You are currently viewing #ሰበር ዜና _  ንሥር ብሮድካስት ስቱዲዮ የዘረፋ ጥቃት ተፈፅሞብኛል ሲል ገለፀ! ታሕሳስ 23 ቀን 2015 ዓ.ም… አሻራ ሚዲያ ፣ የንስር ብሮድካስት የኢትዮጵያ ስቱዲዮ ላይ አዲስ ጥቃት…

#ሰበር ዜና _ ንሥር ብሮድካስት ስቱዲዮ የዘረፋ ጥቃት ተፈፅሞብኛል ሲል ገለፀ! ታሕሳስ 23 ቀን 2015 ዓ.ም… አሻራ ሚዲያ ፣ የንስር ብሮድካስት የኢትዮጵያ ስቱዲዮ ላይ አዲስ ጥቃት…

#ሰበር ዜና _ ንሥር ብሮድካስት ስቱዲዮ የዘረፋ ጥቃት ተፈፅሞብኛል ሲል ገለፀ! ታሕሳስ 23 ቀን 2015 ዓ.ም… አሻራ ሚዲያ ፣ የንስር ብሮድካስት የኢትዮጵያ ስቱዲዮ ላይ አዲስ ጥቃት ተፈፅሟል:: የስቱዲዮ ንብረቶቹ በሙሉ በተቀናበረ መልኩ ተዘርፈዋል:: የባህር ዳር ወጣት ጥቃቱን እንድታድን ጥሪ እናደርጋለን ሲል አስታውቋል ! የንሥር ብሮድካስት ልክ እንደ አሻራ ሚዲያ ሁሉ ጋዜጠኞች መታፈን፣በመስሪያ እቃወች በመንግስት መወሰድና በስቱዲዮ መታሸግ ምክንያት ለወራት ስራ ማቋረጡ ይታወሳል:: ሆኖም በመንግስት የተያዙ እቃወቻችን ባይመለሱም ህዝባችን ያለበት ሁኔታ ከመቸውም በላይ የከፋ መሆኑን በመረዳት እንደገና የጎደሉንን እያሟላን እንደ አዲስ እንደ ንሥር ተነስተን ወደ ስራ እንቅስቃሴ ከሳምንት በፊት ተመልሰን ነበር ብሏል:: ይሁን እንጂ የተቀናጀ በሚመስል መልኩ አዲስ ጥቃት ተፈፅሞብናል ሲል አስታውቋል:: ታህሳስ 22 ቀን 2015 ዓ.ም ቅዳሜ ለሁድ ሌሊት ዋናው የንስር ስቱዲዮ በሚገኝበት በባህር ዳር መሃል ከተማ ላይ ለምለሚቱ ህንፃ 6ኛ ፎቅ ላይ የስቱዲዮው ምንም ሳይቀር ሙሉ ለሙሉ ተዘርፎ ማደሩን ይፋ አድርጓል:: ግምቱ ከ 4 ሚሊዮን ብር በላይ ንብረት አጥተናል ሲል ገልጿል:: ይህም ስራውን ሙሉ ለሙሉ እንዲያቆም ያደርገዋል ብለዋል:: ይህ ጥቃት እኛን በንብረት; በሞራል ጎድቶን ሊሆን ይችላል። ነገር ግን ከኛ ጥቃት በላይ ህዝባችን ላይ ጥቃት አድርሷል ብለን እናምናለን ሲል ንስር ብሮድካስት ገልጸዋል:: ንስር የጀመረው አዲስ ህልም ለማሳካት ብሎም የሳተላይት ስራወችን እየር ላይ ለማብቃት ቀንና ሌሊት ስራ ላይ እንደነበሩ ያስታወቁ ቢሆንም ባህር ዳር መሃል ከተማ ላይ ትልቅ ህንፃ ውስጥ ጥበቃ ባለበት ህንፃ ውስጥ በተቀነባበረ መንገድ ይህ የዝርፊያ ጥቃት ተፈጽሟል :: የስቱዲዮ እቃወቻችን አንድ ሳይቀር ተዘርፈዋል:: ዘረፋው እንዴትና በማን ተፈፀመ የሚለውን እስከ እሁን ያወቅነው ነገር የለም:: ይህ ዘረፋ የእኛ ብቻ ሳይሆን የህዝብ ንብረትም ዘረፋ ስለሆነ ማንኛውም የባህርዳር ህዝብ ዘራፊወችን በማደን እንዲተባበር ጥሪ እናደርጋለን ሲል አስታውቋል :: በተለይ በኤሊክትሮኒክስ የሽያጭ ስራ ላይ የተሰማራችሁ ብዙ የተዘረፍ ኤሌክትሮኒክስ ስላሉ ወደ መሸጫ መደብሮቻችሁ የሚመጡ እቃወችን በአንክሮ በማየት በጥቆማ እንድትተባበሩን እንጠይቃለን:: የህግ አስከባሪ አካላት ወንጀልን በመከላከል ዘራፊወችን ለህግ በማቅረብ እንድትተባበሩን እንጠይቃለን:: ሁሉም የባህር ዳር ወጣት ዘራፊወችን በመረጃ በመከታተል እንዲተባበር ጥሪ እናደርጋለን ያሉ ሲሆን ጥቆማችሁን በሚከተለው የንስር ብሮድካስት በዋትሳፕና ቴሌግራም ቁጥራችን በ +1 252 574 6084 አድርሱን:: በ 091 801 2653 ስልክ ልታደርሱ ትችላላችሁ:: ዘረፋው የንሥር ብሮድካስስት ብቻ ሳይሆን የህዝብ ዘረፋ ነው:: ለትብብራችሁ ከወዲሁ ከፍ ያለ ምስጋና እናቀርባለን:: ንስር ኢንተርናሽናል ብሮድካስት “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply