ጋዜጠኛ በሆነው በእነ ካሳዬ ንጉሴ 8 ሰዎች የዋስትና ጉዳይ የፌደራል ዐቃቤ ህግን አስተያየት ለመቀበል በሰጠው ቀጠሮ መሠረት ዐቃቤ ህግ በችሎት ቀርቦ የተላከልን የምርመራ መዝገብ ጅምር ከመሆኑ የተነሳ የምርመራ መዝገቡን ለመርማሪ ፖሊስ ስለላክን አስተያየት መስጠት አንችልም ብሏል ሲል በይፋዊ የማህበራዊ ገጹ አስፍሯል። የተጠርጣሪዎች ጠበቃ በበኩላቸው ዐቃቤ ህግም ሆነ መርማሪ ፖሊስ አስተያዬት መስጠት አለመቻላቸው ምርመራው ክስ መመስረት የሚያስችል አለመሆኑ ታውቆ አቅማቸውን ያገናዘበ ዋስትና እንዲፈቀድላቸው ፍርድ ቤቱን ጠይቋል፡፡ በዚህም ፍርድ ቤቱ ግራ ቀኙን ካደመጠ በኋላ በምርመራ መዝገቡ ላይ ዋስትና የሚከለክል ጉዳይ ስላልቀረበ በእያንዳንዳቸው የ20 ሽህ ብር ዋስትና ከእስር እንዲፈቱ ትዕዛዝ መስጠቱን አስታውቋል። ይሁን እንጅ ለሰባታሚት ማ/ቤት የመፍቻ ትዕዛዝ የሰጠ መሆኑን አውቀዋል የተባሉት የአማራ ክልል ፖሊስ ምርመራ ክፍል፣ የፌደራል ፖሊስ እና የደህንነት አካላት በዋስትና እንዲወጡ የተጠሩትን ጋዜጠኞችንና ትህትና በላይን ዳግም ለማፈን እንቅስቃሴ ማድረጋቸውን ከአሻራ ሚዲያ የደረሰን መረጃ አመልክቷል። ፍ/ቤት የመፍቻ ትዕዛዝ የሰጣቸውን የግፍ እስረኞች፣ የአሻራና የንስር ጋዜጠኞች እና ትህት በላይን በባህርዳር ሰባታሚት ማረሚያ ቤት በር ላይ በመሆን ከህግ እና ከአሰራር ውጭ ዳግም ለማፈን የሚንቀሳቀሱ አካላት ከቤተሰብ እና ከአካባቢው ነዋሪዎች ከፍተኛ ተቃውሞ ገጥሟቸዋል ተብሏል። ለአሚማ ከአሻራ ሚዲያ የደረሰው መረጃ እንዳመለከተው ይህን ተከትሎ የምርመራ ክፍል አባላትና የፌደራል የደህንነት አካላት ከማ/ቤት ገለል ቢሉም የፌድራል ፖሊስ ግን አሁንም በቅርብ ርቀት እየተከታተለ ነው። ከህግ እና ከአሰራር ውጭ የሁለቱንም የሚዲያ ተቋማት ስቱዲዮ በማዘጋት አፍኖ በመውሰድ በህግ ስም ግፍ ሲፈጽም የቆየው አገዛዙ አሁንም በዛው በተሳሳተ እና የእብሪት መንገዱ እንደቀጠለ ነው ሲሉ ምንጫችን ተናግረዋል። የአማራ ህዝብ ከግፍ እስረኞች ጎን ሊቆም ይገባዋል ያሉት ምንጮች ሌሊት ላይ አፍነው ወደ ሌላ አካባቢ ሊወስዷቸው ይችላሉ የሚል ከፍተኛ ስጋት ያደረባቸው መሆኑን አስታውቋል። ከአሁን ቀደም የባልደራስ ከፍተኛ አመራር አቶ ስንታየሁ ቸኮል በዋስትና ከእስር ሲፈታ በፌደራል ፖሊስ ታፍኖ ወደ አዲስ አበባ እንዲመጣ እና እንዲታሰር መደረጉን እንደአብነት አውስተዋል።

Source: Link to the Post

Leave a Reply