ስኖውደን የሩሲያን ፓስፖርት ተቀበለ

https://gdb.voanews.com/3C66520E-CC42-4ED3-9A8F-2B60A6B8D06E_cx0_cy4_cw0_w800_h450.jpg

የዩናይትድ ስቴትስ ብሄራዊ የመረጃ ተቋም (NSA) በሚስጢር የሚያደርጋቸውን በርካታ የስለላ መረቦችን ያጋለጠው የቀድሞ የዩናይትድ ስቴትስ የደህንነት ኮንትራክተር ሠራተኛ ኤድዋርድ ስኖውደን ለሩሲያ ያለውን ታማኝነት በመግለጽ የሩሲያን ፓስፖርት መቀበሉን ሮይተርስ ዘገበ፡፡

የስኖውደን ጠበቃ አናቶሊ ኩቼሬና “አዎ ፓስፖርቱን አግኝቷል ቃለ መሃላውንም ፈጽሟል” ብለው ለሩሲያ መንግሥት የዜና ወኪል ታስ መናገራቸውም በዘገባው ተመልክቷል፡፡

የ39 ዓመቱ ስንውደን ስለ ዘገባው አስተያየት እንዲሰጥ ቢጠየቅም ምላሽ አለመስጠቱን ሮይተርስ ዘግቧል፡፡

የሩሲያው ፕሬዚዳንት ቫላድሚር ፑቲን ባላፈው መስከረም ዩናይትድ ስቴትስና አጋሮችዋ ሰዎችን በድብቅ ይቀዳሉ የተባሉበትን የሚስጥር ሰነዶች በማጋለጥ ለኮበለለው ስኖውደን የሩሲያን ዜግነት መስጠታቸው ተነግሯል፡፡

የስኖውደን ደጋፊዎች የዩናይትድ ስቴትስን የስለላ መጠን ያጋለጠ የዘመናችን ሰው በማለት ሲያወድሱት ተቃዋሚዎቹ ደግሞ የምዕራባውያን ሰላዮች የሚጠቀሙባቸውን ዘዴዎች ለጠላት አገሮችና ለታጣቂ አማጽያን አሳልፎ በመስጠት የሰዎችን ህይወት ለአደጋ አሳልፎ የሰጠ ከሃዲ ነው ሲሉ ይከሱታል፡፡

Source: Link to the Post

Leave a Reply