በህዝብ ተወካዮች ምክር ቤት በሽብርተኝነት የተፈረጀዉ ህወሓት በአፍሪካ ኅብረት መሪነት ለሚደረግ የሰላም ሒደት ዝግጁ መሆኑን አስታወቀ። ከህወሓት ከፍተኛ ባለሥልጣናት አንዱ የሆኑት አቶ ጌታ…

በህዝብ ተወካዮች ምክር ቤት በሽብርተኝነት የተፈረጀዉ ህወሓት በአፍሪካ ኅብረት መሪነት ለሚደረግ የሰላም ሒደት ዝግጁ መሆኑን አስታወቀ።
ከህወሓት ከፍተኛ ባለሥልጣናት አንዱ የሆኑት አቶ ጌታቸው ረዳ እና የቀድሞው የኢትዮጵያ ጦር ጠቅላይ ኤታማዦር ሹም ጄኔራል ጻድቃን ገብረተንሳይ የትግራይ ክልል መንግሥትን ወክለው እንዲደራደሩ መሾማቸውን ገልጿል።
ህወሓት ይኸን ያለው ትናንት መስከረም 1 ቀን 2015 ምሽት ላይ ባወጣው መግለጫ ነው።
ህወሓት በመግለጫው ከኢትዮጵያ የፌድራል መንግሥት ጋር ለሚደረግ ድርድር “ምቹ ሁኔታ ለመፍጠር በፍጥነት እና በጋራ ስምምነት ግጭቶችን ለማቆም” ዝግጁ እንደሆነ ገልጿል።
“በአፍሪካ ኅብረት የሚመራ ተዓማኒ የሰላም ሒደት እንጠብቃለን” ያለው የትግራይ ክልላዊ መንግሥት ሊሳተፉ ይገባል ያላቸውን አካላት እና የሚኖራቸውን ሚና በመግለጫው ዘርዝሮ አቅርቧል።
“በጋራ ተቀባይነት ያላቸው አደራዳሪዎች እንዲሁም መተማመንን ለመገንባት የሚረዱ፣ ለሰላም ሒደቱ እምነት የሚፈጥሩ እና የስምምነቶችን ተግባራዊነት የሚከታተሉ ዓለም አቀፍ ታዛቢዎች” ሊሳተፉ እንደሚገባ የክልሉ መንግሥት ቅድመ ሁኔታ አስቀምጧል።
ከዚህ በተጨማሪ “ለሰላም ሒደቱ ተዓማኒነት አስፈላጊ እገዛ እና ምክር የሚያቀርቡ ዓለም አቀፍ ባለሙያዎች” ሊሳተፉ እንደሚገባ ህወሓት በመግለጫው ጠቁሟል ሲል ዶቸቬለ ዘግቧል።
ኢትዮ ኤፍ ኤም 107.8 የኢትዮጵያዊያን
መስከረም 02 ቀን 2015 ዓ.ም

Source: Link to the Post

Leave a Reply