You are currently viewing “ስንት ህዝብ ሲያልቅ ይሆን ይብቃን የሚባለው?፤…መርጠው ባልተወለዱበት ብሄር ምክንያት ንፁሃን ህይወታቸው የሚቀጠፍበት ዘመን ሊያበቃ ይገባል።”       ኡስታዝ አቡበክር አህመድ አማራ ሚ…

“ስንት ህዝብ ሲያልቅ ይሆን ይብቃን የሚባለው?፤…መርጠው ባልተወለዱበት ብሄር ምክንያት ንፁሃን ህይወታቸው የሚቀጠፍበት ዘመን ሊያበቃ ይገባል።” ኡስታዝ አቡበክር አህመድ አማራ ሚ…

“ስንት ህዝብ ሲያልቅ ይሆን ይብቃን የሚባለው?፤…መርጠው ባልተወለዱበት ብሄር ምክንያት ንፁሃን ህይወታቸው የሚቀጠፍበት ዘመን ሊያበቃ ይገባል።” ኡስታዝ አቡበክር አህመድ አማራ ሚዲያ ማዕከል/አሚማ … ህዳር 25 ቀን 2015 ዓ/ም አዲስ አበባ ሸዋ በምዕራብ ወለጋ እየሰማን ያለነው እልቂት እጅግ ዘግናኝ ነው። ቀን በቀን ለቅሶ እና ዋይታ ብቻ እየተሰማ ያለ መፍትሄ ይህ ሁላ ጊዜ መቀጠሉ እጅግ ያሳምማል። ንፁሃን ዜጎች እያለቁ ያለው ከውጪ በመጣ ወራሪ ጠላት ሳይሆን ወንድም ወንድሙ ላይ እየሰነዘረው ባለው አሳዛኝ ጥቃት ነው። በሀገሩ ምድር በድህነት ህይወቱን እየመራ ለሚገኝ ንፁህ ህዝብ ከግራ እና በቀኝ ጠብመንጃ በታጠቁ ሃይሎች በማያውቁት አጀንዳ ለሞት፣ ለእልቂት፣ ለስደት መዳረጉ ልብ ሰባሪ ነው። ንፁሃን ዜጎች መያዣ ተደርገው የፖለቲካ ቁማር ማወራረጃ መደረጋቸው የብዙሃን ወገኖቻችንን እልቂት እንድንሰማ ሆኗል። ይህ ሁሉ ሲሆን የፌደራሉ መንግስት እና የፀጥታ ሀይሎች የገዛ ህዝባቸውን ዘር እና ቀለም እየለዩ የሚያጠቁ ሃይላትን ማስቆም እና መግታት የሚሳናቸው አልነበረም። ለብዙ አመታት ተከባብሮ፣ ተዋልዶ እና በህብረት ሲኖር የነበረውን ማህብረሰብ የጥላቻ መርዝ በመዝራት የህዝብ እልቂቱን ወደ ሚስኪኑ ህዝብ እንዲወርድ እና እንዲጠፋፋ ለማድረግ እያደረጉ ያሉ ሰንኮፎችን ሁሉም በአንድነት ሊነቅላቸው ይገባል። የመንግስት አነስተኛ እና ትንሹ ግዴታ የሚባለው የዜጎችን ደህንነት ማስጠበቅ ነው። ዜጎች በሀገራቸው እና በቀያቸው የውጪ ወራሪ በሌለበት ተጨባጭ በታጣቂዎች ሲጨፈጨፉ እና ሲረግፉ በቸልታ ሊመለከት አይገባውም። ለሰሜኑ የሀገራችን ክፍል የተሰጠውን ትኩረት ለኦሮሚያ ክልልም ሊሰጥ ይገባል። መርጠው ባልተወለዱበት ብሄር ምክንያት ንፁሃን ህይወታቸው የሚቀጠፍበት ዘመን ሊያበቃ ይገባል። ዛሬም እንደወትሮ ለሃይማኖት አባቶች፣ ለአባ ገዳዎች፣ ለሀገር ሽማግሌዎች በኦሮሚያ ክልል በወለጋ ዞኖች እየፈሰሰ ያለውን የደም ማዕበል ለማስቆም ነገ ዛሬ ሳይሉ ግዴታ የሆነባቸውን ሃላፊነት ይወጡ ዘንድ በድጋሚ ጥሪዬን አቀርባለው። የፌደራሉ መንግስት በታሪካችን እጅግ ጥቁር ጠባሳ ጥሎ እያለፈ ያለውን ይህን እልቂት ያበቃ ዘንድ መንግስታዊ ሀላፊነቱን ይወጣ ዘንድ በድጋሚ ለማሳሰብ እወዳለሁ።

Source: Link to the Post

Leave a Reply