በህወሃት ውስጥ ያለ ቡድን በአዲስ አበባ ከተማ ለጥፋት ተልዕኮ ያዘጋጃቸው ከ355 በላይ የተለያየ የጦር መሳሪያዎች ተያዙ። አማራ ሚዲያ ማዕከል/አሚማ ጥቅምት 29 ቀን 2013 ዓ.ም…

በህወሃት ውስጥ ያለ ቡድን በአዲስ አበባ ከተማ ለጥፋት ተልዕኮ ያዘጋጃቸው ከ355 በላይ የተለያየ የጦር መሳሪያዎች ተያዙ። አማራ ሚዲያ ማዕከል/አሚማ ጥቅምት 29 ቀን 2013 ዓ.ም አዲስ አበባ ሸዋ በህወሃት ውስጥ ያለ ቡድን በአዲስ አበባ ከተማ ለጥፋት ተልዕኮ ያዘጋጃቸው የጦር መሳሪያዎች መያዙን የአዲስ አበባ ፖሊስ ኮሚሽን ገለጸ። የአዲስ አበባ ፖሊስ ኮሚሽነር ጌቱ አርጋው እንደገለጹት፤ መዲናዋን ለማወክ ቡድኑ ያዘጋጀው ከ355 በላይ የተለያየ የጦር መሳሪያ ከ14 ሺህ በላይ ጥይቶች ጋር ተይዘዋል። የጥፋት አጀንዳውን በማስፈጸም የተጠረጠሩ 162 ግለሰቦች በቁጥጥር ስር ውለው ምርመራ እየተካሄደባቸው እንደሆነም መግለፃቸውን ኢዜአ ዘግቧል። የጥፋት ተልዕኮውን ለማስፈጸም የሚንቀሳቀሱ ሃይሎችን በቁጥጥር ስር ለማዋል ህብረተሰቡ ያደረገውን አስተዋጽኦ አድንቀው ምስጋና ስለማቅረባቸው ዋልታ ዘግቧል። በተመሳሳይ በኢትዮጵያ እና ሱዳን ድንበር አካባቢ 95 ሺህ ጥይት መያዙ ተገልጧል። የሱዳን ዜና አገልግሎት እንደዘገበው 95 ሺህ ጥይት ከመድሀኒት ጋር ተቀላቅሎ በአህያ ተጭኖ ወደ ኢትዮጵያ ለመግባት በመጓጓዝ ላይ ሳለ በሱዳን የገዳሪፍ ግዛት የጸጥታ ሀይሎች መያዙና አዘዋዋሪዎችም በቁጥጥር ስር ውለው ምርመራ እየተደረገባቸው መሆኑን የኢትዮ ኤፍ ኤም ዘገባ አመልክቷል።

Source: Link to the Post

Leave a Reply