You are currently viewing ሰበር ዜና! የኦሮሚያ ክልላዊ መንግስት ያሰማራው ልዩ ኃይል ኪረሞ ላይ 8 አማራዎችን በካምፕ ውስጥ እና በአደባባይ ገደለ፤ በአስቸኳይ የድረሱልን ጥሪም ቀርቧል። አማራ ሚዲያ ማዕከል/አሚማ ….

ሰበር ዜና! የኦሮሚያ ክልላዊ መንግስት ያሰማራው ልዩ ኃይል ኪረሞ ላይ 8 አማራዎችን በካምፕ ውስጥ እና በአደባባይ ገደለ፤ በአስቸኳይ የድረሱልን ጥሪም ቀርቧል። አማራ ሚዲያ ማዕከል/አሚማ ….

ሰበር ዜና! የኦሮሚያ ክልላዊ መንግስት ያሰማራው ልዩ ኃይል ኪረሞ ላይ 8 አማራዎችን በካምፕ ውስጥ እና በአደባባይ ገደለ፤ በአስቸኳይ የድረሱልን ጥሪም ቀርቧል። አማራ ሚዲያ ማዕከል/አሚማ … ህዳር 10 ቀን 2015 ዓ/ም አዲስ አበባ ሸዋ እነ አቶ ሽመልስ አብዲሳ የሚመሩት የኦሮሚያ ክልላዊ መንግስት ትዕዛዝ በመስጠት ያሰማራው ልዩ ኃይል ህዳር 10/2016 ብቻ በምስራቅ ወለጋ ዞን ኪረሞ ከተማ 8 አማራዎችን በካምፕ እና በአደባባይ በአሰቃቂ መልኩ መግደሉን ነዋሪዎች ለአማራ ሚዲያ ማዕከል (አሚማ) ገልጸዋል። አሚማ ከኪረሞ ነዋሪዎች ያገኘው መረጃ እንዳመለከተው ህዳር 10/2015 ወደ ኪረሞ የገባው የኦሮሚያ ልዩ ኃይል ህግን ተማምነው በቤታቸው የተቀመጡ 8 ሰላማዊ አማራዎችን ወደ ልዩ ኃይል ካምፕ በመውሰድ ረሽኗል፤ ድረሱልን የሚል ጥሪም ቀርቧል። ከጥቃት ሸሽተው ህዳር 10/2015 ከረፋዱ 4 ሰዓት ጀምሮ ከሀሮ አዲስ ዓለም ወደ ኪረሞ ሲመለሱ የነበሩ 7 አማራዎችን አፍኖ ወደ ካምፕ በመውሰድ የረሸናቸው መሆኑን ለአሚማ ከስፍራው የደረሰው መረጃ አመልክቷል። በተጨማሪም ህዳር 10/2015 ከቀኑ 12 ሰዓት አካባቢ በኪረሞ መሃል ከተማ ላይ ሲንቀሳቀስ የነበረን ሰላማዊ አማራን በአደባባይ ተኩሰው በመግደል ከመፈናቀል የተረፈው ህዝብ ለቆ እንዱወጣ እያደረጉ መሆኑ ታውቋል። ህዳር 9/2015 ቁጥራቸው በውል ያልታወቁ አማራዎችን የገደለው የኦሮሚያ ልዩ ኃይል ዛሬም ዘር ተኮር ጥቃቱን አጠናክሮ ቀጥሏል ተብሏል። ይህ እርምጃው ከአሸባሪው ሸኔ ጋር አብሮ እየሰራ ስለመሆኑ በግልጽ እያሳዬ ስለመሆኑ አመላካች ነው የሚሉት ምንጮች አሁንም ከፍተኛ ቁጥር ያለው ኃይል ወደ ኪረሞ ገብቷል፤ ይህ የገባው ኃይልም አላማው ትጥቅ ማስፈታት አይደለም፤ ኪረሞ፣ ሀሮ አዲስ አለም እና ጃርዴጋ ያለውን ከተባባሪው ኦነግ ሸኔ እልቂት የተረፈን አማራ ማጥቃት እንጅ ሲሉ አክለዋል። በኪረሞ ቀደም ሲል የተደራጀ ዘራፊ ቡድንም ህዳር 10/2015 አመሻሹን በከተማው ውስጥ እየዞረ የአማራውን ሱቅ እና መኖሪያ ቤቶችን እየሰበረ በመግባት እየዘረፈ መሆኑን ነዋሪዎች ለአሚማ ተናግረዋል። በምስራቅ ወለጋ ዞን ከጊዳ አያና ወረዳ ተነስቶ ወደ ኪረሞ ወረዳ ህዳር 10/2015 እና ህዳር 10/2015 ከፍተኛ ቁጥር ያለው የኦሮሚያ ልዩ ኃይል መግባቱ ተረጋግጧል። 1) ህዳር 9/2015 ዓ/ም 3 አይሱዙ ቅጥቅጥ እና 2 ፓትሮል ሙሉ እንዲሁም 2) ህዳር 10/2015 አመሻሽ 13 ሲኖትራክ (አስር ጎማ) እና 6 ፓትሮል በድምሩ 13 ሲኖትራክ፣3 አይሱዙ እና 8 ፓትሮል የኦሮሚያ ልዩ ኃይል ወደ ኪረሞ መግባቱን ለአሚማ ያረጋገጡት ምንጮች ለኦነግ ጥቃት በተረፈው አማራ ላይ እርምጃ ሊወስድ እንደሆነ መረጃው ደርሶናል ብለዋል።

Source: Link to the Post

Leave a Reply