You are currently viewing ሰበር ዜና! ጋዜጠኛ መዓዛ መሀመድ ለጥያቄ እንፈልግሻለን ባሉ ሁለት ሲቪል በለበሱ ፖሊሶች ጀሞ አካባቢ ከመኖሪያ ቤቷ ተወሰደች። አማራ ሚዲያ ማዕከል/አሚማ…  ታህሳስ 2 ቀን 2014 ዓ.ም…

ሰበር ዜና! ጋዜጠኛ መዓዛ መሀመድ ለጥያቄ እንፈልግሻለን ባሉ ሁለት ሲቪል በለበሱ ፖሊሶች ጀሞ አካባቢ ከመኖሪያ ቤቷ ተወሰደች። አማራ ሚዲያ ማዕከል/አሚማ… ታህሳስ 2 ቀን 2014 ዓ.ም…

ሰበር ዜና! ጋዜጠኛ መዓዛ መሀመድ ለጥያቄ እንፈልግሻለን ባሉ ሁለት ሲቪል በለበሱ ፖሊሶች ጀሞ አካባቢ ከመኖሪያ ቤቷ ተወሰደች። አማራ ሚዲያ ማዕከል/አሚማ… ታህሳስ 2 ቀን 2014 ዓ.ም አዲስ አበባ ሸዋ አማራ ሚዲያ ማዕከል ከጋዜጠኛ መዓዛ መሀመድ ባለቤት ከሮቤል ገበየሁ ጋር ካደረገው ቆይታ እንደተረዳው ታህሳስ 2 ቀን 2014 ከጠዋቱ 2:20 ላይ ከመኖሪያ ቤቷ ስትወጣ በር ላይ ጠብቀው በቆዩ ሁለት ሲቪል በለበሱ የፖሊስ አባላት ቤተሰብ ወዳላወቀው ስፍራ ተወስዳለች። የት እንሚወስዷትም በትክክል አለማወቃቸውን የገለጸው አቶ ሮቤል አካሄዱን አውግዟል፤ መዓዛ መሀመድ የሰብአዊነትና የጋዜጠኝነት ስራ ከመስራት ውጭ አንድም ወንጀል አልፈጸመችም አፈና ነው ብሎታል። ጋዜጠኛ ጎበዜ ሲሳይም የመንግስት አካሄድ መስተካከል የሚገባው መሆኑን በመግለጽ በተለይ ከመንግስት ጎን በተጠጉ አካላት የሚሰጡ እከሌ ይታሰር ጫናን ተከትሎ የመጣ መሆኑን ገልጧል። ጋዜጠኛው ብቻ ሳይሆን ጋዜጠኝነት ሙያው ጭምር እንደታሰረ እየተሰማኝ ነው ያለው መ/ር ታደገ ይሁኔ የተገፉት ድምጽ ጋዜጠኛ መዓዛ እንድትፈታ ጠይቋል። በጎ ፈቃደኛ ባንችአየሁ ክንዴ በበኩሏ ወደ አሶሳ በማቅናት በባንባሲ ተጠልለው የሚገኙ ከ4,500 በላይ አማራዎችን ለመደገፍ ልንጓዝ በቀጠሮ ላይ ነበርን፤ መታሰሯ አሳዝኖኛል ብላለች፤ በአስቸኳይ እንድትፈታም ጠይቃለች። አሚማ ከባለቤቷ ሮቤል ገበየሁ፣ከጋዜጠኛ ጎበዜ ሲሳይ፣ከመ/ር ታደገ ይሁኔና ከባንችአየሁ ክንዴ ጋር ያደረገውን ቆይታ በአሚማ የዩቱብ አድራሻ ይከታተሉ።

Source: Link to the Post

Leave a Reply