በህዝብ ተወካዮች ምክር ቤት ስብሰባ ላይ በማይገኙ የትግራይ ህዝብ የወከላቸው የምክር ቤቱ አባላት ላይ አስተዳደራዊ እርምጃ እንደሚወሰድ የምክር ቤቱ አፈ-ጉባኤ ተናገሩ። አማራ ሚዲያ ማዕከል/…

በህዝብ ተወካዮች ምክር ቤት ስብሰባ ላይ በማይገኙ የትግራይ ህዝብ የወከላቸው የምክር ቤቱ አባላት ላይ አስተዳደራዊ እርምጃ እንደሚወሰድ የምክር ቤቱ አፈ-ጉባኤ ተናገሩ። አማራ ሚዲያ ማዕከል/አሚማ ጥቅምት 11 ቀን 2013 ዓ.ም አዲስ አበባ ሸዋ የህዝብ ተወካዮች ምክር ቤት አፈ-ጉባኤ አቶ ታገሰ ጫፎ በተለያዩ ጉዳዮች ዙሪያ መግለጫ ሰጥተዋል። በመግለጫቸው ባለፉት ሁለት የምክር ቤቱ ስብሰባዎች ከአንድ ተወካይ በስተቀር ከትግራይ ክልል የተወከሉ የምክር ቤት አባላት አለመገኘታቸውን አስታውቀዋል። በምክር ቤቱ በኩል ተወካዮቹ እንዲገኙ ጥረቶች እየተደረጉ መሆኑን ገልጸው፤ ባለመገኘታቸው የሚቀጥሉ ከሆነ ግን አስተዳደራዊ እርምጃ እንወስዳለን ብለዋል። አፈ-ጉባኤው በመግለጫቸው እንዳሉት ማንኛውንም ችግር በውይይት፣ በህግና አሰራር መፍታት እንጂ አገርን የማፍረስና ህግን የመተላለፍ ተግባር መፈጸም የለበትም። ዘንድሮ የሚካሄደውን ምርጫ በተመለከተ ከጋዜጠኞች ለተነሳላቸው ጥያቄ በሰጡት ምላሽም ብሄራዊ ምርጫ ቦርድ ከ90 በመቶ በላይ የምርጫ ቁሳቁስ አቅርቦቱን ማጠናቀቁን አረጋግጠናል ብለዋል። በምርጫ ሂደቱ ለሁሉም ተፎካካሪ የፖለቲካ ፓርቲዎች እኩል የውድድር ሜዳ እንዲፈጠር መሰራት አለበት ሲሉም ተናግረዋል። ምርጫው ፍትሃዊና ዴሞክራሲያዊ ሆኖ እንዲካሄድ የሁሉም ፖለቲካ ፓርቲዎች ዝግጁነት ወሳኝ መሆኑን ስለመግለጻቸው የኢዜአ ዘገባ አመልክቷል።

Source: Link to the Post

Leave a Reply