You are currently viewing ስንቅ በጎ አድራጎት ድርጅት በመቅደላ ወረዳ ለሚገኙ ተፈናቃይ ወገኖች ባደረገው ድጋፍ የተሳካ የአፍጥር ፕርግራም መካሄዱን አስታወቀ። አማራ ሚዲያ ማዕከል/አሚማ   ሚያዝያ 25 ቀን 2014 ዓ…

ስንቅ በጎ አድራጎት ድርጅት በመቅደላ ወረዳ ለሚገኙ ተፈናቃይ ወገኖች ባደረገው ድጋፍ የተሳካ የአፍጥር ፕርግራም መካሄዱን አስታወቀ። አማራ ሚዲያ ማዕከል/አሚማ ሚያዝያ 25 ቀን 2014 ዓ…

ስንቅ በጎ አድራጎት ድርጅት በመቅደላ ወረዳ ለሚገኙ ተፈናቃይ ወገኖች ባደረገው ድጋፍ የተሳካ የአፍጥር ፕርግራም መካሄዱን አስታወቀ። አማራ ሚዲያ ማዕከል/አሚማ ሚያዝያ 25 ቀን 2014 ዓ.ም አዲስ አበባ ሸዋ ሚያዝያ 24/2014 ዓ.ም የስንቅ በጎ አድራጎት ድርጅት ከመቅደላ ወረዳ የመንግሥት አካላት ጋር በመተባበር በወረዳው ውስጥ በተለያዩ የተፈናቃይ መጠለያ ካምፕ ውስጥ ተጠልለው ለሚገኙ የማህበረሰብ ክፍሎች የተሳካ የኢድ አልፈጥር የማስፈጠር ፕሮግራም መካሄዱን።አስታውቋል። በማፍጠር ፕሮግራሙ ላይም የመቅደላ ወረዳ ዋና አስተዳዳሪ አቶ እሸትዬ ገበያው፣የመቅደላ ወረዳ እስልምና ሃይማኖት ተወካይ ሐጂ የሱፍ መሐመድ፣ የመቅደላ ወረዳ ቤተ ክህነት ሥራ አስኪያጅ ሊቀ ትጉሃን ዋለልኝ እንዲሁም ሌሎች አመራሮች፣ የሃይማኖት አባቶችና የተለያዩ የማህበረሰብ ክፍሎች ተገኝተዋል። በእለቱም የወረዳው ዋና አስተዳዳሪ አቶ እሸትየ ገበያው ለመላው የእስልምና ሃይማኖት ተከታዮች የእንኳን አደረሳችሁ መልዕክት አስተላልፈዋል። በመልካሙ ጊዜ ቤታቸው ሙሉ የነበረው ወገኖቻችን ዛሬ በባለጊዜዎች ቢገፉም በዓሉን በመተባበርና በአብሮነት ማክበር የቆየ እሴታችንን እንዲጎላ ያደርገዋል ብለዋል። በመሆኑም ጊዜ ፊቱን ሲያዞር ደግሞ ተመልሰው ወደ ነበሩበት እንደሚመለሱ እምነት አለኝ ለዚህም እየሰራን ነው ሲሉም አክለዋል። አቶ እሸትየ አያይዘውም የስንቅ በጎ አድራጎት ድርጅት ለሚያደርገው መልካም ተግባር የከበረ ምስጋና አቅርበው በማንኛውም አስፈላጊ ክንውኖች ከድርጅቱ ጐን እንደሚቆሙ ተናግረዋል። አስተዳዳሪው አክለውም ለስንቅ በጎ አድራጎት ድርጅት መስራች ወ/ሮ ሙለጣይ ክብረት ምስጋና አቅርበዋል። የወረዳው የእስልምና ሃይማኖት ተወካይ ሐጂ የሱፍ መሐመድ በበኩላቸው ለተደረገው ቅዱስ ተግባር የከበረ ምስጋናቸውን አቅርበው ለመላው የእስልምና ሀይማኖት ተከታዮች ኢድ ሙባረክ ብለዋል፡፡ የመቅደላ ወረዳ ቤተ ክህነት ዋና ስራ አስኪያጅ ሊቀ ትጉሀን ዋለ ዳኛው በበኩላቸው ለመላው የእስልምና እምነት ተከታዮች የእኳን አደረሳችሁ መልዕክት አስተላልፈው ሃይማኖትን ተገን አድርገው አንዱን ከአንዱ ጋር ለመጠላለፍና ረብሻ ለማስነሳት የሚጥሩ አካላት ይታገሱ ዘንድ እስላሙም ክርስቲያኑም በአንድነት ወደ ፈጣሪው ጸሎት ማድረስ አለበት ብለዋል። በአፍጥር ፕሮግራሙ የታደሙት ተፈናቃዮች በበኩላቸ ለተደረገላቸው የአፍጥር ፕሮግራም የስንቅ በጎ አድጎት ድርጅትንና ተባባሪ አካላትን እጅግ አመስግነዋል። በመጨረሻም ስንቅ በጎ አድራጎት ድርጅት ለዚህ በጎ ተግባር በድርጅቱ ስም ድጋፍ ላደረጋችሁ በአገር ውስጥና በውጭ ያላችሁ ኢትዮጵያውያንና ትውልደ ኢትዮጵያውያን በሙሉ የከበረ ምስጋናችን ይድረሳችሁ ብሏል። ስንቅ በጎ አድራጎት ድርጅት የትንሳኤ በዓልን ምክንያት በማድረግ ከተለያዩ የኦሮሚያ፣የቤንሻንጉልንና የትግራይ አካባቢዎች ተፈናቅለው በጎንደር አዘዞ እና በደቡብ ወሎ መቅደላ ማሻ ለሚገኙ ወገኖች ድጋፍ ማድረጉ ይታወቃል።

Source: Link to the Post

Leave a Reply